Analysis Services
انتىتأمرى الملوخية الخضراء

نص كيلو ملوخية تقطفيها من العيدان ثم تحطيها فى مصفاة و تغسليها كويس جدا لحد ما الطين كله ينزل و تبقى المياة نضيفة افرشى جرنال فى الهواء و افرشيها علية لحد ماتنشف بس ابقى قلبيها بايدك و بعدين تخرطيها بالمخرطة ناعم .
2 كوب شوربة اى نوع عندك ارانب او فراخ او حتى ماجى (2مكعب) ثوم مهروس _ كزبرة ناعمه_ ملح
الطريقة:
اغلى الشوربة كويس جدا (ابقى اظبطى الملح)
ثم خدى منها ملعقتين فى طبق صغير و الملوخية المخرطة و قلبيهم جامد لحد ما الملوخية تفك
ثم حطيها مع باقى الشوربة على النار
والنار مش عالية فى طاسة صغيرة حطى ملعقة سمن اما تسيح حطى الثوم المهروس حوالى ملعقة كبيرة لما يصفر حطى الكزبرة حوالى نص ملعقة كبيرة مليانة يادوب تقليبة و روحى طشاهم على الملوخية تقليبة واحدة و اطفى النار و غطيها و بالهنا و الشفا
08-04-1426 هـ, 06:18 مساءً
 
مرسى خالص يا دون انا هعملك ملف خاص باكلاتك بس كل يوم تعمليلنا حاجات جديدة بس خدى بالك ان احنا فى منا مبتدئين يعنى بالتفصيل و المقادير و شكرا
08-04-1426 هـ, 06:58 مساءً
 
فين البسبوسة يابسبوسة قصدي يا donوالملوخية بتاعتي بتشتكي من ايه
08-04-1426 هـ, 08:05 مساءً
 
والله يا ام الحص كلك زوق و تسلم ايدك على وصفاتك معانا و ماستغناش عنك ابدا بس انا مش بحط عليها طماطم الكزبرة بتبقى ناشفة مش خضراء و خليكى معانا على طول
08-04-1426 هـ, 11:16 مساءً
 
ايه ده كله ايه ده كله
ايه رأيكم نفتح منتدى لبنات مصر مش مجرد مواضيع فى منتدى
ماشاء الله البنات عمالين ينتقلو من موضوع لموضوع ومن صفحة لصفحة زى النزح
على فكرة شكلنا هنعلن احتلال عالم حواء قريب
دون انا كنت بعرف اطبخ كويس بس ده كان ايام الفضا دلوقتى يادوب على ما بروح باكل الموجود وانام
حاسة انى نسيت الطبيخ شكله ايه
هدور فى الذاكرة على ايه كنت بعمله حلو واكتبه لكم كمان واهو نساعدك شويه على طلبات البنات
وربنا يجعله فى رصيد حسناتك يارب
ااااااااااااااااممممممممممممميييييييييييييييييييييييين
08-04-1426 هـ, 11:21 مساءً
 


الساعة الآن 12:42 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏