سويتها البسبوسة اللي مب محشية!

17-04-1426 هـ, 10:51 مساءً
 
من عنيا يا ام زياد ايوة الاسم دة اسهل ربنا يخليهولك
فديت علاوي: اهلا بيكى فى قسمنا و تسلم ايدك شكلها حلو و طرية و لا انتى اية رأيك ؟ وانا حدخل على مواضيعك برضة و اقراها و اقول لو عملت حاجة حقولك رايى بس انا لما بضع مكسرات على وجة الصينية بضع اما انصاف لوز بالطول ومقشرة او بضع انصاص بندق مقشرة و بعمل بيهم اشكال
المهم اية اخبار الريجيم ؟ ربنا يوصلك للنتيجة اللى ترضيكى و عقبالنا
ياla rose هاتى اللى عندك.
mooty اتفقنا احنا نعمل و ناكلك و انتى تعملى ريجيم و تخسى لنا
17-04-1426 هـ, 11:47 مساءً
 
فديت علاوي. اعتقد حسب اللى ظاهر فى الصورة ان الصينية كبيرة على المقدار و لا انتى اية رأيك؟
17-04-1426 هـ, 11:50 مساءً
 
دون من فضلك تعرفى طريقة كنافة عش البلبل؟ كنت عايزة اعرف ازاى اعمل الكريم شانتيه ؟
18-04-1426 هـ, 12:43 صباحاً
 
اة يا حبيبتى اولا بالنسبة للكنافة :هاتى كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة
ثم ارصص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات
امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد و بالهنا
طريقة الكريم شانتى
اذا كنتى حتعمليها بودرة يبقى اتبعى التعليمات اللى على العلبة
او هاتى نص كيلو كريمة لبانى من بتاع اللبن او علبه قشدة الخفق من السوبر ماركت صبيها فى طبق غويط و بالمضرب الكهرباء ابدئى بالضرب و ضعى سكر بودرة حسب الطعم واضربى على سرعة متوسطة لحد ما تلاقى الكريمة ذادت و بفيت خفبفة و هشة زى الايس كريم او زى القطن لازم توقفى المضرب على طول لحسن حتلاقيها فصلت منك وهكذا تكون صالحة للاستخدام بس حطيها فى الثلاجة
18-04-1426 هـ, 04:57 صباحاً
 


الساعة الآن 08:55 .