الارز المعمر................................................( فية حد بيحبة )
(النوع الحلو)

المقادير

كوب و نص سكر _ كوب و نص ارز _قالب زبدة صغير (113 جرام) _3 و ربع كوب حليب_
جوز هند.

الطريقة
يغسل الارز و ينقع فى ماء حوالى ساعتان

نضع فى صينية الحليب و السكر و الارز و جوز الهند و نقلبهم بالملعقة على نار متوسطة لحد ما اللبن يغلى نضع الزبدة ونوطى النار و كل شوية نقلبهم لحد ماتلاقى الذبدة طلعت على وش الصينية تطفى النار و تحطية فى الفرن لحد ما يكمل السوى يحمر وش الصينية

لما يبرد تقطعية مربعات و بالهنا و الشفا
08-04-1426 هـ, 11:53 مساءً
 
كفتة داوود باشا

( الكفتة ) نص كيلو لحمة مفرومة حمراء _ بصلة متوسطة مبشورة _ملح فلفل _بهارات لحم .
( الصلصه) 2 ملعقة كبيرة صلصة طماطم _ماء _ نص ملعقة كبيرة توم مهروس _ سمن للتحمير .

الطريقة:
تخلط كل المقادير مع تخلط تماما

ناخد قطعة لحم اد الليمونة و نكورها بين ايدينا على هيئة كورة

وهكذا نستمر حتى ينتهى المقدار كله

نحضر مقلاة تيفال ونضع فيها سمنة الى ان تسخن ثم نحمر الكفتة

بعد ماتتحمر نشيلها فى طبق جانبا

نحضر حلة نضع بها حوالى نص كوب من السمن الباقى من تحمير الكفتة

ونضع الثوم المهروس الى ان يصفر
ثم اضع الصلصة و الماء و ملح وفلفل الى ان تغلى
اضع الكفتة فى الصلصة الى ان تستوى حوالى ربع ساعة

تؤكل مع ارز ابيض و بالهنا و الشفا
طريقة للتقديم ........... بكبشة مخرمة تشيلى الكفتة من الصلصة و تحطيها فى قعر طبق ثم تحطى عليها مقدار من الارز ثم نبطط بضهر الملعقة كويس ثم نقلبة فى سيرفيس التقديم و بجا نبة طبق الصلصة
.........................................................................................................
08-04-1426 هـ, 11:57 مساءً
 
طيب ممكن طريقة كباب الحله وصينية البطاطس
09-04-1426 هـ, 12:19 صباحاً
 
don
السلام عليكم جميعا
بعد اذنك طبعا يا دون انا بعمل بسبوسه كل اللى بياكل منها بيسالنى على الطريقهوكمان علشان خاطر اينا طلبتها كثير
المقادير
2 كوب سميد ناعم
1 كوب جوز هند
باكيت زبده او 3 ملعقه كبيره
نص كوب سكر ناعم
ذره ملح
ملعقه صغيره بودر
كوب زبادى كبير او لبن رايب
الطريقه
يدعك الزبد والسكر جيدا ولفتره 10 دقائق ثم يضاف السميد وجوز الهندوالزبادىوالبودرودره الملح وتعجنى بيدك بشكل دائرى فى طبق واسع ثم ادهنى صينيه بزبده او طحينه وتترك نصف ساعه ثم تدخل الفرن متوسط الحرارهوالموقد قبل ثلث ساعه
الشربات
كوب سكر مع كوب ونصف ماء ونصف ليمونه يغلو مده 5 دقائق
السر فى طراوة البسبوسه هوووووووووووووووووووووووانالشربات ساخن على الصينيه وهىكمان ساحنه ولما تبرد قطعيها وادعيلى
09-04-1426 هـ, 01:16 صباحاً
 
يا سلام يا ام حبيبة .. صباح الفل و تسلم الايادى و انا حقولك سر كمان ....ان البسبوسة لازم تتسقى فعلا بالشربات الساخن و هى سخنة وما يكنش على اد الصينتة لا اذيد شوية و هى بتشربة كلة ثم تغطيها فورا ضرورى و ماتشليش الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر بس ليا طلب عشان القسم دة للمبتدأت فالشرح لهم يكون بالتفصيل . لازم تقولى مثلا كوب الزبادى اد اية ؟ و الزبدة الباكيت الكام جرام ؟
و على فكرة البنات اللى عايشين برة مصر يا سلام لو استعملة دقيق السميد يكون دقيق فرخة.
09-04-1426 هـ, 07:41 صباحاً
 


الساعة الآن 03:57 .