Analysis Services
أسهل شي تشريب اللحم , يمي لذيذ

اللي عليك تطلعين من الفريزر لحم يكفي المعازيم , على حسب تقدير

يعني إذا هو مقطع قطع قد كف اليد , طلعي 11 قطعه لحم

وطلعي خضار مشكله اللي عندك " بطاطس + قرع + كوسه + جزر "

وإذا عندك خضار مجمده اللي بتجي بأكياس من السبور ماركت بعد ضيفيها بتطلع النكهه ألذ

الطريقه , /

حمسي بصل وطماطم على النار مع شوي زيت بعدين أضيف ملعقتين كبار صلصلة , وحطي بهاراتك المعتاده مع الملح

وأضيفي اللحم وخليه دقيقه مع التقليب المستمر

وأضيفي الخضار كلها اللي قطعتيها واللي جبتيها بأكياس مجمده وحركي شوي ..

وأضيفي مويه لين يتغطى عندك اللحم والخضار كااامل وزيدي شوي بعد

وخلينه لين ينضج , تقريباً ساعه وربع ..

إذا خلص جيبي الصحن اللي تبين تقدمينه . . وتجهزي للطبقات راح تسوين مثل ما تسوين بالباشميل

لحم وخضار بعدين القرصان " اللي هو الخبز ..تجيبينه من السبورماركت ويجي نوعين بر وأبيض "

الطبقه الأولى قرصان , الطبقة الثانيه مرق وشوية خضار , الطبق الثالثه قرصان , الطبقة الرابعه مرق وشويه خضار ولحم

لحد ما توصلين لـ آخر شي بعدها ضيفي كل اللحم والخضار وزينيه بكزبره وبقدونس ,

ملاحظه / القرصان خليها تغرق بالمرق إذا أضفيتيه لا تظل يابسه أو فيها شويه مرق
01-09-1432 هـ, 11:33 صباحاً
 
اللي اعرفه ان الثريد بالحليب غير عن التشريب اللي هي بالمرق


تسوين مرقة خضار عاديه ولما تخلص تجيبين صحون وتقطعين فيها خبز ولو يكون خبز رقاق اذا عندكم احسن وتصبين المرق فوقه

احمسي بصل مع شويه دهن ولحم خليه عشر دقايق بعدين حطي الطماط واحمسي وحطي البهارات بعدين صبي الماي ولاطبخ شوس حطي الكوسا والبطاط وخليه يطبخ على نار هاديه

وبالتوفيق يارب
01-09-1432 هـ, 11:34 صباحاً
 
نسيت الملح والمعجون وطبقي طريقة عيون تذرف الدمعه لانها شارحه بالتفصيل الله يجزاها خير
01-09-1432 هـ, 11:39 صباحاً
 
ما أدري هل هو نفسه القرصان اللي نسويه
(القرصان معموله من مرقة لحم وخضار وتشربين بها رقائق شفافة ويابسة من خبز البر)
اذا نفسه هذي الطريقة.

المقادير:

المقادير

كيلو لحم غنم مقطع قطع صغيرة نوعا ما

خضار ( كوسا فاصوليا قرع جزر ) تقطع قطع كبيره

3 حبات بصل متوسطة مقطع قطع صغيرة جدآ
حوالي كأس عصير طماطم مصفى
2ملعقة اكل صلصة طماطم
بهارات مشكلة
فلفل اسود
2 حبةلومي اسود صحيحة
ملح
كمية من القرصان

الطريقة:

يوضع ثلث كمية البصل ويضاف لها ملعقة زيت نباتي وتحمس
يضاف اللحم ويحمس جيدا ثم تضاف البهارات واللومي والملح ويقلب الى ان تظهر ريحة التوابل
نضيف الطماط والصلصة
يغطى اللحم بالماء ويترك حتى يستوي (نصف استواء عشان يكمل النضج مع الخضار
نضيف الخضار بالترتيب
الجزر والفاصوليا
بعدها بشوي الكوسا والقرع
ننتبه ان القرع ما يبي له طبخ كثير

طريقة اعداد كشنة القرصان:
نأخذ باقي كمية البصل ونضيف عليه 2 ملعقة زيت زيتون ثم نقلبها زين
بعد ما تذبل نضيف نصف ملعقة لومي اسود مطحون وفلفل اسود مطحون ونصف ملعقة صغيرة كركم
نتركها شوي عالنار ثم نرفعها
بعد كذا نجيب قدر واسع ونحط فيه طبقات:
ملعقة بصل الكشنة في القاع
نكسر القرصان قطع كبيرة نوعا ما
ثم نشربه بمرقة الخضار واللحم ونكون كريمين لان القرصان بيتشرب المرق
ثم ملعقة كشنة وكمية قرصان ومرقة
وهكذا الى ان تنتهي الكمية
نتركها على نار هاااااااادئه عشر دقايق
ثم نغرفها في صحن التقديم

ملاحظة اذا كانت قطع اللحم كبيرة تقدرين تخلينها على وجه الطبق
لكن يلزم تأخذين من مرقتها وهي تطبخ وتحطين المرق في قدر وتطبخين الخضار فيه
وعند تشريب القرصان تستعملين مرقة الخضار وممكن تزيدين عليها من مرقة اللحم

أتمنى أكون أفدتك دعواتك لي بأول أيام الشهر الفضيل ان الله يوفقني وكل أحبتي
01-09-1432 هـ, 11:54 صباحاً
 
و**** يالغالية

لاسف مااعرفة ممكن يفيدوك غيرى **** يعينك

الزهرة البيضاءعادى اكون انا صديقتك اتمنى يكون عندى صديقات من المنتدى عالم حواء
01-09-1432 هـ, 01:07 مساءً
 


الساعة الآن 11:05 .