فينك يا نانىىى انا حستنى الاسئلة او التعليق على الاكل الاخير و منتظرين منك حاجتين من ايديكى





خلاص انا عملت ملف عندى وكتبت ملف اكلات ابله دندوون
وجمع كل الاكلات من الملف الاول وده
جزاك الله خيرا ابله دون
العجة


4 او 5 بيضات حسب مقاس الطاسة التيفال بتاعتك
نص حزمة بقدونس _ معلقة صغيرة دقيق
بصلة متوسطة
طماطماية متوسطة
ملح _ فلفل
معلقة سمن

الطريقة
اكسر البيض و اضربة بالشوكة فى سلطانية و احط الملح و الفلفل و الدقيق
واربهم كويس بالشوكة
اضع السمن فى المقلاية و اضع البصل لحد ما يصفر و بعدين الطماطماية و اقلب تقليبة و بعدين البقدونس المغسول و المفروم و اقلب تقليبة و بعدين اروح كباهم على اللى فى الطبق الغويط و اقلب كلة عشان يندمجوا مع بعض
احط حتة سمن صغيرة و انزل عليها كل المقدار لحد مايستوى قرص العجة من تحت و اروح قلباة فى طبق و ارجعه تانى المقلاية على الوش التانى لحد ما يستوى و كدة يكون قرص العجة استوى و بالهنا و الشفا
ملحوظة
ممكن تزودى مثلا المقدار ل 10 بيضات و تضعفى باقى المقادير و تعمليها فى صينية فى الفرن و تبقى غداء





انتى فين يا نانى ؟؟ يلا مستنين اكلة . هو المفروض الدور على كفتة الارز لانها مطلوبة ...حستنى لو ما نزلتيهاش حنزلها بكرة و على فكرة انا بعتلك طلبك على الخاص





كفتة الرز
المقادير
- نصف كيلو لحم أحمر مفروم
- 1 كوب رز مطحون + نصف ملعقة بيكربونات
- بصله كبيره + 2 فص توم كبار
- ملح + فلفل + ملعقه كبيره كمون
- 3 ملاعق بقدونس مفري
- سمن أو زيت للتحمير
الطريقه
بإستعمال الكبه أو المالتي براكتيك (أكبر من الكبه )أفرم البصل والثوم وأضيف الملح والفلفل الأسود والكمون وبعد كده أعجنهم مع اللحمه والرز المطحون المضاف اليه البيكربونات وكمان البقدونس .. أعجن الكل مع بعض كويس .. ممكن أعيد فرمهم بالكبه من تاني لتكوين عجينه متماسكه
أشكل من العجينه كور صغيره أو أصابع .. ثم أقليها في السمن أو الزيت
الكفته بالصلصه
أسخن ملعقة سمن أو زيت وأحمر فيها ملعقه صغيره ثوم مفروم إلي أن يصفر لونه..
أضع 2 ملعقه كبيره صلصه ونصف كوب ماء وبعد ما تتسبك .. أضيف 2 كوب ماء ..
وأتركها لتغلي .
أحط الكفته بعد تحميرها وأتركها تستوي حوالي ربع ساعه علي نار هاديه

طريقة عمل الكفته أيام زمان
بإستعمال الهون يدقوا الرز لغاية مايبقي ناعم خالص .. و يشيلوه في طبق
وفي الهون أيضا يدقوا قطع اللحمه الكبيره لغاية ما تتهري ويحطوها علي الرز
يبشروا البصله ويدقوا التوم ويعملوا العجينه مع كل مكونات الكفته
ولسه برضه ياخدوا شويه شويه من عجينة الكفته وهات يا دق في الهون .
. وبعد كده يشكلوها ويحمروها
كل ده وكان عندهم وقت فراغ ورايقين


الساعة الآن 09:03 .