بلغكم رمضـــــــــــــــــــــــــــــــان وانتم في احسن حال



اخواتي تعبت وانا ادور عن الحل انا احب اطبخ
ولاكن يطلع الطعم موحلو واحط بهارات بس من دون جدوى
والله حتى الكيك كم مره اصلح بس ابدا ابد ماينتفخ معي
بس المعجنات تصلح معي شي مفرح ههههههههه
الي عندها طريقة تعطيني اياها الله يوفقكم لان زوجي دائما
يعايرني
بالنسبه للكيك اذا تبينه ينتفخ اذا دخلتي الصينيه الفرن لاتفتحينها الا بعد ماتمر ربع ساعة

فيه اكله معينه ماتضبطينها
اكتبي طبخات محدده ودك تضبطينها

وكل بنت خبيره ومتميزة فيها راح تعطيك طريقتها وانتي طبقي

فيه شغلات بسيطه قبل واثناء وبعد الطبخ تأثر على طعمه ونكهته

واذا عُرف السبب بطل العجب

مثلا

-الطبخ على نار متوسطه إلى هادئة (بعض الطبخات) يعطي طعم ألذ ونكهه مميزة افضل من اللي يستوي على نار عاليه

-في حالة طبخ لحم دجاج افضل يكون مخرج من الفريزير قبل الطبخ ب4-5 ساعات يذوب على مهله أفضل من لما يكون مجمد ويتحط عالنار على طول

وإذا اضطريتي انه تخرجيه من الفريزر عالقدر على طول الصحي انه تحطي عليه مويه عادية وتسخن وهو بداخلها يعني ماتحطي عليه مويه مغليه.

- ان تكون بهاراتك جديدة واذا مطحونة ماتكون من دهر .. نكهتها تروح

-مقياس الماء لازم يكون بالتدريج لأن لو زاد الماء وقمتي نقصتي من اثناء الطبخ راح يشيل معاه نكهة الاكل

- بالنسبة للكيكات لها اسس وقواعد اقرأي مواضيع شروط نجاح الكيكات منها البيض والدقيق يكونوا بنفس درجة حرارة المطبخ
والخفق الجيد للبيض ونخل الدقيق والمكونات الجافة


هذه النقاط اللي في بالي الآن لو ذكرت شيء ثاني ح اكتبه

ولاتنسي دااااااااااااااائما قبل ماتبدأي اي طبخ او اي عمل قولي بسم الله الرحمن الرحيم بإيقان ان الله يبارك لك فيها ويزينها لك

موفقه حبوبة
جزاكم الله خير ووفقكم
الف شكر لرونق وليلاس


الساعة الآن 03:42 .