السلام عليكم

عندي سؤال صغير واتمني تجاوبوني

اشلون نخلي الدجاج المشوي يحمر مثل الي نشوفه في المطاعم والتلفزيون

انا لمي اخليه في الفرن ينحرق ولا يتحمر

حطيت عليه صلصة بس ماصار مثل الي ابغاه

فعطوني خبراتكم ولا تبخلو علي لاني بعدني اتعلم الطبخ

سلام
11-04-1426 هـ, 08:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم..

حبيبتي الدجاج المحمر ولا اسهل منه بس يبغا له انتباه للفرن وحرارته عشان مايحترق...

وراح اعطيك طريقتي بالدجاج اللي دايم اسويها ويطلع مثل اللي تبين...

بعد ماتطبخين الدجاجة بالمرقة اللي انتي محضرتها لها وتنضج تقريبأ...

اخرجي الدجاجة من المرقة وخليها بالصينية حقة الفرن..واعملي الخلطة التالية:

(صلصة طمامم..صوص الصويا..شوي من خلطة الباربيكيو اذا موجودة عندك..زيت زيتون..شوي لون الزعفران الاحمراو الاصفر واذا مافيه استبدليه بكركم..ملح وبهار..ليمون)..

ادهني الدجاجة فيها بكل الجوانب والجهات..ودخليها الفرن بدرجة حرارة متوسطه.. وانتبهي لها مو تروحين وتنسينها...

وقبل ماتطلع من الفرن بخمس دقائق تقريبأ ادهني وجهها بزبدة وارجعي دخليها مرة ثانية لدقائق..لان الزبدةضرورية تعطيهاالتكهةواللمعان المطلوب اللي مثل المطاعم...

جربيها وان شاء الله تعجبك...وردي لي بعد ماتسوينها.. طيب؟؟؟
11-04-1426 هـ, 09:20 مساءً
 
اختي ليان مشكوور كثير علي الطريقه

والله الحين بعد مااطفي الكومبيوتر بروح اجربها

وان شالله بقولك النتيجه

جزاك الله خير

سلام مؤقتا
11-04-1426 هـ, 09:43 مساءً
 
عدنا

الله يسلمك اختي سويت الخلطه وطلعت رهيبه

وان شالله كل ماابي اسوي دجاج بالفرن بسوي خلطتك

واسفه لاني طولت عليكي في الرد

تحياتي
15-04-1426 هـ, 11:21 مساءً
 
ياحياتي الحمدلله انها اعجبتك وتاكليها عليك بالعافية...
16-04-1426 هـ, 10:57 صباحاً
 


الساعة الآن 03:00 .