Analysis Services
محشى الكرنب (مطلوب )

المقادير 3 بصلات كبار
2 حزمة شبت، و 2 حزمة بقدونس
3 معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون _ 3 معالق سمن كبار _3 معالق زيت


الطريقة:

تغلي ماء على النار و تحطى فية شوية كمون
وتطلعى ورق الكرنب من الكرنبة بانك تقطعية من عند الراس بالسكينة
وتحطية فى الماء المغلى يا دوب ثوانى و تطلعية فى المصفاة.
بعد كدة تقطعية حسب المقاس اللى انتى عايزاة
طريقة عمل الخلطة:

تفرمى البصلةبالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب
بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل
و السمن و الزيت والطماطم و اخيرا
تجيبى الرز وتغسلية وتصفية كويس وتحطية على الخلطة و تخلطى كله كله كويس
وتحشى ورق الكرنب ورقة ورقة ومش كتير علشان ما ينفش
ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش
اغلى شوربة فى حلة و فيها معلقة زيت علشان المعلقة دى هى اللى بتدى صابع الكرنب لمعة من برة
ضعى الشوربة على الكرنب بحيث يا دوب تكون عند الصف الاول

وتحطيةعلى النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية
و بالهنا و الشفا و ممكن عند التقديم تقلبى الحلة زى ما هيا فى سرفيس
فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعديت عنها دة معناة انها خلصت و هكذا
( طبعا هى عارفة نفسها اللى طلبته و مش عايزة اسمع صوتك تانى بعد ما اكلتى برة
26-04-1426 هـ, 04:36 صباحاً
 
السحق البيتى ( مطلوب )
نص كيلو لحمة مفرومة _ملح _ فلفل _ قرفة _ جوزة الطيب _ نص كوب ماء
_شطة حسب الرغبة المصارين وطبعا مش حوصيكى على التنظيف .
(( و اهم حاجة القمع المخصوص بتاع حشو السجق ))

الطريقة :
نضع التوابل كلها على اللحمة
اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة
اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان
فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك
تحطيهم فى اكياس نايلون و على الثلاجة و الف هنا وشفا
26-04-1426 هـ, 04:44 صباحاً
 
طريقة تسوية السجق

سجق _ 2 طماطماية كبيرة _ 2 فلفلة رومى _ فلفلة حامية ( حسب الرغبة )
ملح _فلفل _زيت او سمن

الطريقة :
بطرف السكينة اعمل شق صغير فى كل صابع سجق
اضع الزيت او السمن فى مقلاية على النار ثم اضع الفلفل رومى و الطماطم
تقليبة و بعدين احط وحدات السجق و اقلب اقلب ثم اضع شوية شوية ماء و اغطى المقلاية لحد ما يستوى اعلى النار واقلب السجق لحد ما يتحمر اروح طافية النار و نعمله سندوتشات بالمستردة او حسب الرغبة
ملحوظة :ممكن نعمل سندوتشات بيض بالسجق بتبقى حلوة جدا و من باب التغيير
26-04-1426 هـ, 04:55 صباحاً
 
الله يناولك الجنة يا don

وربي شهيتيني على مصر واكل مصر وحنا بدري عالاجازة لسا
26-04-1426 هـ, 06:54 صباحاً
 
تسلم إيديكي يادون وصلنا للسجق
علي فكره .. مفرمة اللحمه لها وش بشكل قمع .. ده مخصوص لحشو السجق
26-04-1426 هـ, 09:35 صباحاً
 


الساعة الآن 12:17 .