اقتباس مشاركة  (ناني5)
don
اقول سر ؟.. سلق الحمام عندي أنا فاشله فيه .. ممكن يفتح وبألاقي رز مع الشوربه وشكل الحمام بيتبهدل ولسه عاوز تحمير وشغلانه .. أنا دايما أدور علي أسهل وأسرع طريقه وأعملها ..بشرط الجوده في الصنعه ..
بصى يانانى شرط نجاح الحمام حاجتين الاولى لازم تحطية اثناء السوى فى حلة كبيرة علشان لما الشوربة بتغلى الحمام بيتحرك فرجلية بتدخل فىالحمام اللى جنبة و بيقطعة فبيتشرم و يخرج الارز . تانى حاجة ما تمليهوش بالخلطة لانة بينفش و بيقطع الجلد لانة رقيق قوى يعنى بعد ما تحشى الحمامة بالارز امشى بايدك عليها خرجى الذيادة من فوق من عند الرقبة
22-04-1426 هـ, 02:17 صباحاً
 
دون انتى سهرانه هنا
طيب انا بمسى عليكى وببعتلك بوسه اونلاين
22-04-1426 هـ, 02:20 صباحاً
 
يا سبحان الله
اخيرابفضل من المولى عز وجل
ام باسل الوحيده اللى نجحت فى اخراج دون الحبيبه من عزلتها انا فرحانه جدا
اولا لان ابله دون رجعت وهبهوبه كمان ما اتاخرتش ونانى كمان دا الموضوع احلو اهوه
ثانيا ان الحمام موش هيطير على راى ام حبيبه
وجزاكم الله عنى خير الجزاء
بس تعرفوا انى اول مره اعرف اننا بنحب بعض قوى كده الله اكبر 0الله اكبر
وحدوا الله فى قلبكم
اول ما حد قال ساعدونى الكل ما اتاخروش يارب دايما متعاونين مع بعضنا كده
والله انا عايزه اقتراحتكم فى الحلو ايه رايكم يعنى اعمل ايه حلو وايه عصائر
بس يا جماعه بشويش عشان اختكم خايبه جدا فى موضوع الحلويات ده
وياريت يا جماعه الحورات دى ما تكررش تانى عشان الموضوع ما ينغلقش
من المشرفات لانو سيخرج عن الهدف المحدد له
اختكم المحبه لكم فى الله
ام باسل
22-04-1426 هـ, 02:20 صباحاً
 
mooty بالنسبة للسويسرول ايوة بعد ما بتحطى المربى بتلفية بالورقه تانى و بتقفلى علية من الاجناب كويس علشان تحكمى الرول و يبقى ماسك نفسه كويس وبعد ما بتحطية فى الثلاجة و تتطلعية وتشيلى الورقة خلاص لانك بتذوئية من برة تمام ؟؟
22-04-1426 هـ, 02:24 صباحاً
 
larose ايوة يا ستى سهرانة عندنا امتحانات عموما اتفضلى
ام باسل فعلا سبحان الله الحب دة من عند ربنا..بالنسبة للحلو انتى بتعرفى تعملى اية و احنا نساعدك ؟؟ تحبى مثلا تعملى حاجة باردة سريعة زى الجيلى بالكريمة ولا بسكوت بالشيكولاتة ولا حاجة تخش الفرن ولا ام على قولى فكرتك واحنا نكملها لك
22-04-1426 هـ, 02:33 صباحاً
 


الساعة الآن 02:41 .