Analysis Services
زءردة السبيط تحطية فى دقيق و تنطرى منة الدقيق الذاءد و تحمرية
لاروز بالهنا و الشفا و لو تخدى بالك انا دايما اكتب كلمة فى اكلاتى بكتب حسب التزوق وتجميل الطبق اقول حسب زو ءك ودايما اكتب ملح و فلفل يعنى بسيب التتبيل زى ما بتحبى و لو تلاحظى انى ما بحطش شطة لان دى متروكة ليكم ماشى يا ست الكل ؟
20-04-1426 هـ, 07:53 مساءً
 
يا جماعة اللى عاوز وصفة أو أكلة ممكن تسئلونى وأنا تحت أمركم
أختكم برضه بتعرف شوية معلومات على قدى
والسمك والجمبرى والسبيط طلع جميل بس السبيط طلع مملح شوية زيادة
يالا الحمد لله على انها أول مرة
مشكورين جميعاااااااا
20-04-1426 هـ, 09:14 مساءً
 
زئرده قوليلنا اللى انتى شاطرة فيه مش لازم احنا نطلب واللى بيجى على باله حاجه بيطلبها واللى تعرفها كويس بتكتبها
اوك يا جميل؟
20-04-1426 هـ, 10:35 مساءً
 
السلام عليكم
اليوم راح أكتب لكم شوية حاجات إن شاء الله تنفعكم
البقلاوة المجربة اللذيذة الشيك أوى أوى
مش أي جلاش يقال عليه بقلالالالالالالالالاوة


الأرز باللبن
رغم أن الأرز باللبن ده أختى فى الله أمانى صادق جربته وقالت مثل صابر بالظبط إلا أنى طورته للأحسن فقرأوا الموضوع للأخر
الأرز باللبن

الأرز باللبن بعد التطوير (ممنوع منعا باتا سواء الأرز باللبن بالماء بيفرق كثيييييييييييييييييييييييييييييييييييييييييييييييييييييييييييييييييييييير ا بالطعم)
المقادير
كوبين أرز إلا أربع ملاعق
3,5 كيلو لبن حليب
علبة لبن مكثف ( كوب لبن بودرة ..وكوب ( ثلثيه سكر والثلث ماء) ,3 ملاعق زبدة ) الطريقة من موضوع الأخت مون جيرل)
علبة ثمن كيلو كريمة لبانى( ويبج كريم)
ذرة ماء ورد
فص مستكة ( النكهة كلها)
سكر
الطريقة
بجيب كوبين أرز كل كوب نشيل منه ملعقتين كبار ونشطفهم كويس وننقعه لمدة ساعتين فى كيلو لبن فى درجة حرارة الغرفة( يعنى لا ساخن ولا بارد) وبعدين نحطهم على النار حتى يغلى له حوالى نصف ساعة مع التقليب وإضافة المستكة وركزى على القعر فى التقليب والنار طبعا لا عالية ولا واطية( وسط يعنى) ثم نصب خلال التقليب كمان كيلو ثم نغلق النار والغطاء وتترك نصف ساعة حنلاقى الأرز نفش وشرب اللبن نقوم مولعين النار تانى وحطين كيلو و نصف لبن ونقلب ونضيف السكر حتى يستوى تماما ثم نغلق عليه ثم بعدما يفترقليلا نضيف علبة لبن مكثف وعلبة كريمة ونقلب ونضيف القليل من ماء الورد......


التشيز كيك
ده أحلى وأفخم تشيز كيك ذقته وحتذوقوا على الأطلاق...أنا عارفة طبعا أنه بيتعمل بالبسكويت المطحون مع الزبدة ولكن أستشيكت أنى أعمله فى تورتة على كيكة الشيف أسامة السيد بالشيكولاتة وتسقى بمشروب الكاكاو البارد المركز وتحشى وتذوق بهذا الصوص
تشيز كيك المورو
تضعى فى الخلاط علبة قشطة مع 3 مورو سايح و3 كيرى ونصف علبة لبن مكثف وكيسين دريم ويب ويضربوا بسرعة وبذوق بيه فى نصف الكيك وفوق الوجة بعدما تبرد (وتسقى بلبن وسكر وعليه كاكاو ويصير مشروب مثلج )وعليه المكسرات والجالكسى فوق الوجة .

كيك الشيكولاتة بتاعة الشيف أسامة
المقادير
نصف كوب زبد واحد إلا ربع كوب سكر ناعم 5 بيضات نصف كوب شيكولاتة

نصف كوب دقيق ثلث كوب نشا 2 باكو فانيليا 1 ملعقة صغيرة بيكنج باودر ذرة ملح
الطريقة
نصف كوب زبد يضرب جيدا حتى يصير أبيض اللون ثم نضيف للزبدة ثلاث أربع كوب سكر ناعم ويضربوا جيدا ثم نضيف الخمس بيضات ويضربوا جيداثم نحضر الشيكولاتة(نضع100جرام شيكولاتة خام مع ملعقةعسل نحل وملعقة زبدة فى حمام مائى ونضعها وهى دافئة بالتدريج على العجين) ونضرب جيدابالمضرب الكهربائى ثم نفرغ العجين فى وعاء ونضع عليه الدقيق المخلوط بالنشا والفانيليا والبيكنج رشة ونقلب وهكذا حتى ينتهى القدار وذرة الملح أساسى مع الدقيق وفى صينية مدهونة ومرشوشة دقيق نضع العجين وفى فرن متوسط الحرارة لمدة نصف ساعة تقريبا وبعد ما تبرد الكيك تماما(أفضل أعمل الكيك قبل التزيين بيوم) نحشوها من النصف ومن فوق الوجة بالصوص وفوق الوجة أجيب 2أو3 جالكسى أضعهم فى الفريزر نصف ساعة ثم يبشروا وعلى الوجة أضيفهم وكمان أجرش مكسرات متنوعة وأضعها على الوجة

وطبعا مش حقول أنى كل ما أروح زيارة أو مناسبة هامة جدا بالنسبة لى مبعملش غيرها ومبشتريش من كلاسيك وخلافه والكل بينبهر بطعمها رغم أنهم كالأتى مرة أستاذ جامعة ولا يأكل هو زوجته إلا من أفخم المحلات مراته لا تطبخ ودول جيران صاحب زوجى اللى عملت له التورتة وأعطى جارة الأستاذ الجامعى اللى أصلا لايحب الشيكولاتة وبيجيب التورتة نصفها أبيض له ونصفها شيكولاتة لزوجته وعجبتوا جدا وأكل منها كتير وكذلك جوز أختى اللى لف بلاد العالم وأكل من مطاعم الخليج والشرق والغرب وجوز بنت خالتى اللى برده سافر كتير وقال مستواها عالمى وأصحاب جوزى اللى مبيكلوش غير أحسن حاجة كلهم بالإجماااااااااااااااااااااااااااااااااااااااااااااااااااااااااااااااااااااااااااااااااااااااااااااااااع بيتهبلوا عليها ومعظمهم مبيحبش الشيكولاتة أو الحلويات أصلا...

.وممكن تعمليها على التارت بتاعى والله مجرباه وجوز صديقتى يموت فى التارت ولما ذاق التارت قال لها صديقتك ينفع تفتح محل تارت والتارت هو الصورة الشيك للبسكويت المطحون بالزبدة
وهذة طريقة التارت
التارت


الرقاق
6 را قات فقط
سمنة
شوربة
معصج
الطريقة
تأتى بصينية المكرونة البشاميل المستطيلة الكبيرة وتضعى ثلاث ورقات متغطسين فى الشوربة الساخنة جدا مع حتت سمنة كبيرة(دى سر الصنعة ) بس شوربة البط مش محتاجة سمنة و بعد كل ورقتين تغطسيهم فى الشوربة وتضعيهم فى الصينية تضعى سمنة سائحة بالفرشاة (دى غير اللى فى الشوربة ) والمعصج تضعيه بعد ثلاث ورقات (يعنى فى النصف بالضبط ثلاث ورقات فوقه وثلاثة تحته)وبعد الثلاث ورقات اللى فى الأخر تضعى على الوجة شوية سمنة سايحة لاقليلة ولا كثيرة ولا تضعى شوربة فوق الوجة أبدا وتقطع وفى الفرن حتى يحمر الوجة وتستوى .


الأرز بالمكسرات
ملعقة سكر
سمن
ملح
كوبين شوربة
كوبين أرز
مكسرات محمرة
لحم مسلوق
الطريقة
ملعقة سكر كبيرة تسيح على نار وسط حتى تتكرمل وتصير بنى محمر ولا تصير غامقة جدا عشان لا تمرر الأرز...... ثم نضيف الشوربة ( ضرورى شوربة ولو ماجى بس بالماء لااااااااااااااااااااااا مينفعش عشان الطعم يطلع مضبوط مثل الجاهز) ولما تغلى الشوربة على الكراميل .. نضيف الأرز ويتشرب ونوطى النارونغطى الحلة وكمان عشر دقائق يتقلب اللى فوق تحت والعكس عشان توزيع الحرارة يكون مضبوط وبعدما يستوى ...
نجيب السلطانية اللى بنغرف فيها الشوربة ونضع فى قعرها مكسرات مجروشة ومتحمرة فى السمن ثم نغرف عليها الأرز ونضغط ثم نقلب الطبق وننثر حوله قطع اللحم المسلوق و المحمر فى السمن والثوم .......وكفاااااااااااااااااااااااااااااية عليكوا كده خلاااااااااااص تعبت .
أختكم هبهوبة
20-04-1426 هـ, 11:35 مساءً
 
لو سمحتى يا هبهوبة طالما ان الموضوع دة سبق و كتبتية فى مكان تانى و بأسمك يبقى مفيش داعى انك تنزلية هنا تانى . و بالنسبة لوصفات اسامة السيد او منال العالم او الشيف رمزى فأعتقد ان اى واحدة عيزاهم هى بنفسها تدخل على السايت بتاعه و احنا مش فاتحين القسم هنا علشان كدة و شكرا
21-04-1426 هـ, 12:14 صباحاً
 


الساعة الآن 01:23 .