صباح الخير
احكيلكم بقى انا عملت ايه انهارده عملت تورته ايس كريم بس طلعت ايه جامده موت
غملت كيكة اسفنجية ب 8 بيضات وكوباية وربع سكر وكوباية وربع دقيق وملقتش عندى بيكنج بودر فطنشت ومشيتها من غيره بس طلعت كويسه وعلوها معقول لانى ضربت البيت لما اتقطع نفسه
وبعد ما بردت خالص طلعتها من الصينيةورسمت دايرة عليها وفرغتها بالمعلقة يعنى بقت زى الصينية هى كمان جوانبها عالية عن قلبها
مليت القلب بالابس كريم وحطيت كومبوت وزقتها بالكريمة وعلى الفريزر عدل
ماشاء الله على بلليل مش لاقية منها حاجه
حاولت اعمل يس كريم كانت كاتباه كهرمانه تقريبا بس انا عملت نص المقدار قلت اجرب
غليت نص كيلو لبن على بياض 3 بيضات وفانيليا واقلب اقلب لغاية ما تخن شويه بس برضه حسيته خفيف انا كنت فاكرة هيتخن كمان عن كده
المهم لما برد خالص حطيته بالفريزر ساعه وطلعته حطيت عليه باكو ونص كريمة مضروبه وحطيته بالفريزر تانى ويا مسهل مستنيين النتيجه بكرة
على الله بس ميكسفنيش
ها ايه رايك يا دون تلميذة نجيبة ولا خايبة؟
27-06-1426 هـ, 02:25 صباحاً
 
اقتباس مشاركة  (jana123)
ارجو من المشرفة تعليمى ازى ادخل الى المشاركات والحصول على ملف الاكلات المصرية وشكرا
ممكن ارد عليكى انا يا jana123 فى اخر صفحة المشاركات حتلاقى مربع مكتوب علية اضافة رد تدوسى علية حتتفتح لك شاشة تكتبيى فيها اللى انتى عيزاة وتدوسى على مستطيل تحت اسمة ارسال الرد و حتلاقى المشاركة بتاعتك ظهرت على الصفحة وبالنسبة للملف طلبك فانتظرى التلخيص بتاعة اسهلك حيوضع فى المنتدى بعد يومين ..واتمنى يكون دة الرد على سؤالك واى خدمة
27-06-1426 هـ, 09:05 صباحاً
 
صباح النور يا لاروز ايوة يا سيتى بقينا فاضيين دلوقتى و بنصنف . بداية ممتازة واكيد حتفرحى بالنتيجة لانها حتكون من ايديكى بس ماتنسيش الغلابة اللى عندنا بحتة ينوبك ثواب فيهم . وطبعا تلميزة نجيبة تسلم ايديكى مقدما وبرضة كدة بقى حنعمل لكهرمانة ملف بأسمها

صباح الخير يا احلام امبارح ابنى هو اللى كان على الماسنجر مش انا يمكن علشان كدة مردش عليكى كان قاعد بدالى بيبعتلى ملفات وانتى اخبارك اية ؟
27-06-1426 هـ, 09:12 صباحاً
 
اذيك يا دينا و نانى و رانيا و هبة و احلام و كل الشيفات انا اليومين دول عند خالتى فى الفيوم فبدخل عندها لما الاقى وقت انا بقولكم وحشتوووونىىىىى موووووت و مستنيين التلخيص و مرسى يا دينا انت الوحيدة اللى بتجاوبى على اسئلتى الغبية
27-06-1426 هـ, 11:17 صباحاً
 
صباح الخير على احلى شيفات

ست لاروز هانم يعنى عملتى تورتة الايس كرييم اللى نفسك فيها طب مش تعزمينا ,,

عامة ابقى قوليلنا على النتيجة....
27-06-1426 هـ, 12:26 مساءً
 


الساعة الآن 05:19 .