السلام عليكم ورحمة الله وبركاته


بالبدايه الله لا يحرمني من هالمنتدى ويمتع عضواته بالصحه والعافيه


بصراحه كثيييييييييير استفدت من المنتدى

استفدت منه اكثر من كتب الطبخ


واليوم جايه وابي منكم تفيدوني

الي تعرف رز الصياديه تقولي الطريقه


والي تعرف انواع شوربات تقولي لاني تعبت وانا ادور


وفي ملف منزل عن الشوربات والسندوتشات

دخلته ومالقيت شي غير شوربه الماكولات البحريه وبجربها


ابي شي ثاني الله يسعدكم


والله اذا سويت شوربه لدعي لراعيتها وانا صايمه





الله يسعدكم ولا يهينكم
هذي طريقتي للصيادية
المقادير:
بصل
زيت
رز
هيل مطحون
قرفه صحيحه
ملح
فلفل وكمون مطحون
الطريقة :
على فكره لكل كاس رز حبه بصله كبيره
اولا تسخني الزيت تقطعي البصل شرايح خفيفة عشان يسهل عليك القلي مايكون الزيت كثير تقريبا اربع ملاعق كبيره حقت الاكل وبعدين تحمري البصل حتى يصير لونه بني ماهو حارق اسود فهمتي عليه
وبعدين تاخذين البصل وتطحنينه في الخلاط تضيفين عليه مويه عشان ينخلط معاك تمام
وتاخذين السمك وتقلينه في الزيت الباقي حقت البصل حتى يتماسك تضيفين عليه البصل المطحون ومويه حسب كمية الرز اللي عندك وتضيفين البطاطس مقطعه انصاف وتضيفين البهارات الفلفل والكمون والملح والهيل والقرفه وتخلينه ينسلق حتى تستوي السمك والبطاطس اذا السمك ماهو من اللي ينسلق اقليه افضل ليكي لوحده المهم وبعد مايستوي اضيفي الرز وخليه حتى يستوي وهني وعافيه انا اعمل معاه سلطة طماطم وثوم احطها في الخلاط واضيف معاها جبنه بيضاء ياسلام تطلع لذيذه جربيها وادعيلي ان ربي يرزقني بالذريه الصالحه عاجلا غير آجل
بالنسبه للشوربه شوفان كويكر
تسلقين الدجاج او اللحمه بالبصل والطماطم والهيل والقرفه
تاخذين المرقه وتضيفين عليها الشوربه اللي عندك شوفان كويكر او حبوب وتضيفي معاها فلفل وكمون وشورية صلصله واذا كان عندك ليمون ناشف ياسلام وملح بس هذي الشوربه
ياقلبي رز الصياديه سهل مايبي له شي
اغسلي رزك ونقعيه بمويه حاره وقطعي بصل كميه كبيره جدا يعني انا اسوي كاس رز معه 3 بصلات كبار وقلبيها فالزيت لين تسود يعني لين تحترق وانتي كثري كميه الزيت شويه اذا شفتي البصل احترق صار اسووود حطي مويه مغليه الي تكفي رزك وحطي حبتين هيل وحبتين مسمار او عويدي او قرنفل عاد انتم واسمكم له المهم وحبه ليمونه سودا مطحونه وملح وخلي لين المويه تغلي ويصير لونها اسود ثم شيلي نص كمية البصل وحطي رزك على المويه وخليه لين يستوي



اتمنى اكون افدتك اختي
الله يسعدكم ويفرج عليكم مثل مافرجتوا علي

شكرا
سلوى

الله يرزقني ويرزقك الخلفه الصالحه


الساعة الآن 03:57 .