لما يكسر لا تبينيله اهتمام

اما لما يسوي شي زين بينيله انك مستانسه منه

وخفي عنه التلفزيون

مشكورات اخواتي على الرد

بس ابني ما يشاهد التلفزيون اكثر من 10 دقايق

يعني هالوقت يمكن يكون له هالتأثير السلبي كله؟؟؟؟؟؟؟

فيه برنامج نصحوني اتابعه اسمه الملائكة الصغار يجي على قناة mbc1 كل يوم سبت إلى الأربعاء الساعة 7 مساءً .. وهي احداث واقعية وكل حلقة عبارة عن عائلة تعاني من مشاكل معينة لأطفالها واكثرهم العنف او عدم الطاعة من سن سنتين وانتي طالعه ويجيبون اخصائية تعلمهم كيف يتعاملوا معاهم ومثل ما ذكرت الأخت قمر عمان كانت اكثر الحلول تجاهل التصرف السلبي وتشجيعه عند التصرفات الإيجابية انا شفت حلقة واحده بس ناوية اتابعه .. واتمنى يفيدك..

مشكورة الاخت القمورة امورة

وان شاء الله اتابع البرنامج هذا واحصل منه على الفائدة

حاولي أختي تشغلينه بالرسم والألوان
يأخذه أبوه في نزهة للإلعاب
إلعبي معاه الألعاب التي تناسب سنه مو عيب ترى
ياريت تقولين كم عمر طفلك ؟علشان أقدر أفيدك لأنه عندي عيال ولله الحمد
وهم يختلفون في أطباعهم ولي تجارب معاهم .
عندي غرفه المعيشه الجلسات كلها اسفنج يلعبون على كيفهم ما أصرخ عليهم
وطبعا هذا بعد تجارب عده
من زمان ما كنت فاهمه توني أم جديده ما كنت أخليهم يلعبون بالجلسات أو أثاث البيت
وكنت أجيبلهم ألعاب يلعبون فيها شوي والباقي في الفرش وكنت أهاوشهم
وبعدين قلت ليش ما أسمحلهم يلعبون
خليتهم يلعبون والحمد لله إرتحت من مشاكلهم لمده طويله
ومع تغير الأثاث خليت الصاله المعيشه جلسات اسفنج ومخدات كبيره يلعبون على كيفهم
الصراحه البيت لهم من للناس والناس لهم مكان مخصص وحتى لو مافي إعيالي أولى
المهم يطامرون عليهم ويعملون المخدات جسر بي على الأرض يمشون عليهم
يقلبون الجلسات ويسوونها أنفاق وأحيانا يرفوعونها علي الكراسي الإسفنج طبعا
ويسوونها زحلاقيه
شفتي الإبداع غرفه وجلسه سووها عدة ألعاب من غير ما أشتري الألعاب نفسها
وفي نفس الوقت أرتاح جدام عيني ولاهين باللعب .