حبيابتي انا بورطه وابي مساعدتكم الله يسعدكم زوجي طلب مني اسويله كريم كراميل وتطلي <كاسترد>
وانا ماعمري سويتهم وانا مستحيه اقوله ماعرفهم قلت ابشر وانا الحين ابي منكم طريقة عملهم بالتفصيل
والكميه لشخصين بالله الي تعرف تزبطهم الله لايهينها تكتب طريقتهم ضروووري مافي وقت ابي اسويها قبل الظهر عشان يمديها تبرد
نخيتكم لاتردوني انا بطلع انظف البيت وراجعه اشوف ردودكم

يارب ارحم ضعفي
الكريمه كراميل

كاس ماء مليان اضيفي فيه 3 ملاعق حليب وحركيه حتى يذوووب

وحطيه بقدر وعلى النار اذا بدا يغلي ضيفي ظرف واحد كريمه كراميل وخلي النار هاديه

وحركيه حتى يثقل قليل بس وطفي النار وصبيه بالكاسات

ان شاء الله تكوني فهمتيني
لك الحمد ربي حين أفقد قواي فـ يشدني ضعفي اليك


التطلي

نفس الكلام بكاس ماء ضيفي 4 ملاعق حليب وحركيها حتى تذوب


تكوني مجهزه بكاس ثاني نص الكاس ماء و4 ملاعق تطلي وحركيه حتى يذوب


الطريقه صبي الكاس اللي فيه حليب في قدر وضيفي فنجالين سكر وحركيه اذا بدا يغلي

ضيفي الكاس الثاني اللي فيه تطلي وحركيه حتى يثقل وصبيه بكاسات

مشي حالك على الشرح

دعواتك لي بالحمل هذا الشهر تكفيييييين
لك الحمد ربي حين أفقد قواي فـ يشدني ضعفي اليك


الكريمه
2ك حليب سايل لكل ظرف يغلى ثم يضاف الظرف وتحرك وهي تغلي ثواني قبل كذا ذوبي فنجان سكر الى ان يبصح ذهبي

المهلبيه لكل ملعقه كاس حليب يغلي الحليب اول ويضاف اليه سكر واذا بدأ يغلي اضيفي الكاسترد وبسرعه حركيه واذا ثقل صيبه

قبل يبرد لانه يجمد
عندي كريم كرمل طعمه روعه
2بيض مع شوي فانليا
2كوب ماء
نص كوب سكر
2كوب حليب بودره
نص كوب سكر للكرمل تسيحينه على النار لمن يسير مثل لون العسل بس لاينحرق على نار هديه حطي السكر في قدر صغير وخليه يسيح وحطيه في صينيه وخليه على جنب لمن تسوين الكريمه
اخلطي جميع المقادير في الخلاط وصبيها على الكرمل الي بالصينيه وحطيها في حملم مائي وعلى الفرن لمدة ساعه وبعدين دخليها الثلاجه لمده لاتقل عن اربع ساعات


اما التطلي
اغلي كاسه ونص مويه ومعها 4ملاعق حليب بودره وفنجال ونص سكر طبعا فنجان قهوه وفي زبديه حطي 2ملعقه كسترد وملعقه نشاء بودره واذا غلي الحليب صبي عليه الكسترد والنشا وخليه يغلي شوي واذا شفتيه ثقيل مره زودي شوي مويه واضيفي عليه فانيليا يسير طعم وريحه يااااي
واذا قصدك الكرمل الجاهز كل بكت كرمل يحتاج كوبين حليب مغلي بدون سكر لان الكرمل سكره فيه


الساعة الآن 05:16 .