Analysis Services
على فكره يا دينا انا عملت التوميه ببياض البيض امبارح الساعه 4 الصبح وهندوقها النهارده ان شاء الله عشان خلاتى عندنا

هدوق واقولك بس الاول يسيبونىىىىىىىىىىى اروح
26-06-1426 هـ, 04:31 مساءً
 
ماشى يا هبهوبتى وبالف هنا وشفا مقدما .. سمعت انك مشغولة النهاردة وعلى أخرك ..دى غلطتك من الاول كان المفروض ان الفلوس اللى جت للمستشفى تلميها وتوزعيها على اخواتك حبايبك وولا وظائف ولا انتر فيو ...صح ؟؟؟تعالى كولى معايا انا بكتبلك ومعايا طبق فتة يستاهل بقك والله
26-06-1426 هـ, 04:51 مساءً
 
فته ............حرام عليكى

حرام عليكى


حرام عليكى
26-06-1426 هـ, 05:10 مساءً
 
كنافة بالقشطة
نص كيلو كنافة – تقريبا 3/4 كوب سمن
القشطة : كوبيتين ونص حليب – سكر للتحلية – نص كوباية نشا- علبة قشطة
عسل ( نفس مقدار العسل اللى كتبناة فى الكنافة بالمكسرات)
الطريقة
نعمل القشطة :ندوب الاول النشا فى الحليب على البارد لحد ما تدوب النشا ثم نضعهم على النار مع التقليب و نحلى بالسكر لحد ما تغلى نقلب تقليبتين ونطفى النار وبعدين نحط عليها علبة القشطة ونقلبها معاهم
نعمل الكنافة : نقطع الكنافة قطع صغيرة ممكن بايدك وممكن بالمقص وممكن بالكبة
نسخن السمنة بس يعنى تسيح وتدفى على النار وبعدين نصبها على الكنافة ونقلبها كويس لحد ما تحسى بأيدك ان الكنافة كلها شربت سمنة او اتبلت كويس بالسمنة
تروحى حاطة نصها فى صينية وتروحى حاطة عليها القشطة وتفرديها كويس على الكنافة لكن ضرورى ما تخليش القشطة توصل لاطراف الصينية علشان ما تتحرقش و تسود وبعدين تروحى حاطة نص مقدار الكنافة التانى فوق القشطة وتغطيها كويس وتحطى حوالى معلقة سمن سايحة على الوش وتدخليها الفرن المتوسط الحرارة لحد ما تستوى ووشها يحمر حوالى من تلت لنص ساعة
وبعد ما تخرج من الفرن وهى ساخنة نسقيها بالشراب ( العسل)و بالهنا والشفا
26-06-1426 هـ, 05:17 مساءً
 
عارفة يا هبهوبتى انا دلوقتى مبسوطة قوى ...اقولك لية ؟؟؟؟لاول مرة توصلنى رسائل على الخاص و بالصدفة 3 رسائل بيكتبولى ويقولولى انهم متابعين الملف و بيشكرونى وانا فعلا اتبسط لانى مكنتش فاكرة ان حد بيبصلنا غير انتم بس اللى معروفين تقريبا بالاسم ومحدش غريب دخلنا قبل كدة الا قليل جدا ..فأنا بشكرهم تانى بس المرة دى على الصفحة بتاعتنا
وعن ازنك علشان الم اللى بالى بالك بعد الغداء ( ريحة الماوس والكيبورد كلها خل وتوم )
26-06-1426 هـ, 05:26 مساءً
 


الساعة الآن 12:03 .