Analysis Services

السلام عليكم ،،،،،،،،،،نوصباح الخيرات

بنات الله يوفقكم أبغى كم طريقه حشوات ودي أغيييييييييير عن الجبن واللحم

عجزززززت وربي تعبت أطبخ ومايضبط <<<حسب كلامهم أنا أشوف إذا ماهو حلو ع الاقل يمشي

تخيلي تطبخيين وتتعبين وأخرته مايأكلون ؛>>>>يأكلون شووي أكل تصريفه

والله مررررررره طبخت وتعبت وهو يجيني نقد جااااامد عاد والله ماعندي إلا أمي وأهاااوش ذولا مايستاهلون الي يطبخ لهم بجد ناس فسقى متعووووده ع مطاعم والله مدري وش القصه

وحلفت إني مراااح أطبخ أبدا طبعا طبخت وللحين ماكفرت عن يميني

المشكله يغارنوني بغيرررررررري
طبعا رمضااان جآآآآآآآآآآآىي والأزمه بتكبررررر
عشان كذا دخيلتكم أبييكم تساعدونن

أنا تقريبا أضبط الفطائر والخليه بس طرق لحشوة الفطائر
ولحشوة السمبوسة أبي حشوه معه نكهات

وطريقه البيتزاء<<<أصلحه وتنتفخ مدري ليه تصير كيكه هههههههههه

لو تعطوني روابط لمواضيع مجربه وياريت فيه صور

وراح أدعيلكم إن شاء الله
21-08-1432 هـ, 10:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
النفسيات في رمضان غالباً تصير شينه .. وخاصه مع الحر ..
فتعودي ع المذمه .. >> مهيب تعاني زيك


بالنسبه للحشوات

تعرفين الفطاير اللي نسويها بالكباسه
زي هذي





اسلقي دجاج ولما يستوي نتفية وحطي معاه مايونيز وشرايح بصل وسماق
واحشيها


ممكن تحمسين بصل ولما يصير ذهبي قطعي عليه كيري وحاولي تذوبينه معه لين يختلطون تمام واحشي فيهم الفطاير



هذا اللي طرا فبالي هالحين .. لاتنسيني من دعواتك .. وعسى الله يسهل .. وننزل موضوع كامل عن الحشوات
21-08-1432 هـ, 11:36 صباحاً
 
ررفع لعيونك ...............


سبحان الله والحمدلله ولا إله إلا الله والله أكبر
21-08-1432 هـ, 12:38 مساءً
 
لازلت أذكرك الله يوفقك الله يسعدك
ويحقق لك كل ماتتمنين ياررررب

دلوعه الله يرفع قدرك


والباقي عبروووون
21-08-1432 هـ, 03:16 مساءً
 
اهلين
سهليها وان شاء الله تسهل
هذا حالنا مع رمضان ومع الطبخ الله يعين
وبالنسبه لانه مايعجيهم شي طبيعي عندنا
لاتشلين هم الطبخ اطبخي وبس
وانصحك بكتاب نخبه الاطباق ام عبدالعزيز ماشاء الله مضبووط ويريحك من التجارب والنت والحوسه

بالنسبه للحشوات السمبوسه
1- حشوه دجاج
بصل يحمس ثم يضاف عليه مجاج مفتت +طماطم مقطع مكعبات + بطاطس مكعبات مسلوقه من قبل+ملح وبهارات ....هالحشوه حلوه وطريه

2-حشوه البطاطا والبيض
بيض مسلوق مقطع مكعبات + بطاطس مسلوق مقطع مكعبات +بصل محموس +ماجي ) جربيها وان شاء الله تعجبك
3- حشوه الجبن المالح
يمدحونها بس الصراحه ماجربتها (جبن البقرات الثلاث المالح +بقدونس +زيتون +فلفل بااارد
4-* حشوة البيض
2 بيض مسلوق مقطع قطع صغيرة
بطاطس مبشورة ومقلية
جبنة كرافت مبشورة
كزبرة مفرومة
ملح+ فلفل اسود

للفطائر
بيتزاء وشي بالجين المالح وشي بالدجاج وهذا الاساس واريح لك
ومادام انك تضبطين الفطائر والخليه الحمدلله شي كويس



نستخدم اي عجينه للفطائر
بعدين نفردها وبعد الفرد تقطع عل شكل مثلثات
بعدي نسويها مثل ها الصور بعد ما نحشيها بالجبنه


ثم تلف مثل الكروسان وعلى شكل هلال ..

وهذا شكها بعد ما طلعتها من الفرن .
.
حلزوني
تكور العجينه كور صغيره بحجم بصفار البيض او اكبر شوي
وتفرد مثل كذا :




بعدين تلف من جهة الجبن لين الجهة الثانيه مثل كذا :

تبدين تدورينها والطرف حاولي يكون لجوا لين اخر شي وبرضو الطرف الثاني تدخلينه على جوا عشان تحافظ على شكلها بحرارة الفن ولا تنفك عليك زي كذا :

وهذا الشكل النهائي بعد الدهن بالبيض ورشيها بالسمسم حسب الرغبة

والبيتزاء وافرديها بالصينيه كوييس يعني تصير رقيقه

وهذي طريقه صلصه بيتزاء جناااان
بصله مبشوره تحمس
ثم تضيفين 2 طماطم مبشوره
وملعقه كبيره كاتشب
ورشه ملح وكمون وزعتر

جربي طريقه هند رااااااااائعه وهشه وطريه زي الجاهز
انا سويتها بالعجانه طلعت روووووووووووعه
مقادير العجينة :
( العجينة زي القطنة ما شاء الله ورائعة جداً لكل المعجنات )
500 جرام طحين معجنات ( جيلة / أو 3 أكواب وربع )
4 ملاعق طعام نيدو بودرة
فنجان غير مملوء سكر
بيالة زيت
ملعقة طعام خميرة
رشة ملح بسيطة
ماء دافي للعجن

والحشوة
اي شي تبين
وحلوه بالجبن الابيض رووووعه

الطريقة :
تعجن المقادير لمدة 10 - 15 دقيقة حتى تتكون لدينا عجينة طرية
تترك لتختمر في مكان دافيء مدة ساعة
وبعدها سيتضاعف حجمها


وبالنهايه هذي روابط انا مجريتهم شخصيا

معكرونه حلوه

http://forum.hawaaworld.com/showthread.php?t=1339771

صينيه التوست
تلقينها في الرد رقم 3
http://forum.hawaaworld.com/showthread.php?t=893810

صينيه البطاطس تلقينها في الرد رقم 2
http://forum.hawaaworld.com/showthread.php?t=893810
والدجاج الي في الصينيه خليه مفتت احلى يعنى اسلقي الدجاجه بعدين فتتي اللحم واتركي العظام

دونات حلزونيه بالرد 3

http://m.forum.hawaaworld.com/showthread.php?t=2628392
العجينه الي بالرابط انا ماجربتها بس ابغاك تشوفي الخطوات
وعجينتي للدونات تهبببببببل
كاس دقيق
بيضه
ثلاث ملاعق حليب بودره
ثلاث ملاعق سكر5
5حبات جبن كيري
ملعقه كبيره خميره
ملعقه صغيره بكنج بودر
ثلاث ارباع كاس ماء دافي

الطريقه
تخلط جميع المقادير في الخلاط ماعدا
الدقيق والبكنج بودر
ثم توضع على الدقيق وتعجن جيدا وتترك تتخمر مدة ساعه



اتمنى اكون افدتك
ادعيلي ان الله يفرج همي
21-08-1432 هـ, 04:56 مساءً
 


الساعة الآن 09:23 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏