بسم الله الرحمن الرحيم

ماشاء الله عليكم 000مش عارفه اشكركم ازاى

la rosa متشكره جدا 00فكرتك حلوه وان شاء الله الستات الحلويييين يفيدونا

رشه عطر00كلامك مظبوط السندويتشات فكره حلوه بس برضه بنحتاج اكيد نغير طعم الاكل00بس الف شكر لمرورك وذوقك

هبهوبه 00انت اسكندرانيه000احسن ناس 00انا فى الصيف على طووووول فى اسكندريه
شكلك سافرتى بر قبل كده000ويارييييييييت تدينى طريقه اللحمه البارده والقرص ياقمرررر
لان اعتقد اللحمه البارده تقعد فتره من غير من غير ماتخرب00والف شكر يا عسل

ام اسما 00الف الف الف شكر كلامك جه فى وقته شويه نصايح انما ايه 00انا فعلابدور اليومين دول على آيس بوكس عشان الحاجات المثلجه 00وجزاك الله خيرا


ها فين الباقى 00مستنيا نصايحكم 00
12-04-1426 هـ, 12:08 صباحاً
 
السلام عليكم
شرى ضحكتينى حتى كدت أبكى يا بنتى أنا لو رحت الشارع اللى ورانا أتوه سفر أيه ده بس اللى سافرتوا .كل الحكاية الفيوم والقاهرة ومطروح مع أهلى وأنا صغيرة ودمتم.. وكل اللى حصل يا ستى أن زوجى وحماتى راحوا عمرة السنة اللى فاتت وأختى عشان سفرت قبل كده جلست تملينى الأحتياجات وخذى يا ستى الطرق لجل عيونك..
.بس عندى لك نصيحة لو عندك أطفال صغيرين هاتى لك قصرية كبيرة وأكياس كتير عشان لو واحد فيهم أتزنق والأستراحة بعيد تكيسى القصرية ويعمل فى الكيسة وتغلقى الكيسة وترميها فى السلة وهذة الطريقة من النت بس أنا لخمة جدا ياريت أعرف أعمل كده كل اللى بعمله ألبس حفاضات وأتلخم لو عمل فيها وأتلخم لو قال عايز أعمل حمام مش القاعدة فى البيت أحسن للى زيى . ؟!!!!

اللحم البارد
كتلة لحم(تقولى للجزار عايزة أعملها لحمة باردةوهو حيعرف طلبك ) وتلف بالخيط جيدا ثم تغرسى فيها بالسكين بس مش للأخر وتضعى فى الشقوق فصوص ثوم سليمة ثم تسلق فى ربع حلة ماء ومعاها كل ماأعتدتى وضعه عند سلق اللحم ( بصلة مقطعة ومستكة وحبهان وورق لورا ومسمارين(قرنفل) وعود قرفة وذرة بهارلحم....طبعا أنا فى العادى بضع كمان وحدة طماطم مقطعة وقطعة ثوم مفروم صغيرة بس بلاش عشان أنتى بالنسبة للثوم حشياها بيه والطماطم ممكن تخليها تخرب بسرعة ) وبس لما تغلى المياه تسقطيها حتى تستوى وتنشل وتترك لتبرد ثم تنزعى الخيط وتقطع طرنشات وبالهنا والشفا على قلبكم وسفريه سعيدة إن شاء الله ...

القرص اللذيذة
لكل واحد كيلو دقيق نضع نصف كيلو سمن (يعنى كوبين سمن يسيحوا على النار بس أوعى تخليهم على النار كتير ولا تعلى النار لأنك لو حرقتى السمن طعمها مش راح يكون حلو ) وذرة الملح أساسى على الدقيق وشوية لبن دافىء بالخميرة وشوية سكر صغيرين وإن أحتاج لبن قليل حطى لها) وطبعا اللبن دافىء لأنه لو ساخن حيخرب الخميرة .و3 ملاعق كبار سمسم
...طبعا أنتى أنخلى الدقيق ومعاه الملح والسمسم وأعملى فيه حفرة وفيهاضعى السمن السائح وقلبى بكبشة عشان سخنه على أيدك وبعدين بعد ما تكون الخميرة خمرت مع السكر واللبن ضعيها على العجين وأعجنيها لمدة 10 دقائق ثم تشكل كما تريدى وتترك فى الصوانى لتكمل الأختماروبعدما تنتهى من التشكيل تضعى فى الفرن الساخن مسبقا أول صينية شكلتيها وهكذا بعدما تستوى الصينية الثانية فى التشكيل تكون الثانية فى السواء وبعدما تترك فى الصينية بعدما أستوت لتبرد ثم تأتى بصندوق وتكسيه ألومنيوم ثم تضعى القرص وغلقى الصندوق حتى تستوى الصينية التالية وتبرد ثم تحصل أختها على الصندوق .....وإلخ إلخ إلخ أدعى لى أنجح بقى !!!
بصى يا ستى الطريقة اللى فاتت مجربة ولذيذة جدا ووخداها من والدة صديقتى الشرقاوية واللى ذاقوها قالوا عمله زى الحاجات الصعيدى (شريك ...منين مش فاكرة قالوا أسمها أيه )

دى طريقة تانية ومجربة وحلوة لأن المتعارف عليه القرص تعمل بالزيت وأن اللى فات قراقيش مش قرص ما علينا أعطيكى الطريقة التانية (تقدرى تقولى اللى فاتت القرص الناعمة ودى القرص الناشفة )
لكل كيلو دقيق واحد ونصف كوب سمن على زيت ونصف ملعقة صغيرة محلب ناعم وذرة ملح و3 ملاعق كبار سمسم وحتة الخميرة مثل حجم البندقة (خميرة بيرة أما الصنف اللى فات عملته بالخميرة الفورية ) وكوب ماء دافىء وممكن تأخذأقل يعنى تضعى حبة حبة حتى تقول لك العجينة كفاااااااااااااية وتعجنى كل ماسبقجيدا جدا وتترك نصف ساعة تخمر ثم تشكل وفى فرن عالى لمدة نصف ساعة .....,دمتم ......
أختك هبهوبة
12-04-1426 هـ, 03:16 صباحاً
 
ان شاء الله توصلي بالسلامة الي توا في بالي ممكن تاخدي خبز وجبنة مثلثاث وممكن علب تونة سهلة الفتح وتكون صغيرة ياربي اكون افدتك والاخوات بصراحة ماقصرن
12-04-1426 هـ, 04:04 صباحاً
 
هبه الهبهوبه اللهلوبه 00شفتى ده اسمك الجديد00
مش مشكله حلوه الفيوم ومطروح نعتبره سفر00طيب خلاص انا عزماكى عندى فى الكويت 00بس التذاكر على حسابك00
المهم الجزار بيبقى عارف حته اللحمه بتاعه اللحمه البارده00مش بتبل اللحمه؟ بس بحط فيها التوم؟ وطريقه القرص جمييييييله 00بس هى قرص المدوره اللى زى العيش؟ولا القراقيش زى اللى بتتعمل بالعجوه؟
وانا عندى ادهم بس وعنده سنه وشهر ولسه مش بيعمل فى بوتى 00بس البامبرز
ودى مشكله فعلا 00هو اللى بفكر فيه على طول 00
بس المشكله الاكبر اللى لسه ملقلنهاش حل 00هينام ازاى00
فى جماعه سورييين قالوا لنا بيعملوا فرشه للولاد عشان النوم00بس سافروا من غير ما نعرف
على العموم 00شكلى تعبتك معايا00الف شكر يا قمررررر

زوجه عمر00الله يخليكى00الله يسلمك من كل شر يارب
والخبز والجبنه من الاساسيات ان شاء الله 00بس ليا لوحدى 00لان جوزى مش بياكل منتجات الالبان خاااااالص

وفعلا الف شكر للكل 00ماقصرتوا

ولسه مستنيه آرائكم 00ما تتاخروش
12-04-1426 هـ, 11:41 صباحاً
 
اهلين وسهلين بالغاليه ,,مدام شيرين ,,

ان شاء الله توصولون بالسلامه والله يحفظكم من كل سوء ..

انا من المسافرين دايما بالسياره بس ما رحت مصر .. رحت الامارات , صلاله

مكه , ابها ... بس والله السفر بالسياره اولا انفع لك تستفيدين منها بالسفر

وبعدين متعه ووناسه ..

اذا عندك اعيال صغار الله يعينك عليهم .. حاولي تاخذين معاك قصص ودفاتر تلوين

والعاب يتسلون فيها .. اما الاكل انا والله ما اطبخ شي بس للمرحله الاولى من

الرحله آخذ معاي لحوم بارده لعمل السندويشات مثل المرتديلا - الديك الرومي

المدخن على شكل شرائح - مع الاجبان واحطها بثلاجه صغيره مع العصائر ..

طبعا لازم اكياس الشبس - المكسرات شي اساسي لزوجي ! - مع مطاره للماء

الحار وغلايه كهربائيه ما استغني عنها للاستراحات - طبعا السكر والشاي والحليب

اخذهم معاي . لاتنسين الكلينكس المعطر ضروري جدا جدا ..

وتسلمين يا رب وان شاء الله تسافرين وتردين الكويت بالسلامه

ترى الكويت منوره باهل مصر الطيبين خفيفين الدم مثلك وشرواك ....


12-04-1426 هـ, 01:18 مساءً
 


الساعة الآن 12:32 .