ياام باسل بالنسبة للقهوة انتى اكيد بتعلى النار قوى القهوة بتحب تستوى على مهلها مقدار فنجان قهوة
هاتى الكنكة و من فضلك تكون صغيرة و حطى فيها ماء قد الفنجان و حطى السكر حسب الطلب ان كانت زيادة او عالريحة او سادة بدون سكر و حطى معلقة و ربع بن و قلبيها و حطيها على نار هادية جدا لحد ما حتلاقى الوش ابتدى يظهر ويتخن روحى منزلاة فى الفنجان و رجعى الكنكة على النار حركيها و يا دوب تلا قيها بتطلع لفوق روحى صباها على الفنجان.وقدميها على طول مع كوب ماء
((( ما تغليهاش)))
24-04-1426 هـ, 03:17 مساءً
 
الجيلى بالكريمة

2باكو جيلى فراولة _ 2 ظرف كريم شانتية _ فراولة للزواق

نغلى على النار 3 كوب ماء ثم نضع علية الجيلى لحد ما يغلى و يدوب
نعمل الكريمة بنفس الطريقة المكتوبة على العلبة
نضع الكريمة فى الثلاجة و نضع الجيلى حتى يجمد تماما
نخرجهم من الثلاجة و نضع الكريمة على الجيلى و بالمضرب الكهرباء
نخلطهم مع يعض كويس حيبقى الخليط فاتح و ناعم لانهم حيتجانسوا
على بعض نضعهم فى الكاسات و نجمل الوش بوردات كريمة و وحدات فراولة صغيرة . وبالهنا و الشفا
24-04-1426 هـ, 03:19 مساءً
 
اهلا يا دون يا سكر

انا رأيي مفيش داعي تنقلي الاكلات تاني و ممكن متابعتها من الرابط اللي في توقيعك، بس لو تحبي ترتبيها هنا من اول و جديد مفيش مانع، احنا بس مش عاوزين نتعبك معانا
24-04-1426 هـ, 03:20 مساءً
 
الكبدة المحمرة نص كيلو كبدة _ملح _فلفل _عصير ليمون _ سمن للتحمير

خلى الجزار يعطيكى الكبدة متقطعة شرائح و تبليها بالملح و الفلفل وعصير الليمون

و سيبيها شوية فى التتبيلة

نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى
وبعدين حطى عليها شوية فى شوية ماء لحد ما تستوى و بالهنا و الشفا
24-04-1426 هـ, 03:31 مساءً
 
شكرا يا دون
لي مداخله بالنسبه للقهوه ..إنت عارفه إننا ممكن نعمل 3 فناجين أو أكثر من كده في كنكه واحده بنفس طريقتك .. بمعني الوش لما يطلع علي فوق في الكنكه ..نوزعه ملاعق علي الفناجين .. وهكذا كما شرحتي بالضبط ..
24-04-1426 هـ, 03:35 مساءً
 


الساعة الآن 11:17 .