]كفتة محشية ( الطريقة الاولى ]المقادير:

كيلو لحمة مفرومة
بصلتان
نصف حزمة بقدونس
نص رغيف عيش فينو مبلول فى الماء و معصور جامد
ملح _و فلفل اسود _ جوزة الطيب )
بيضتان مضروبين بالشوكة
ست بيضات مسلوقة
بقسماط ناعم
زيت للتحمير

الطريقة:

نضع اللحمة و البصل والبقدونس و العيش بعد عصرة بايدك من الماء ثم يضاف اليها الملح والبهارات وتخلط جيداً
تقسم اللحمة الى ست قطع متساوية وتحشى كل قطعة ببيضة مسلوقة بعد ما تقشريها طبعا و تضغطى عليها كويس قوى بايدك و بعدين تدحرجيها فى الدقيق وبعدين فى البيض و بعدين البقسماط و تحمر فى الزيت المقدوح و تنشل و بالهنا و الشفا
[/color]





اقتباس مشاركة  (don)
الاكلة دى بتبقى حلوة جدا يا مروة و انا ساعت من باب التغيير بسلق بيض و بعد ما افرد اللحمة المتبلة طبعا بروح مر صصة البيض و هو سليم زى ما هو وراء بعض و الف علية اللحمة على هيئة اسطوانة السويسرول بس وانا بلف بضغط على اللحمة كويس و اسحب الفويل يعنى الف و اسحب الف و اسحب يبقى كدة الفويل مش حيدخل جوة اللحمة ... وبعدين انتى بتقولى طعمها طلع حلو ؟ ماهو طبعا لانها عادى معمولة حلو بس الفويل هو اللى اتحشر فى النص
دى الطريقة التانية
بدل ما نحمرها فى بيض و بقسماط نعملها زى ما قلت و نلفها فى ورقة فويل مدهونة زيت بالفرشاة و بعدبن نسويها فى الفرن (( وفية طريقة تانية بالسلق بس الصراحة اللى فى الفرن او التحمير احلى )
ممكن تنوعى فى الحشو يعنى خضار سوتية و انا بحط مع البيض شرائح خيار مخلل بيبقى طعمها حلو





السلام عليكم
ابله دون
الهامبرجر الله يكرمك
كمان فيه حاجه كده اكلتها عند ناس عزمنى
عامله زى الفينو المحشى لحم مفروم
او عارفه القرص المحشيه مفروم
عندك فكره عن حاجه زى دى
وتسلمى يا جميله
ازيك ياابله دون000بصراحه تستحقى شهاده تقدير

ساعات بحس انك مش بتكتبى الكلام 00لأ ده انتى بتطبخيه على الصفحات وريحته طااااالعه

وانا كمان بعمل رجيم زى هبه 00ومدوخنى00ومافيهوش لا سكريات ولا نشويات خالص
بس ليا تعليق صغير على كفته الرز

انا بصراحه ماليش طققان اعملها00لما بنزل مصر بخلى ماما تعملهالى هى والممبار
وبتعمل كيلو اللحمه عليه 6 اكواب رز00وتجهز الخلطه وعلى الجزار على طول00زى ماقلتى هو بيبقى عارف هيعمل ايه00وبنعمل منها الكفته الصوابع المتحمره وبعدين بتتعمل بصلصه فيها توم 00بتبقى جميييييله
والنص التانى بنعمله كبابى 00
اللى هو بيبقى مدور ومحشى لحمه مفرومه او حته دهنه00ويتسلق فى ميه فيها ملح وشطه وكمون00واول مايطلع الكبابى على الوش يبقى استوى 00ممكن يتحمر بالبيض 00بس انا مش بحبه كده 00بحبه محمر على طول

انا هسيبلك طبعا تقوليها وتفسريها بالتفصيل 00للى يحب
وليا طلب الله يخليكى00عايزه طريقه العجه اللى فى الفرن 00اللى فيها بيكنج بودر وبتنفش
كل ما اعمل العجه اعملها المقليه 00بس اللى فى الفرن مش عارفه اعملها ازاى
وده اللى فكراه دلوقت00
وتسلم ايدك ياعسل
السلام عليكم

ابله دون لو سمحتى ممكن ااقف فى صف الطلبات واطلب طلبا

زوجى العزيز اكل عندواحد صاحبه موزة بالفته ومن ساعتها كل شوية يطلبها
عاملتها بكذا طريقة و سألت ناس كتيره عليها
المشكلة انه له ذوق معين فالاكل بمعنى اصح ذواقه وما بعجبوش العجب
و حسب ما هو بيوصف ان الموزة كانت مستوية مع الفتة وطعم الرز منها
فلو عندك ابله دون او اى واحدة من الاخوات طريقه للاكلة دى يا ريت تدلونى
ام عبد الرحمن وغادة و حبيب

(((وَلْيَخْشَ الَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافًا خَافُواْ عَلَيْهِمْ فَلْيَتَّقُوا اللّهَ وَلْيَقُولُواْ قَوْلاً سَدِيدًا)))

((استوصوا باهل مصر خيرا فإن لهم نسبا وصهرا))




الساعة الآن 02:16 .