Analysis Services
بالنسبة للبسبوسة! الصينية كانت شوي كبيرة! بس هي طلعت لينة مب يابسة!
وبالنسبة للقطر انا زدت ماي لاني ما احب القطر يطلع مثل الدبس حبيته يتخلخل بالبسبوسة!

وبالنسبة للموس شوكلاتاه! صراحة انصحج فيها حبيبتي شهية والكل تخبل عليها لانها لذيذة وانتظر رايج فيها
19-04-1426 هـ, 02:15 صباحاً
 
[color=0000FF]البيكاتا بالمشروم
شرائح بفتيك بتلو (العدد حسب ماانتى عاوزة) - ملح - فلفل – عصير ليمونة – ملعقة كبيرة زبدة_ علبة مشروم صغيرة مقطعة قطع صغيرة - 2 علبة كريمة لباني الحجم الصغير- 3 بصلات كبار مقطعين صعير

الطريقة:

يتبل شرائح البفتيك بالملح والفلفل و عصيرالليمون ثم نضع الذبدة في صينية يا ريت لو تيفال على النار و لما تسيح نضع اللحمة و نحمرها على نار هاديةمع التقليب باستمرار من الناحيتين لحد ما الوشين يتحمروا . ثم اشيلهم من الصينية فى طبق و بعدين احط البصل فى الصينية مكان اللحمة اللى شيلتها و اقلبه لحد ما يدبل ( يعنى تحسى انه بقى طرى ) و بعدين تروحى حطة المشروم المقطع مع البصل و تقلبيهم لحد برضة اما تحسى ان المشروم دبل . و بعدين تروحى حطة الكريمة اللبانى على البصل والمشروم فيغلي لحد ماتلاحظى ان الكريمة اللبانى تخنت شوية .( خلى بالك كل دة حياخد منك مجرد ثوانى علشان الكريمة اللبانى ما بتستناش كتير على النار ) وبعدين تروحى حطة اللحمة اللى كنتى شيلتيها على جنب فى طبق فى الصينية و يادوب تلفى اللحمة لفة فى الكريمة اللى فى الصينية و تلاحظى انها عليها كريمة من الوشين تشيليها فورا. وبالهنا و الشفا .[/color]
19-04-1426 هـ, 02:34 صباحاً
 
اقتباس مشاركة  (فديت علاوي)
بالنسبة للبسبوسة! الصينية كانت شوي كبيرة! بس هي طلعت لينة مب يابسة!
وبالنسبة للقطر انا زدت ماي لاني ما احب القطر يطلع مثل الدبس حبيته يتخلخل بالبسبوسة!

وبالنسبة للموس شوكلاتاه! صراحة انصحج فيها حبيبتي شهية والكل تخبل عليها لانها لذيذة وانتظر رايج فيها
انا توقعت من الصورة فعلا ان الصينية كبيرة على المقدار حتى انا رديت عليكى و قلت لك على طول و كويس انها طلعت لينة تسلم ايديكى . و بالنسبة للقطر او الشيرة او العسل مع احترامى لرأى الكل ..فأنا بعمل بتاع البسبوسة بالذات مقدار الماء نفس مقدار السكر يعنى كوب سكر مثلا علية كوب ماء لكن الكنافة هى اللى بتخنة فيها
19-04-1426 هـ, 02:44 صباحاً
 
الفاهيتا
4 فلفلات رومى كبيرة _ 4 طماطماية كبيرة _ 2 معلقة كبيرة ذبادى _ 5 فصوص ثوم _ 1معلقة صغيرة كارى _ 1 بصلة كبيرة _ 2 معلقة خل _ ملح وفلفل
صدور فراخ مقطعة مكعبات حلوة مش صغيرة
الطريقة

تعمل بنفس طريقة الشاورما ماعدا( الفلفل و الطماطم )
فى مقلاية تيفال كبيرة نضع قليل من الذيت ثم نرصص الفراخ الا ول داير مايدور المقلاية فى الطرف خالص
ثم وراها على طول ترصصى الفلفل المقطع داير مايدور ثم نرصص الطماطم ورا الفلفل داير ما يدور
فخلى بالك حيفضل فية مكان فاضى فى منتصف المقلاية
نترك كلة لحد ما كلة يسخن و ينزل مايتة وطبعا كل واحد حيستوى و يشرب من ماء التانى اللى جانبه فحيبقى الطعم رائع المهم لما يشربوا الماء اللى حينزل خالص
************ فى المنتصف فى الحتة اللى فاضية نطش الخل حيطلع دخان ثم نقلبهم بسرعة مرتين مع بعض و نطفى و نعمل السندوتشات و بالهنا و الشفا
ملحوظة : مهمة قوى طريقة ترتيب المقلاية يعنى مش بنحط كلة على بعضة لآلآلآ ودة سر برضة
19-04-1426 هـ, 03:37 صباحاً
 
يلا كفاية كدة النهاردة اظن القايمة كانت دسمة بكرة ان شاءالله حنعمل حل التشيز كيك و بقلاوة بحشوة حلوة و ممكن نعمل فروت سلاط لو عوزين
19-04-1426 هـ, 03:41 صباحاً
 


الساعة الآن 05:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏