don وحشتيني علي فكرة الحمااااااام هايل ماما مكنتش مصدقة اني عملته لوحدي بس يارب يعجب سيادة اللواء الباشا الوزير المحافظ ودعتلك وكمان بنوتك العسولة
23-04-1426 هـ, 01:58 مساءً
 
عزيزتي أم باسل
عمل الويكه بالفول مش من إختراعي .. والبصاره كمان
وصعب جدا إن جوزي يجيب حمام علشان أعمله اقول لأ .. بصاره
كل أكله و ليها وقتها .. مش كده برضه
علي فكره الويكه إللي من عمل دون .. أكله صعيدي ومصريه ومشهوره ودون شارحاها كويس
إنا عارفه إن كل محافظه في مصر ليها أكلات خاصه بيها بطريقه مميزه.
طريقة الباميه إللي إتعلمتها من أمي .. بنفس طريقة دون مع إختلاف بسيط ..
وهناك الباميه المطموره والمرصوصه والطاجن ومع البطاطس والويكه .. وأغرب باميه بورق شجرة الفلفل الأخضر ..واكيد فيه غيرها كتير ..
والويكه في بلدنا بتتعمل بالفول المدشوش .. طعمها جميل ومن الأصناف إللي بنشتاق لها فعلا
فيه عندنا كمان السلق بالفول( يتاكل بالعيش ) ..
والسلق بالعدس يتعمل شوربه وفته بالعيش الناشف ..
ولما أولادي يطلبوا الكشري المصراوي .. أفهم علي طول إنهم مش عاوزين كشري بعدس أصفر ..
don سبق قلت لك .. طريقتك حلوه في الأكل .. وأنا دايما بحب أشوف طرق مختلفه .. وكل يوم بأتعلم حاجه .. وأجمل حاجه عندك مفيش تطويل .. كأني بأقول أو أسمع وصفه من صديقه .. وأرجوا إن مايكونش فيه حساسيه لو قلت وجهة نظر مختلفه ..
23-04-1426 هـ, 03:16 مساءً
 
فيه ايه يا دون انا بعثت لكى على الخاص ايه الى حصل؟؟!
23-04-1426 هـ, 04:09 مساءً
 
يالا يا دينا نكمل والدعوه لكل الحبايب الى جاى والى غايب بس شرط اساسى سيب البطاقه الشخصيه على الباب
23-04-1426 هـ, 05:36 مساءً
 
تم الاغلاق بطلب من صاحبة الموضوع
23-04-1426 هـ, 06:08 مساءً
 


الساعة الآن 05:37 .