وردة بوك @ord_bok

محررة

جرحات السنان لها التئام ولايلتأم ماجرح االلسان

صباح الخير
السالفه ومافيها كنت جالسه أنا وزوجي امس قبل السحور وجلس يعلق على سالفة هي حديث المجتمع طلب وجهة نظري قلت لها طبعاً هو ماعجبه !فأخذ ياخذ ويعطي معي حتى تلفظ علي وقال اصلا أنتي "مريضه نفسياً" طبعاً مو أول مره يقولها قلت له طيب حتى أمي وابوي نفس وجهة نظري
قال اللي يفكر مثل تفكيرك مريضين نفسياً قلت معليش رجاء أحترم أمي وأبوي و لاتغلط وزن كلامك تر مو اول مره تقول لي هالكلام وبعدين أحترم كلامي المهم طالت المسألة وصرت أخذ وعطي معه في الكلام أحاول اقنعه أنه غلطان فجاءه قالي أصلاً انتي لو فيك خير وانتي تخصص دين كان ماتقولين لمرة ابوك ام فلان قولي لها خالتي ؟ قلت أنا وش دخل مرة أبو اللحين في السالفة
قال أنتي معترفتي بها ولاتقدرينها وهذي هي مشاءلله خرجت رجال ! وأنا صراحه أنصدمت ماني مستوعبه اللي اسمعه من تزوجت وهذي6 سنه ماقد جاب طاريها اللحين ليه ؟قمت ودافعت عن نفسي قلت وش تبي أسوي لها أحب راسها في الجايه ورايحه يأخي من قالك أني ماقدرها ولازورها أعطيت وزوجة ولده اللي هو أخوي طقم بقيمة2600 ريال تقريباً أنا وأختي غير أني في صباحيته أهديته كيكه لاتقدر بثمن وش تبي أكثر من كذا
قال يكون في علمك هي تاج راسك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انصدمت وقلت تاج راسي امي وابوي مو مرة ابوي وش جاك من امي حتى تخلي هالمره تاج راسي أقسم بالله بغ يغمى علي أنفعلت ماني مستوعبه قلت انا فيني الخير وواثقه من نفسي إذا تعرف الصلة والخير ودروبه اسأل عن أختك اللي لكم أنت واهلك فوق 10 سنوات ماتدرون عنها " للمعلوميه أختها هي اللي رافضه تشوفهم حسب ماسمعت من الناس أن حالتها النفسيه تعبانه وعندها اولاد وبنات كبار
المهم صار يتلفظ علي لأنه استغرب اني اتكلم في أخته ويعلم الله من تزوجت ماعمري سألته أو سألت اهله بعتبار أنها خاصه بهم ومالي شغل أذن الفجر وصليت ونمت بعد ماصحيت جلست على النت وقبل العصر قلت أبروح اسأله فيه احد بيفطر عندنا ودخلت المطبخ قبل ولقيت الشغالة تسألني مدام أسوي سلطة مع العشاء قلت أي عشاء قالت بابه يقول فيه رجاجيل بيفطرون ؟دخلت عليه في الغرفه قلت فيه احد بيفطر عند قال أيه وش عندك طبعا أنصدمت طيب قلي أجهز لكم قال مابي منك حاجه وتطور الكلام وحصل هواش وطلع من الغرفة جلست أستغفر لحد مأذن العصر وبعد ين عودت وكلمته وقلت له وش اللي حاصل حتى تعاملني كذا كأني ماني موجوده في البيت قال عشان مره ثانيه ماتغلطين وتتكلمين عن أختي طيب أناماقلت شيء أنا اللي مفروض أزعل قال من اللي رادك أطلعي من بيتي ومن هالكلام طبعاً دائماً يكرر علي إذا موعاجبك العيشه معي روحي لأهلك
طبعاً أنهرت بشكل موطبيعي لأنه صراحه منرفزني بحركاته ومعاد تحملت وصرت أصارخ عليه بشكل هستيري وأبكي قلت أنااللي مابيك مو أنت وخلاص طلقني قال روحي لأهلك وبرسل ورقة طلاقك ونفقة عيالي ؟
بكيت وطلع من الغرفة بعد نص ساعة جاء وترضاني وقال خلاص أنسي الموضوع ولاتعصبين مره ثانية؟؟؟
صراحة يابنات أنا من تزوجته وهو دايم يهيني ويجرحني بالكلام ويهز ثقتي في نفسي والله من مره بكاني في السيارة على الرغم الكل يشهد لي بالعقل والرزانه وسناعة حتى في عملي بس هو لا يغلط علي
وينكد علي أقسم بالله أن مصاريفي ومصاريف عياله علي عمري ماطلبت ريال واحد على فكره حتى أهله يثنون علي ويحبوني وأنا كمان على الرغم أن عندهم زوجات أبناء غيري مايشوفونهم الا في المناسبات وأنا كل يومين أوثلاثه عندهم وش غير هالتقدير لأهله ماسوي هالشيء عشانه لا لأن أهلي ربوني على كذا
طباً مشاكلي كثيره معه هو عصبي جداً ونفسيتي اللحين زفت موراضيه أسامحه لدرجة يابنات صرت أحب أجلس في الغرفة وطفي الأنوار والمكيف في هالحر وجلس لوحدي أعيد اللي صار لي معه من تزوجت وأقارن نفسي بأخواتي وبنات خالتي وبنات عمي أقول وش ناقصني ليش ماني مثلهم وصراحة أنا متأكدة أنه بيجي اليوم اللي بننفصل فيه لأن زلاته واجد وأنا صابره ومتحمله
دعواتكم لي أن الله يهديه ويسخره لي

588

يلزم عليك تسجيل الدخول أولًا لكتابة تعليق.

تسجيل دخول

نشرة مفصله • 12 سنة

الله يهديكم يارب

ممممممممم انا كنت زيك زمان .... لسانا متبري مننا انا وهو وكل واحد يطلع القديم والجديد

لحد ما اشتريت راسي ولما اشوفه كذا يقط كلام ؟؟ ابتسم واقول شكرا واحيانا الله يسامحك بابتسامه زعل

او اضحك ضحكه خفيفه واقوله ايوووووه صح كلامك واسكت

وربي صار ينقهررر وده اني ارد عليه

ودايما امدح اهله واحترمهم قدامه ومن وراه لاني احب خالتي اصلا

و الحمد لله مع مرور الوقت عقل وصار مثلي لما ازعل وارمي كلمه جارحه يقول شكرا

ويحترم اهلي كثييييييييييييييير

ولنا الان اكثر من اربع سنوات ماعمرنا تهاوشنا وتلاسننا بكلام جارح

&تترا& • 12 سنة

لااله الا الله
دخل الشيطان بينكم يااختي
يااختي اول شيء خلي ثقتك بنفسك قوية ولايهزك كلامه
ولاتقارني بينك وبين اي شخص لامن قريب ولامن بعيد لانك انت غيروشخصيتك غيروموشرط افكاري تناسب غيري وكمان مولازم افرض رأيي على الاخرين
يااختي لوشفتي زوجك مصرعلى رأيه خلاص اسكتي وانت على رأيك
واذاجاب طاري اهلك لاتجيبين طاري اهله
يااختي حياتناغالية
لاترميهافي الدموع والصراخ والعنادوالتحدي
اصبري على الاذى
ولك الاجروالمثوبة

حلم لم يكتمل..! • 12 سنة

يا حبيبتي انتي الرجل مايحب زوجته ترد عليه وهو معصب كل رجل فيه هذي الصفه إلا من رحم ربي

احيانا الرجال لما يعصبون يقولون كلام جارح عادي حبيبتي والله اللي مثلك كثييييير

بما انه اعتذر لك هذا يدل انه طيب انتي حاولي لما يغضب ابتعدي عنه ولاتردي عليه بالكلام حاولي تمسكي اعصابك إلا إذا احتاج

الموقف منك ردي عليه بكم كلمه وخلاص ..

الله يسخر لك زوجك ويوفقك

فراشه وحيده • 12 سنة

الله يهديكم لبعض انا قريت كلامك كله وانا معاك والحمدلله انه عرف خطأه بس في شي مررة غريب قريته طبعا شي انت تسوينه بس هو المفروض يسويه وهذا الشي دايما اسمع حريم يذكرونه بس بعد ايش يكون ازواجهم سابوهم والاغلب تزوجوا عليهم حبيت اطولها عليك عشان تحاولي تذكري ايش هذا الشي ؟ طبعا اقصد المصروووف . معقوله تصرفين على نفسك وعلى عيالك كدا حتى لوانت مريحاه من دي الناحيه وعاجبه لكن في نفس الوقت يحس انك مستغنيه عن حقوقك اللي واجبه عليه ويحس بالنقص في رجولته غصب عنه ويروح يدوروا مكان تاني ياحبيبتي النقطه هذي هي اللي خلتني اعرف ليييش هو يعاملك كدا
لاتصرفي على اولادك ولاعلى نفسك حتى لو انتي مدرسه انت تخلين مسؤوليته وتخلينه يفكر الف مره ليش متنازله عن حقوقها ولا تخليني اصرف عليها ووو وفي النهايه بيقول براحتها خلها تصرف وهو يفضاله المجال وتزيد فلوسه حتى لو قلك مفلس
حاولي تغيرينه شوي شوي حتى يرجع هو يصرف عليك وعلى عياله ويحس بقيمتك وبقيمة الانسانه اللي عايشة معاه موزوجة وعيال بالساااهل لا صرف ولا كرف خليه يعرف ان وراه حمل ثقيل مو انت تحملي هم المصروف معليش كلامي مو مره مرتب بس حسيت اني لازم انبهك ويارب تقدرين باللين تعودينه على اللي قلتلك وسامحيني على الاطاله والله من الحرة

Sweet choco • 12 سنة

هذا شيطان و دخل بينكم الله يصلحك اذا شفيه هاج وماج اسكتي و طنشي ....
يا ما نسمع و انا اختك بس اذا رديتي كبر الموضوع و اذا طنشتي بزعل و صمت راح يحتقر نفسه و يحس بغلطته ...

الله يهدي زوجك و يوفقك يا قلبووو ...