مباارك عليكم الشهررر

مشكلتي الاساسيه العجين ماحب اتعامل معاه

انا اطبخ كل شي الا المعجنات والقيمات

الطحين عقدتي بديت اسوي كيك بس هم مااحبه كل الحلي بارد

المهم

زوجي خاطره يوميا اسوي للدوانيه لقيمات

وعيالي يموتون فيه

يستانسون اذا احد ارسل لنا او انعزمنا عند احد وانا متضايقه

اليوم شريت جهاز لعمل اللقيمات عجنت العجينه وتخمرت طلع شكلها حلو حميت الزيت
وحطيت العجين بالجهاز

قام تطلعلي وحوووش تخرع

ماعرف انا توقع هالجهاز حلي لمشكلتي حتى شريت صحون حلوه للقيمات

شقول لابو شباب اني فاشله
ولازم اطلب يوميا من وحده تسويه لي

جد هالموضوع مضايقني
نفس مشكلتي مو راضيه تزبط معايه العجين حق القيمات مررره تعقدت اهلي نفسهم فيها ومو ضااابطه معي ماادري اش السبب ياليت احد يعطينا حل
كشف العشق ان شا الله تضبط معانا


رفع
حبيبتي
مشكلتك حلها بسيط
اكيد عجينتك سايله حييييل
خليها متماسكه شوي يعني تكون مو سايله ولا جامده طبعاا
اتمنى تكوني فهمتي علي
ولا يهمك هذي عجينتي للقيمات والله جنااااااااااااااان
بسم الله
كاسه دقيق حقت الجبنه الطويله
1 ملعقه كبيره كاسترد(تطلي بودره)
1ملعقه صغيره خميره فوريه
نص ملعقه صغيره بكنج باودر
1ملعقه كبيره سكر
تقريبا ثلاث ارباع الكاس مويه
تعجن بالملعقه واهم شي العجينه تصير مطاطيه وتتلازق
تخمر نص ساعه
تاخذي العجينه باليد اليمين وتكوريها بالحجم اللي تبغينه بين اصبعك الابهام والسبابه وتقطعي بالملعقه بيدك اليسار وفي الزيت ع طول وتتقلب لين يصير لونها ذهبي
وخليها لين تبرد شوي وحطي عليها شيره
ان شاء الله اكون افدتك


الساعة الآن 09:56 .