السلام عليكم

حبيباتي اسمحولي على المغثه بس انا صدق ما اعرف اطبخ عدل ومن حظي رمضان اللي فات ما طبخت لأني ولدت والحين هذا الرمضان الجاي لازم أطبخ

بس أنا فاشله فأريد أكلات مضبوطه وسهله وحلوه علشان أسويها برمضان وما أتفشل يعني أبي أتعلم من الحين لين رمضان ما باقي شي

جزاكم الله خير

ادعوووولي
13-04-1426 هـ, 11:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يحليلج يام الغالي ذكرتيني باللذي مضى...شوفي حبوبه..أنا ما بحط وصفات لأنها وايد البنات مب مقصرات ماشاء الله بس بخبرج كيف ممكن تستفيدين من المنتدى..بس اول شي لااااازم يكون عندج اصرار على التعلم(فهمت من كلامج انج موووول ميح..السموحه)
اول شي اجمعي من المنتدى او اهلج او صديقاتج الأكلات الرئيسه التاليه:
صالونه(لحم،دياي،سمك)
مجبوس(لحم،دياي،سمك)
برياني و يااااكثر انواعه اختاري لج كم نوع سهلين و انا منزله نوع وااايد سهل و لذيذ
مشوي لحم و سمك و دياي
عيش ابيض
مقلي سمك (ما يباله تعليم)
اذا اتقنتي هذيل تراج تعلمتي نص الطبخ بعدين دوري عالمحاشي و الصواني و يااااكثرها في المنتدى..انا بديت جذيه و الحمدلله الحين الكل يشهد لي..و اي خدمه انا حاااااااضره
14-04-1426 هـ, 12:38 صباحاً
 
فديتج أم البنات صدق والله تراني ميح شسوي لما كنت في بيت أبوي محد علمني وشجعني وكنا كلما دخلنا المطبخ قالوا لنا بتعفسون المكان او بتحرقونا

وبعد الزواج توهقنا

مشكوره حبيبتي وبروح أدور الوصفات وإذا ما فهمت شي منهم بسألج عنه جزاج الله خير

تدرين أني مره ييت بسوي عيش أبيض أوني وطلع هريسه لووووول

الله يعيني ويعين اللي مثلي
14-04-1426 هـ, 10:03 صباحاً
 
معلش حبيبتي شوي شوي وبتتعلمي بس بدها طولة بال
ومادام انت لسه عروس وماراح يعملي عزايم كبيرة شو رايك تعملي مثلا ستيك مع الخضار
ستيك بتقطعي شرايح وبتبليه مع الملح والفلفل وبتقلبيه بشوية زيت اوسمن وبعدين بتضيفي خضار مسلوقة (بازلا-جزر ذرة -بصل ...)اللي متوفر وبعدين قبل 5د من اطفاء النار حطي شوية خل التفاح اوصويا صوص حسب ما تحبي اما اذا حبيتي تاكلي معه رز فاضيفي له صوص طماطم .....وهي خلصت طبخة
طبعا يمكن استخدام قطع الدجاج بدلا من الستيك
14-04-1426 هـ, 10:35 مساءً
 
دوري عندج العضوة دردشة مطابخ حاطة مواضيع عن المقبلات والسمج والدياي والعيش! بقسم المقبلات ومثبت!
وان شاء الله بتستفيدين!
وعندج كتاب اسمه خفايف ، حق عائشة بهلول اعتقد مالها! بس اكلاتها والعيش مالها رهييييييييييييب
مرة علمت بشكارتنا طريقة العيش القوزي! اهلي تحروه عندنا عرس وله ناس يابوا العيش مستوي عندهم عرس!
انصحج بكتاب طبخ عائشة بهلول لاتها نزلت كتب يددية! شفتها بكارفور عندنا!
14-04-1426 هـ, 11:36 مساءً
 


الساعة الآن 07:55 .