blonddove دة احنا لسة بنسمى اتفضلى معانا و عندنا كمان توصيل الطلبات للمنازل على فكرة اللى عايذ يساهم بحاجة لصالح البنات اللى حيخشوا دنيا يشترك على طول بدون استئذان المهم تكون واضحة و بالتفصيل الممل عشان يعرفوا يعملوها .اما الا نسبة بسبوسة اى هبة بالنسبة للجمبرى المقشر .حنعمل الاول ( جمبرى بالكارى )
جمبرى مقشر ومتنظف ( وحقولك تنظيفة ازاى)_ بصلة صغيرة _ حوالى 2 ملعقة اكل ز يت _ملح _2 ملعقة كبيرة كارى و ممكن 3 لو بتحبى حراق .

ضعى الزيت على النار الى ان يسخن

اضع البصلة المخرطة ناعم و اقلب لحد ما تصفر

اضع الكارى ووراة الجمبرى و اقلب حيتخلطوا ببعض ثم اضع ماء حسب كمية الجمبرى يعنى تغطى الجمبرى فقط و الملح

حيغلوا وعلى فكرة حيستوى على طول الجمبرى ما بياخودش ربع ساعة

بالنسبة للارز اعملية عادى بس قبل ما يشرب الماء بتاعه حطى ملعقة كبيرة كارى
فى الما ء ( او ) ملعقة صغيرة كركم عشان يبقى لونه اصفر

فكرة للتقديم . اما تضعى طبق الارز لوحدة و طبق الجمبرى بالكارى لوحدة . او بالكبشة المخرمة تشيلى الجمبرى من الصوص و تحطية فى قعر الطبق ثم تضعى الارز علية و تكبسى جامد بظهر اللعقة ثم تقلبية فى السرفيس و ترش رشى شوية صوص كارى على الوش و الباقى تحطية فى طبق جانبى يقدم مع سلطة ذبادى و بالهنا و الشفا
10-04-1426 هـ, 02:09 صباحاً
 
يا اهلا اهلا بالحبايب كلهم عطورات شرقية حالا حكتب لك كباب الحلة حالا بس بسرعة اكمل الجمبرى ام الحص و الله كلك زوق و تيجى مصر تنوريها و تشرفيها و لو شربتى من ماء النيل مش حتسبينا و تسافرى تانى
10-04-1426 هـ, 02:15 صباحاً
 
طريقة تنظيف الجمبرى :
امسكى الجمبرياية فى ايدك و بالايد التانية سكينة.
ببوز السكينة الرفيع اعملى خط فى ظهر الجمبرى حتلاقى خط اسود تشيلية ترمية
دة بيكون الرمل اللى لحسة الجمبرى من الماء
و لو انتى متمكنة اعملى فتحة صغيرة فى اول الظهر و امسكى اول طرف الخط بتاع الرمل و اسحبية لفوق حيطلع معاكى على طول

سلطة الزبادى

زبادى _ 2فص ثوم ناعم جدا _نقطتين خل نقطتين عصير ليمون
***قلبى الزبادى بالملعقة كويس حتلا قية بقى ناعم ضعى علية الثوم والخل و الليمون و زرة فلفل اسود ناعم تقلبى كلة بالملعقة و تصبية فى الطبق . ممكن تزوقية بحلقات خيار او تحطية فيها شرائح رفيعة خيار و ممكن رشة نعناع .
10-04-1426 هـ, 02:34 صباحاً
 
الجمبرى البانية جمبرى مقشر و نضيف _ 2 بيضة _بقسماط ناعم _ربع كوب حليب _ ملح و فلفل

_ اضربى البيض بالشوكة وضعى علية الحليب و الملح والفلفل .

_ ضعى الجمبرى فى البيض و اخلطية كلة مع بعض

شيلى الجمبرى واحدة واحدة و ضعيها فى البقسماط
سخنى الزيت فى مقلاية على النار

و حمرى الجمبرى على الوجهين حيبقى لونة زهبى حلو
شيلية على ورق ماص للدهون و بالهنا و الشفا

ملحوظة : ممكن تمسكى الجمبرياية بايدك و تدخلى خلة رفيعة بتاعة الاسنان من فوق لحد نهايتها حتلا قى الجمبرياية كأنها واقفة مفرودة مش مقوسة و تروحى محمراها عادى بالخلة . وعند الاكل تمسكيها من الخلة و تسحبيها فى بقك و بالهنا و الشفا
10-04-1426 هـ, 02:49 صباحاً
 
تسلم ايديكى يا دون بموت فى الجمبرى وهجرب طريقتك بس ممكن تقولى لى ازاى اعملة مقلى ومقرمش؟؟
10-04-1426 هـ, 02:56 صباحاً
 


الساعة الآن 12:41 .