طاجن الارز المعمر باللحمة

المقادير

2 كوب ارز
لحم مسلوق و(سبق شرحنا فى طبق الفتة)

2 كوب شوربة من بتاعة سلق اللحمة

2 كوب حليب

ملح_ فلفل_ فصين حبهان

2 معلقة كبيرة سمن _ ملعقتان كريمه لبانى
مكسرات حسب الرغبة

الطريقه

يدهن طاجن فخار بالسمن
نغسل الارزجيدا ونصفيه من الماء ونخلطه بالملح والفلفل ونصف كمية السمن
ثم نضع نص مقدار الارز فى قاع الصينيه ثم ترص اللحمة فوق الارز وبعدين نحط باقى مقدار الارز فوق اللحمة بس خلى بالكم مايذدش الارز المحطوط عن 3/4 الطاجن لان الارز لسة حينفش و حتلاقية طلع لفوق .

ثم بالكبشة حطى الشوربة اللى خلطناها بالحليب فى الطاجن فوق الارز لحد فوق الارز بحوالى 1 سم
لما نلاقية شرب السائل نتذوقة اذا لقيناة لسة مستواش نحط شوية من السائل و هكذا و اذا لقيناة استوى نروح حاطين الكريمة اللبانى على الوش والسمن وندخله تانى الفرن ونتركه ليحمر من فوق

وبعدين نخرجة من الفرن ويترك يبرد قليلا و يقدم ساخن و بالهنا و الشفا
22-04-1426 هـ, 04:47 صباحاً
 
كيكة جوز الهند
2 بيضة _ كوب و ربع جوز هند _كوب لبن _1/2كوب سمن _2 كوب دقيق _ كوب سكر _ فانيليا _ 2 معلقة صغيرة بيكنج بودر .عسل (2 كوب سكر _ 1/12 كوب ماء _نص ليمونة .
الطريقة:

نعمل العسل الاول و نسيبة يبرد
نضرب السمن كويس بالمضرب الكهرباء مع السكر لحد ماتلاقيهم ابيضوا و هشوا
اضيف لهم البيض بيضة بيضة مع الفانيليا
نضع الجوز الهند ( كوب)
نضع البيكنج بودر على الدقيق و نضع على العجينة شوية حليب و شوية دقيق و هكذاشوية حليب و شوية دقيق لحد مانخلصهم هما الاتنين
ندهن الصينية بالسمن و نرشها دقيق و نقلبها نخبطها علشان بقيت الدقيق ينزل
ندخلها الفرن متوسط الحرارة لحد و شها ما يحمر
نخرجها و نسقيها بالعسل البارد يعنى هى سخنة و العسل بارد
نرش الوش كلة بالجوز الهند و تقطع مثلثات و بالهنا و الشفا
22-04-1426 هـ, 05:10 صباحاً
 
don
كيكة جوز الهند جميله .. تسلم إيدك
لكن كتير عليها 2 كوب سكر في الشربات ..
أنا بأعملها بنفس مقاديرك بس في العجينه بأحط 4 بيضات مش 2 بيض
والشربان بأعمله ب 1 كوب سكر + 1 كوب ماء بيكون بارد وخفيف
لأن كل الكميه 2 دقيق مع 1 جوز هند ..حقيقي كفايه علي الصينيه 2 سكر . 1كوب مع العجينه و 1 كوب شراب
22-04-1426 هـ, 08:59 صباحاً
 
don
انا عملت بسبوستك وطلعت مش ممكن روعة
انت لازم تغيرى اسمك لبسبوسة
والله مش مجاملة كانت رهيبة واعتمدت
الف مليون شكر يا بسبوسة
22-04-1426 هـ, 09:34 صباحاً
 
السلام عليكم و رحمة الله و بركاته

حبيبتنا don صباح الفل

شوفي بقى انا طماعة شويتين تلاتة، و عاوزة طريقة لكيكة سريعة و تكون حلوة، لاني بصراحة مش باعرف اظبط الكيكة اوي. و كمان عاوزة طريقة عجينة بيتزا سريعة، و عاوزة طريقة طريقة الباستا فلورا لو تعرفيها لانها كانت عندي زمان و ضيعتها و مش فاكراها خالص

انا طريقة البيتزا الحالية بتاعتي 2 كوب دقيق- بيضة- كوب زبادي- كيس خميرة فورية- سمن او زيت ، بس بتجنني في ظبط كمية الدقيق لانها لا يمكن تاخد الكوبايتين بس و افضل اعجن فيها و تلزق بايدي و اضيف دقيق تاني و هكذا >>>>>> صدعتك يا don و شكلك حتلزقي بقي بالعجينة عشان اتكتم!!!!

ها؟؟ طماعة؟؟؟ عموما خدي وقتك خاااالص في الحاجات دي يعني انا مش مستعجلة عليهم، نزليهم براحتك

تسلم ايديكي يا قمر
22-04-1426 هـ, 09:34 صباحاً
 


الساعة الآن 12:55 .