تسلم ايديكى يا نانى ( بس والله عندك حق هو فية زى ستات زمان مش دلوقتى اللى كله اقلب اقلب فى السريع )
بالنسبة للمبتدآت خالص : اطحنى الارز كويس جدا قبل وضعة على اللحمة علشان و انتى بتحمريها لو كان خشن حتلاقى الارز اتنطور على صباع الكفتة و كان ناشف بيقرمش فى البق
وبعدين تحطية على اللحمة و تفرميهم تانى
ازا توفر جانبك جزار بيبيع لحمة جملى خلية يفرم لك كيلو جملى بتبقى احلى فى كفتة الارز
ازا انا بقول ازا لم يتوفر عندك الكبة ... جهزى الخلطة كلها على بعض و روحى افرميها عند الجزار بس قو ليله افرمها مرتين ( و على فكرة هو بيبقى عارف )





دندون يا عسل

شكرا ليكى على وصفاتك ليا تسلمى يا قمر

بس عايزة اقولك حاجة مرة سمعت عن صينة لحمة مفرومة محشية خضار يعنى اللحمة وعليها بصل ودكة يعنى وبعدين تسلفى بسلة وبطاطس او فاصوليا خضراء سلق خفيف وبعدين
تجيبى ورق فويل بليى شوية زيت وتفرشى علية اللحمة ثم فوقيها الخضار السملوق وتلفيها زى السويسرول ماشى كدة؟؟

انا بعبطى بقى لفتها كدة ودخلتها الفرن زى ما قالوة والمفروض لما تتطلع تشيلى الفويل وبتتقطع ترنشان حلو كدة؟؟

انا بقى طلعتها من الفرن وجيت اشيل الفويل فؤجئت انوة ملفوف مع اللحمة يعنى بيين طل طبقة فويل فى لحمة والاكلة باظت مع انى طعمها كان حلو لية بقى؟؟؟
الاكلة دى بتبقى حلوة جدا يا مروة و انا ساعت من باب التغيير بسلق بيض و بعد ما افرد اللحمة المتبلة طبعا بروح مر صصة البيض و هو سليم زى ما هو وراء بعض و الف علية اللحمة على هيئة اسطوانة السويسرول بس وانا بلف بضغط على اللحمة كويس و اسحب الفويل يعنى الف و اسحب الف و اسحب يبقى كدة الفويل مش حيدخل جوة اللحمة ... وبعدين انتى بتقولى طعمها طلع حلو ؟ ماهو طبعا لانها عادى معمولة حلو بس الفويل هو اللى اتحشر فى النص





كان لازم أقول إن الرز المطحون بيتباع في عبوات بوزن كيلو في أماكن كتير دلوقتي وبسعر مش غالي
ممكن كمان يتعمل في الكبه أو مطحنة البن والبهارات وبعد كده يتنخل بالمنخل
لما أعمل كفتة رز بأحب اعمل زياده وأشيلها في الفريزر لوقت آخر
ممكن زي ما قالت دون نجهز كل المكونات في البيت ونخلي الجزار يحط عليها اللحمه ويفرمها عدة مرات
الكفته بالصلصه بتكون حلوه مع الرز المفلفل او مع الكسكسي
مروه .. مروه .. لما تعملي الكفته بالبيض المسلوق إبقي قشريه .. أوكيه


الساعة الآن 09:06 .