ايوة يا ستى انتى اللى عزمتينى
وانا كمات دخلت منتدى العروض ولقيت غالبا هو ده الموضوع اللى كنتى قولتيلى عليه بتاع waswosa ورديت عليكم كمان
انا تحت أمركم فى اى وصفة وفى اى طريقة انتوا تحبوها
مش تزعلى منهم دول صحباتك برضه وثوابك عند ربنا
ومش تزعلوا منى أنا كنت بهزر لما قولتلكوا نسيتوا حاجات ، انا بس خفت الطبخة تخرب بسبب حاجات بسيطة زى كده ممكن الواحد ينساها ومش ياخد باله منها
أنا مبسوطة أوى انى بشترك معاكم ، واى حاجة أنا فى الخدمة دائمااااااااااااااااااا
بصى يا لاروز انا بحب اعافر فى المطبخ فبالنسبة للتشيز كيك انا زيك بستتقل اجبنة الاسبرد عموما ولذلك جربتها بالجبنة الراكوتا قلت يمكن تطلع حلوة زى الكنافة لكن ما عجبتنيش فشوفى انا بعملها بالكيرى بس بخففها بالماء شوية
التشيز كيك
2 باكو بسكوت شاى الاربعه و عشرين قطعة _ باكو زبدة 113 جرام _2كيس كريمة _باكو جيلى دايب فى 2 كوب ماء و بارد_ يا اما 2 علبة جبنة فيلاديفيا سعر العلبة 13 جنية او 2 علبة جبنة كيرى العلبة الواحدة 8 قطع _ مربى(( لو استخدمتى الجيلى لون احمر مثل الفراولة مثلا يبقى تستعملى المربى نفس النوع ..و لو استعملتى الجيلى اصفر مشمش يبقى تستعملى المربى مشمش ))
الطريقة
1) اضربى الذبدة كويس قوى لوحدها بالمضرب حد ماتبقى هشة قوى
2)ضعى عليها البسكوت المطحون لحد ما يندمجوا مع بعض
3)هاتىالصينية اللى بيتشال قعرها وادهنى الاول بنقطة واحدة زيت
و اكبسى فيها قوى البسكوت بالذبدة و دخليها الفريزر لمدة ساعة
4)فى سلطانية مقعرة اضرب الجبنة مع التخفيف بقليل قليل من الماء لحد ماتبقى خفيفة يا لاروز و ناعمة
5)اضع الكريمة على الجيلى و اضربهم مع بعض ثم اضع عليهم الجبنة المضروبة و اخلط كله ثم اصبها على البسكويت و ادخلها الفريزر و يا سلام لو الزواق بتاعها يبقى من نفس نوع المربى و الجيلى و بالهنا و الشفا .





مثلثات البقلاوة بحشوة جميلة
باكو جلاش ( انا بفضل الزهار )

اولا الحشوة:
2/11 كوب حليب _ 1/2 كوب سميد ( دقيق بسبوسة )_ علبة واحدة قشطة .

1)ضعى الحليب على النار لحد ما يغلى
2) اول ما يغلى اضع علية السميد واقلب اقلب بسرعة لحد مايبقى زى المهلبيةو اتركة يبرد
3( اضع علية علبة القشطة و اقلب لحد ما يندمجوا معا . وممكن بدل القشطة احط كريمة لبانى ( قشدة الخفق ). ثم ابدأ فى حشو البقلاوة
4)افرد الجلاش امامى و اقطعه بالطول من النص يعنى كأنى بقسم الورقه نصين بالطول ثم اقطع بالعرض لحد مايبقى عندنا 6 مربعات
ابدء بافرشاة بالسمن ادهن بين كل ورقتين لحد مااتأكد انى دهنت بين الورق كلة
اخد مربع متكون من 6 او سبع ورقات و احط على المربع معلقة كبيرة من الحشو ثم اثنى المربع من الطرف للطرف على هيئة مثلث وهكذا لحد مانخلص المربعات كلها
اضعهم فى صينية مدهونة و ادهن و جه المثلثات دهن خفيف
و ادخلها الفرن لحد ما يحمروا
وتسقى بالشراب البارد و بالهنا و الشفا





don والله العظيم بموت فى طريقة عرضك كنت عايزة اسال على الجلاش العادى اللى بيتقطع زى التورتة و بيتسقى بالشربات يتعمل ازاى؟
ادخلوا هنا " منتدى العروض التجارية للمصريين"
بنات مصر تعالوا نجدد أيامنا الحلوة
ولدتك أمك يا ابن آدم باكياً و الناس حولك يضحكون سرورا
فاجهد لنفسك أن تكون إذا بكوا يوم موتك ضاحكاً مسروراً


الساعة الآن 06:43 .