شكرا علىالمجهود الرائع بس كنت بحتار فى الاكل وجوزى ما كنتش عارفه اعمل ايه ربنا يخليكو قصرتو عليا التفكير بس ليه طلب
عايزه اعرف المقادير بالظبط يعنى الكوب مقداره اد ايه
وسوال تانى
ياريت ملف للاكلات الأرديحى انتو فاهمين يا مصريات بقى مش هاوصيكم علشان ساعات بحتار فيها ربنا يخليكو ليا ولعضوات عالم حوا
عواطف الحمد لله انها عجبتك و بالف هنا و شفا
نوودى حاضر بس عايزة اسئلك عندك ميزان مطبخ الاول و لا أ؟





البسطا فلورا


المقادير :

من 2ونص ل3 كوب دقيق
3 بيضات
كوب سمن
كوب سكر ناعم
مربي للوجة اى نوع و لكن بيفضل مربى مشمش.
ملعقة صغيرة بيكنج بودر
فانيليا

الطريقة:
يضرب السمن جيدا ثم يضاف له السكر ويستمر في الدعك حتي يصبح هشا .
اضع البيض و الفانيليا و نضرب كويس جدا.
يضاف الدقيق بالبيكنج بودر الي المقدار و تعجن حتي ينتهي المقدار وتصبح عجينة ماسكة نفسها و طرية يسهل فردها .( حنحط الاول ال2كوب دقيق و نذود شوية شوية ممكن تكتفى ب 2 وممكن 2 و نص و ممكن ال3)
نحتفظ بقطعة عجينة لوحدها على جنب.قد اليوسفى.
تدهن صنية بالسمن وتفرد العجينة فيها مع رفع الجوانب علشان لما نحط عليها المربى ما تطلعش من الجناب و تتحرق .
تضع المربي بحيث تغطي سطح العجينة تماما.
ناخد قطعة صغننة قوى من العجينة اللى احنا راكننها على جنب. ونحطها على الرخامة امامنا و بايدينا الاتنين نبرم فيها لحد ماتبقى عصاية رفيعة مبرومة اشبلها بالراحة و اضعها على المربى . وهكذا لحد ما اعمل شرايط بالعرض و بالطول و حيبقى شكل وش الصينية النهائى على هيئة مربعات.
ملحوظة اذا لقيتى العجينة و انتى بتبرميها الصوابع الطويلة بتتقطع يبقى رشى شوية دقيق الاول و حطى عليها حتتة العجينة و بعدين ابرمى .
نحط الصينية فى الفرن متوسط الحرارة لحد ما تستوى . و بالهنا و الشفا





اهلا دندونتي

ايوة عندي ميزان مطبخ يا حبي

و تسلم ايديكي عالباسطا فلورا، يا اخوااااااااااااااتي ابوس الست دي منين و الا منين بس!!!! ربنا يخليكي لينا ذخرا للوطن!! و ربنا يفرحك بولادك يا رب و يخليكوا لبعض
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

طيب كويس يا نوودى طيب اية رايك لو تجربى تعملى الكيكة اللى بالوزن اللى انا كتبتها قبل كدة ؟؟جربى لانها مريحة قوى فى العمايل بتشوفى الاول انتى حتعملى كام بيضة و توزنيهم و بعدين تمشى باقى المقادير عليهم . و قوليلى
عاشقة زو جها حاضر حكتب لك اللى انتى عوزاة. و بالنسبة للكوب طبعا بتبقى مشكلة لكن المهم بالنسبة لك انتى ان مقادير الاكلة الواحدة عندك تبقى بنفس الكوب يعنى مش تحطى مقدار الدقيق بكوب و بعدين تعملى مقدار السكر بكوب تانى لألألأ بنفس الكوب و على فكرة فيه عند بتوع الادوات المنزلية مكيال على هيئة كوب بلاستيك او زجاج بيبقى متدرج بالكوب و اللتر اشترية وخلية عندك حيربحك قوى







الساعة الآن 04:43 .