Analysis Services
يا جماعه أنا متابعاكوا وما تتصوروش سعادتي بيكم
don وصفك وطريقتك في الأكل هايله .. ربنا يكرمك
بنات المدرسه حلوين قوي .. ربنا يسعدهم في بيوتهم
كنت فاكره إني شاطره في المطبخ .. لغاية ما قريت لك
كل أكلاتك حلوه .. أنا متا بعاكي .. ربنا يسعدك بأولادك
19-04-1426 هـ, 08:24 مساءً
 
صينية البقلاوة
باكو جلاش _ مكسرات مجروشة او مفرومة حسب ما بتحبيها ناعمة قوى او محسوسه فى الاكل _ سمن _ شربات _ زرة قرفة ناعمه

الطريقة
1) طلعى الجلاش من الباكو و حطية امامك على الرخامة ثم ضعى فوقه الصينية اللى حتعملى فيها . بالسكينة اقطعى داير ما يدور الصينية و اركنى الذيادات على جنب حنستخدمها برضه
2) اقسمى المقدار لجزئين ادهنى الصينية بالفرشاة سمن
3) ضعى 2 ورقه فى الصينية و ادهنى كويس بالسمن وهكذا لحد ماتخلصى الجذء الاول
4)ضعى المكسرات فى طبق و حطى علية 2ملعقة كبيرة عسل من اللى حنسقى به الصينية و اخلطيهم حتلا قيهم عمل زى العجينه و مسك فى نفسة شوية
5)ثم ضعى الحشوة على الجلاش اللى فى الصينية و افردية كويس
6) حنعمل نص الصينية التانية بنفس الطريقة الاولى
7)بالفرشاة ندهن الوش كويس بالسمنة ثم بسكينة حامية نقطع الجلاش على هيئة مثلثات وللسهولة تعملى الاول خط بالطول ثم خط بالعرض حيبقى عندك شكل + ثم نعمل خطوط حتلاقى المثلثات بانت
8) حطيها فى التلاجة من ربع لنص ساعة و بعدين حطيها فى الفرن لحد متحمر مش قوى
تطلعيها و تسقى بالشراب البارد و بالهنا و الشفا
ملحوظة/ سبب وضعنا عسل على الحشوة علشان و انتى بتاكليها الحشو مايقعش منها . وممكن تحطى الحشو على طول بدون الخطوة 4 زى مانتى عوزة جربى دى و جربى دى و اللى يعجبك اعملية
/ بالنسبة للورق الزيادات ممكن توزعية عشوائى بين الطباقات تبقى الصينية مورقة اكتر و ممكن تلفية تانى و تتشلية فى الفريزر تعملى بيه ام على
19-04-1426 هـ, 08:44 مساءً
 
اقتباس مشاركة  (ناني5)
يا جماعه أنا متابعاكوا وما تتصوروش سعادتي بيكم
don وصفك وطريقتك في الأكل هايله .. ربنا يكرمك
بنات المدرسه حلوين قوي .. ربنا يسعدهم في بيوتهم
كنت فاكره إني شاطره في المطبخ .. لغاية ما قريت لك
كل أكلاتك حلوه .. أنا متا بعاكي .. ربنا يسعدك بأولادك
اهلا بيكى معانا يا نانى احنا عارفين انك متابعانا بنشوفك من بعيد
بس مش فاهمة الجملة بتاعة بنات المدرسة ؟؟؟؟؟
19-04-1426 هـ, 11:42 مساءً
 
كاتب الرسالة don
بس مش فاهمة الجملة بتاعة بنات المدرسة ؟؟؟؟؟
ايه يا شيف don المدرسة اللى هو انت و احنا تلاميذك يعنى بنات المدرسة اللى هو احنا !!!
ايه الشرح اثر على استيعاب الألغاز ولا ايه ؟ اوعى تقولى ان احنا السبب
20-04-1426 هـ, 01:32 صباحاً
 
الارز بخلطة ( طبق اساسى فى العزايم)

3 او 4 اكواب ارز مغسول _مكسرات ( بندق * لوز * عين جمل * زبيب ) _كبد و كلاوى _ زيت _ عسل ( كوب سكر _ كوب ماء _ نص ليمونة)

الطريقة :
1_ طريقة الكبد و الكلاوى : الكمية زى ما انتى عوزة فية اكياس بتتباع جاهزة هاتى كيس كيلو قطعية قطع متوسطة و اغسليهم ثم ضعى ملعقة سمن فى حلة صغيرة و عليهم بصلة متوسطة مفرومة لحد ما تصفر و بعدين فصين توم و الكبد و الكلاوى و تقلبى تقلبى يعنى بتشوحيهم و تذودى شوية ماء فى شوية ماء لحد ما يستووا وتبلى ملح وفلفل و اركنيهم على جنب.

2_ضعى المكسرات فى صينية صغيرة و حطيهم فى الفرن او فى توستر دقائق لحد ما يحمروا شيليهم و انفخى القشرة بتاعتهم حتلاقيها بتطير على طول واركنيهم على جنب

احضر حلة كبيرة واضع فيها زيت كتير يعنى ممكن 3كوب لحد ما يقدح اروح حطة الارز و اقلب و اقلب لحد ما يبقى لونه ذهبى غامق ثم اصفية بمصفاة من الذيت و اركنة

3_اعمل العسل فى مقلاية( اضع السكر و الماء و الليمون و اقلب لحد مايبقى لونه ذهبى

4_اضع الارز على النار عادى و علية الماء لحد ما يشربها و اتركة لحين يقرب من السوى
5_ عند قرب السوى اضع علية العسل واقلبه كويس لحد ما يختلط كلة مع بعض مع رشة ماء خفيفة و اتركه لحد مايستوى
6_اضع علية 1/2 مقدار الكبد و الكلاوى و المكسرات ونقلب كله لمدة دقيقة ثم اطفى النار و انزله
عند التقديم / نغرف الارز فى سيرفيس بيضاوى و نضع على الوجة باقى المكسرات و الكبد و الكلاوى و يقدم بالهنا و الشفا
20-04-1426 هـ, 01:51 صباحاً
 


الساعة الآن 09:49 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏