[
]البسكوت بالشيكولاتة ( باردة لا تدخل الفرن )
[/color]
حوالى 15 باكو بسكوت شاى _ باكو زبدة وسط _ 2 بيضة _ فانيليا _ سكر بودرة (حسب التزوق ) _حليب

الطريقة
كسرى البسكوت بايدك قطع صغيرة ( مش بالكبه نهائيا )القطعه قدعقله او عقلتين صباع
و اركنيهم فى طبق كبير غويط .
عمل الشيكولاتة :
نضرب الذبدة كويس فى الخلاط
اضع عليها السكر البودرة و اضرب
اضع نص كوب كاكاو و بيضة و الفانيليا و كل دة و الخلاط شغال ما توقفيهوش
ثم اضع النص كوب الكاكاو التانى و البيضة التانية و مازلنا نضرب
ابدء فى تنزيل سرسوب اللحليب خفيف خفيف و الخلاط شغال زى ما قلنا
لحد ما توصلى لتخانة حلوة للشيكولاتة تكون تقرب للينة و اوقف الخلاط
بس ماتنسيش تظبطى فى السكر
نفترض غلطى و الشيكولاتة بقيت سائل ؟؟
تروحى مزودة شوية كاكاو لحد ماتظبطى السمك
تجيبى اللبن البارد ( علشان البسكوت ما يبوش )و ترشى ترشى بايدك البسكوت
لحد ما البسكوت كله يتبل كويس بس اوعى يبوش منك
هاتى الشيكولاتة ( بس سيبى حوالى ربعها للوش )
و حطية على البسكوت و قلبى قلبى بايدك كويس لحد ماتحسى ان البسكوت كله فية شبكولاتة كويس
ضعى البسكوت بالشيكولاته فى الصينية و اضغطى بايدك علشان البسكوت يتفرد
فى الصينية و ماتبقاش حتة عالية و حتة واطية ( ولنتى بتضغاطيها فى الصينية حتكون جامدة تحت ايدك )
بعد ما تفرشيها تمام فى الصينية هاتى باقى الشيكولاته اللى كنا حاجزينه
و افردية على وش الصينية . ممكن تعملى باشوكة اشكال على هيئة زجزاج
على وش الشيكولاتة و ممكن ترشى فستق مفروم او بندق محمص بيدوها طعم حلو
دخليها الاول الفريزر لمده ساعة و بعدين نزليها تحت فى الثلاجة و بالهنا و الشفا
و كل ما تقعد بتطرى و بتبقى قعدت دة لو قعدت اهيه دى بالزات اللى عمرها ما قعدت عندى
26-04-1426 هـ, 04:23 مساءً
 
ام باسل بالنسبة للامعاء انا بعملها بالضانى بتاعة الخروف بالنسبة للسجق بتبقى الامعاء الدقيقة و بالنسبة للممبار بتبقى بالامعاء الغليظة ماشى الكلام ؟
26-04-1426 هـ, 04:27 مساءً
 
تيب ده معناه بقى انى ما اجيش لكم ثانى

حد يا جماعه ينسخ لى الاكلات ويشيلها لى لما اقف على الميزان وتلاقونى حلوه وشاطره وكويسه تقوموا مدينى الديسك
26-04-1426 هـ, 04:28 مساءً
 
ازاى بقى دة ان شا الله ما عملنا ريجيم كلى يا هبهوبتى ولا يهمك امال حنسيب الاكل لمين ؟؟؟؟؟؟؟؟؟؟؟؟؟
26-04-1426 هـ, 04:29 مساءً
 
سويسرول البسكوت بالشيكولاتة

نفس الطريقة اللى فاتت لحد ما خلطنا البسكوت بالشيكولاتة لكن مش حنحطها
فى الصينية
حنفرد ورفة فويل و نحط الخليط على طرف الورقة بس لجوة شوية
فوق بعض بشكل الرول بتاع السويسرول
و نبدء نلفة كلة للاخر و نقفل علية كويس و نجمدة بنفس الطريقة اللى فوق
و لما نفكة ندهن بالسكينة باقى الشيكولاتة على كل الوش
او ممكن نسيح شيكولاتة خام و نصبها على الوش كلة و بالهنا و الشفا
26-04-1426 هـ, 04:31 مساءً
 


الساعة الآن 10:46 .