طريقة عمل شرائح اللازانيا
- 2 كوب دقيق
- 3 بيض مربوب
نعجن الدقيق والبيض لغاية العجينه ما تتماسك نحطها علي الرخامه ونضغط عليها ونزيد العجن علشان تكون ناعمه وطريه .. ونغطيها ونسيبها ترتاح حوالي ساعه
بعد كده نفردها بالنشابه رفيعه جدا يعني تقريبا 2 مل
نقطعها مستطيلات مناسبه ونفردها علي قماشه بيضه ونظيفه لحوالي نص ساعه
نغلي ميه ونحط فيهاملح وشوية زيت ونسلق قطع اللازانيا واحده واحده وبسرعه مفيش تقريبا دقيقتين .. أشيلها وأحطها في ميه ساقعه
أنا متعوده دايما أكون مجهزه صلصة البولونيز والباشميل والجبنه المبشوره قبل سلق اللازانياعلشان أشيل اللازانيا من ماء السلق للصينيه وأرص علي طول باقي المكونات
- أفضل البرام الفخار للازانيا والبيركس كمان كويس
ملحوظه ..
إتقان العمل في اللازانيا مهم.. وعلي فكره عملها سهل جدا.. وأجمل كتير من الجاهز
الكشري بالعدس الأصفر
المقادير :

فنجان أرز
2 فنجان عدس أصفر- - 3معالق كبيرة زيت
4 و نص فنجان ماء _ ملح _بصلة كبيرة
الطريقة :

يغسل الارز جيدا ويحمر الأرز في الزيت قليلا و بعدين تشيلية من الزيت في الزيت المتخلف من تحمير الأرز يحمر العدس قليلا بنفس الطريقة و بعدين تشيلية برضة من الزيت حطىالماء على الزيت اللى حمرنا فية و الملح ويترك حتى يغلي لمدة خمس دقائق اخلطى الأرز مع العدس ثم يضاف على الماء المغلي ويطهى على نار هادئة بنفس طريقة الارز العادية في معلقة ز يت كبيرةحمر ى البصلة لحد ما تحمر و بعد ما يكون العدس بالارز استوى حطى الزيت اللى حمرنا فية البصلة عليهم يغرف في طبق و يجمل الوجه بالبصل المحمر . و بالهنا و الشفا





أكله سمك صياديه
سمكه وقار أو قاروص كبيره ( ممكن أي نوع مفضل )
وتجهز السمكه كالتالي ... الرأس والديل لعمل الشوربه والرز .. والباقي ترنشات للقلي
لتتبيل سمك القلي
2 فص توم كبير وأشيل من نصفه القلب بتاعه علشان ريحته
كرفس + كزبره + شبت
ملح - فلفل أسود - كمون
عصير ليمون أو ملح ليمون وممكن اللإثنين
مكونات التتبيل أخلطها ناعم في الكبه وأتبل بيها السمك تقريبا ساعتين
وبعد كده أتبل بالدقيق وأقلي في الزيت
طريقة ومقادير شوربة السمك
- أجزاء الديل ورأس السمكه مقطعه لقطع و متبله بالملح والفلفل والكمون والليمون
- 2 بصله كبيره مفرومه بالكبه
- حوالي ثلث كوب زيت
- ملح - فلفل أسود - حبهان ناعم - 2 فص مستكه - كمون - رشة قرفه
- ليمون - ماء
نحمر البصله في الزيت لغاية مايبقي لونها بني غامق زياده ومش محروقه عشان ما تمررش
نحط عليها البهارات ثم 2 كوب ماء ونتركها تغلي لغاية البصل مايبقي طري
بعد ما تبرد شويه نضربها في الخلاط ونصفيها
في حله لتجهيز الشوربه نضع نقطة زيت وعليها فصين المستكه ولما يسيحوا نحط خليط البصله إللي صفيناهاونزيد بالماء ونضبط الملح ولما تغلي نحط السمك والحبهان ونتركه يستوي بالكتير خمس دقايق ونحط عصير ليمونه
لعمل الرز
- 3 كوب رز مغسول ومصفي من الماء
- 3 كوب شوربة سمك
بعد غلي الشوربه نضيف لها الرز ونتركه يتشرب وبعد ذلك نهدئ النار عليه إلي تمام النضج
كده نكون عملنا أكلة سمك حلوه فيها الشوربه والسمك المسلوق والسمك المقلي والرز ومش ناقص غير السلطات .. وبالهنا
ملحوظه .. ممكن إستخدام أي نوع سمك متاح وهيكون الطعم مميز
الله ينور يا ام باسل و الله طريقة البقدونس دى فكرتها حلوة لان فية دكاترة بينصحوا اللى بتعمل ريجيم ان تاكل يقدونس مع الخضار لانة بيمتص الدهون .





جاتوه
كانت جدتي بتعمله من خمسين سنه وأكتر ..
وكلنا بنعمله لغاية دلوقتي
ثلاث أرباع كيلو دقيق ( كان زمان باكو الدقيق 3/4 كيلو) + ملعقه كبيره كربونات
- 1 كوب عسل أسود
- 1 كوب سكر
- 1 كوب شاي ( أعمل شاي تقيل وآخد كبايه )
- 1 كوب عصير برتقال وبرش 3 برتقالات
- نصف كوب زيت
- 1 بيضه
- ملعقه كبيره كاكاو
- ملعقه صغيره قرفه
- 2 باكو كستر وأجهزهم حسب النعليمات
الطريقه
- نرب البيضه والزيت والسكر والقرفه والكاكاو
- يضاف الشاي والعسل والبرتقال وبشر ثلاث برتقالات ونقلب الخليط
- نضيف الدقيق بالبيكربونات .. ونقلب إتجاه واحد
- نسكب الكيكه في صينيه كبيره مربعه ونسويها في الفرن
- بعد نضج الكيكه أكون مجهزه الكستروهو ساخن أسكبه علي وجه الصينيه فيعمل طبقه حوالي 1 سم واعيدها الفرن خمس دقائق
- أقطع الكيكه مستطيلات ومربعات في حجم قطعة الجاتوه
- أضع أي نوع مكسرات علي عدد من القطع أو كريم شانتي

ملحوظه - علي مر السنين إتعلمنا نعمل أنواع كيك وجاتوه كتير ..
لكن ده فيه طعم مميز
- الكميه كبيره جدا .. ممكن يتعمل نصها


الساعة الآن 10:44 .