Analysis Services
أهلا يا هبه بالتوفيق يارب ..
لازم الواحده تقدم carte d ` ideutite
إعملوا أفضل carte de visite
23-04-1426 هـ, 06:10 مساءً
 
السلام عليكم
مبارك الموضوع الجديد يا اخت دون
لى طلب اختى الحبيبه
من الملف السابق
طريقه السجق باللحم
والكرشه بالحمص
وعلى مهلك يا عاليه
كما اسال اهل الخبره طبعا وعلى راسهم الاخت الحبيبه دون
كيف اصنع قهوه لها وش مثل ما بنقول
وطعمها رائع
اختك فى الله
ام باسل
23-04-1426 هـ, 08:30 مساءً
 
اهلا يا بنات ازيكم منورين عامليين ايه
ام عبد الرحمن من مصر - طنطا
اى خدعة
لو عاوزين ملف لاكلات مصرية الرابط اهه
http://forum.hawaaworld.com/showthre...3&page=1&pp=15

حبيبتى ام باسل هتلاقى كل الاكلات المصرية وتلاقى الكرشة وبيض الضأن المحمر و رقبة الضأن المحشية و القلوب المحشية و الكشرى و فتة الكوارع و غيرهم ارجو انه يعجبكم
23-04-1426 هـ, 11:36 مساءً
 
الكرشة بالحمص

كرشة مسلوقة و مقطعة قطع صغيرة _كوب عصير طماطم _بصلة متوسطة مفرومة _
نص كوب حمص (حمص الشام )مسلوق نص سلق _معلقة سمن كبيرة _نص راس ثوم
مفرومة _ملح _فلفل _ كمون _ كوب و نص من ماء سلق الكرشة
الطريقة:
نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين
و بعدين نحط عصير الطماطم و على نار متوسطة لحد الطماطم ما تتسبك و دة طبعا بانك حتلاقى
لونها اتغير و تقلت
اضع حوالى كوب و نص من الماء اللى سلقت فية الكرشة اللى الحلة و الملح والفلفل
و الكمون و نسيبها لحد ما الماء اللى حطناة تغلى
نضع الكرشة المسلوقة المقطعة فى الحلة و نقلب و نسيبها على نار هادية لحد ما تستوى و هى
مش بتاخد كتير يعنى حوالى 20 دقيقة مثلا و بالهنا و الشفا
24-04-1426 هـ, 03:53 صباحاً
 
بلح الشام

المقادير:

2 كوب دقيق _ 1 كوب ماء _ 1 كوب ذبدة و زيت (يعنى نص ذبدة و نص ذيت )
من 5 ل 6 بيضات _ معلقة صغيرة فانيليا.زرة ملح.
معلقة اكل خل ابيض ( وعلى فكرة انا كنت فكرة ان الخل لزفارة البيض لكن لا اتضح انه بيخلى البلح الشام ماسك نفسه )

الطريقة:

حطى الماء فى حلة على النار لما يادوب حيدفى حطى الذبدة والزيت على الماء و لما يغلى حطى الدقيق كله مرة واحدة وقلبى بسرعة و النار واطية لحد ما حتلاقى العجينة لفت معاكى و بقيت زى الكرة روحى شايلة الحلة من على النار لحد ما تبرد خالص . ابتدى حطى البيض على العجينة بس بشرط تحطى بيضة و تضربيها فى العجينة لحد ما تختفى و بعدين تروحى حطة اللى بعدها بنفس الطريقة و هكذا بس توقفى وضع البيض لما تلاقى العجينة عاملة خط نازل من المضرب متماسك مثل منقار الحمامة تروحى حطة معلقة الخل و تقلبى كويس قوى . هاتى بقى الكيس بالقمع المخصوص بتاع بلح الشام و اقلبية الاول على ضهرة و بليه بالفرشاة بالذيت و ارجعى اعدلية تانى . حطى العجينة فى الكيس و انزلة فى الزيت صوابع طولها زى ماانتى عوزة و تقصيها بمقص المطبخ على الزيت الغزير الساخن اقلى أصابع بلح الشام و تكون النار واطية أثناء التحمير ثم اخرجه واضعه على ورق شفاف ماص حتى يتخلص من الزيت ولما يبرد خالص احطة فى الشراب البارد علشان ما يطراش منك ولما تطلعية ممكن تحطى على طرف الصباع فستق مفروم او مكسرات و بالهنا و الشفا.
ملحوظة ممكن وضع المقدار كله زيت
وممكن وضع قالب ذبدة قلم ال 113 جرام
24-04-1426 هـ, 04:00 صباحاً
 


الساعة الآن 03:40 .