كان ولدي عادي ويحب يروح لإبن الجيران اللي في نفس عمره "عمر ولدي سنتين وعشرة شهور .. داخل على الثلاثة يعني" ولما يرجع البيت يرجع معاه ولد الجيران ولما ولد الجيران يبغى يروح يقوم يطلع معاه وهكذا وبالعافية نقنعهم انو خلاص الوقت راح ونبغى ننام.. بس ما كانوا يتقابلوا يومياً ..
المهم جوني ضيوف ومعهم بنت عمرها اربع سنين وولد تقريباً 6 سنين وكانوا يضربوا ولدي كل ما شافوه وانا كنت داااايماً مشغولة في المطبخ وما اشوفه إلا كل خمسة دقايق يجيني باكي.. وكنت احسبه يتدلع لأنه مكثرها .. فكنت اسكته ولما كثرها صرت اطفش من حركاته و اخاصمه :44: لغاية ما شفت يوم بعيني ولدي يكون جاي وهو سرحان او يغني ومار في الصالة وتلاقيه البنت تقوم تدفه بكل قوتها لين ما يطيح طيحة قوية وطبعاً يبكي ومرة لقيت الولد ماسكه من يدينه الاتنين ويضربه بساعة بلاستيك في يده والبنت ماسكة علاقة ملابس وتقول للولد "عضيه.. عضيه"... والبنت عضته شخصياً مرتين وعضتها من النوع اللي ينتفش الجلد بعده وهذي اول مرة ولدي ينعض ما عمره جربها.. ومرة قفلت الباب على اصبعه وهو يصيح وفي فمه حلاوة بغى يختنق ومو قادر يصرخ وهي تزيد تقفل الباب على يده...
ولدي ما يتكلم لسة وما قدر يشرحلي على اللي قاعد يسير واللي شفته دا طبعاً كان لي رد فعل ولحقته وقلت لأمهاتهم على اللي بيسير لكن ما سووا شي وقتها خفت على ولدي وخصوصاً انه صغير حاولت ابعده او اخليه تحت عيني .. لكن لو انشغلت ثانية يصير شي.. قمت صرت إذا ضربه واحد اقوم آخذ ولدي لعنده وامسك يد ولدي واضرب بيها العيل الثاني كم مرة وصار يسويها لحاله ويدافع عن نفسه
لكن المصيبة من يوم ما سافروا وابني بس يقعد في حجري او حجر ابوه طول اليوم وبالعافية يقوم يلعب شوية وإذا خرجنا ما يختلط بأحد ولا يبغى حتى يلعب في الحديقة أو الألعاب ..وامس ابوه اخذه الجامع اول مرة وانا كنت خايفة انه يسوي شقاوة ويخرج من المسجد "زي عادته اول" لكن لما رجعوا من المسجد ابوه كان مرررررة محبط .. قال انه ماسك فيه وخايف مررررة ويبغاه يشيله وهو يصلي ولما مار رضي ابوه صار ولدي ماسك في رجله بقوة ولما خلصوا الصلاة الراجل اللي جنب زوجي بغى يسلم عليه لكن ولدي خاف ونط في ابوه
حتى لما رحنا لخالته وهو مرررة يحبها ما رضي يسلم عليها وطول الوقت هو وراي او ورا ابوه:(
وكل شوية يقوللنا "يلا نمشي.. يلا نمشي" وحتى ابن جيرانا اللي قلتلكم عليه فوق برضه ماصار يرضى يروح عنده وحتى لما رحت معاه علشان اشجعه برضه كان لاصق فيني وما رضي يلعب معاه ولا كأنه يعرفه .. مع انه دايماً يقول اسمه في البيت ويغني بإسمه ؟
انا بسأل "وخصوصاً لو فيه اخصائية نفسية " هل الخوف هذا مرحلة طبيعية في عمره دا ولا من اللي صارله من العيال .. آ ونسيت اقولكم اننا دحين عزلنا بيت جديد .. هل هادا برضو يكون سبب للخوف؟ وابوه الله يهديه ما يخرجنا دايماً... يعني ممكن نكون محبوسين اسبوعين متواصلين في البيت ولا نور الشمس ما نشوفها... وعلى فكرة عندي طفل تاني اصغر منه ومررررة يغار منه.. هل هادا برضه له دور ولاّ كلها اسباب مع بعض؟
وايش اسوي علشان اخليه يبطل الخوف ؟؟ دلوني الله يرحمكم:icon33:
kitkiat @kitkiat
عضوة نشيطة
يلزم عليك تسجيل الدخول أولًا لكتابة تعليق.
لــــــــــــــمى
•
للررررررررررررررررفع
يا حبيبي
شكله الوالد ماكل رعبة من هالولاد الاشقياء يلي اجوكي
اقراي عليه قران وسمي عليه دايما
ومعلش فترة وبتمرأ بس طلعوه وخليكي انتي وابوه معه ليحس بالامان
شكله الوالد ماكل رعبة من هالولاد الاشقياء يلي اجوكي
اقراي عليه قران وسمي عليه دايما
ومعلش فترة وبتمرأ بس طلعوه وخليكي انتي وابوه معه ليحس بالامان
لا تتركين ولدك على هالحاله تاثر عليه بعدين راجعي اخصائية نفسية
في البيت حملي مسئولية حسسيه باهميته مثل يودي ملابس للمغسلة يشيل الصحون اللي على قدة
في البيت حملي مسئولية حسسيه باهميته مثل يودي ملابس للمغسلة يشيل الصحون اللي على قدة
الصفحة الأخيرة