بسم الله الرحمن الرحيم

أخواتي الكريمات
جزاكم الله خير على الدخول إلى موضوعي وهو باختصار
أني سيدة متزوجة ولدي طفل

عندي شهادة خياطة بعد الثانوية
ودبلوم سكرتارية تنفيذية
ودورات حاسب آلي

طيب وين المشكلة ؟؟

المشكلة إني إذا لقيت وظيفة تطلع لي مشكلة إما في المواصلات وإما المكان اللي لقيت فيه الوظيفة ما فيه حضانة
وانا طول الوقت فاضية ما عندي شي يشغلني لأن زوجي عمله خارج الرياض وما يجي غير نهاية الأسبوع والطفش والفراغ بيقتلني ما ادري اش اسوي ؟؟

فيا ريت اللي تقدر تساعدني ولا عندها لي حل تجاوبني والله يجزاها كل خير مقدما ..
14-04-1426 هـ, 12:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا
الوظايف هذي الايام قليله
لكن ليش ماتفكرين تفتحي مشغل صغير على قدك وتكون اسعاره بسيطه اقل من المشاغل الثانيه وتفتحين غرفه حضانه للي تجي المشغل او الصالون تحط عياله وانتي تحطي ولدك فيها ويكون جنبك وبكذا تسلين نفسك وبنفس الوقد ولدك او بنتك معك مافي خوف عليه

الله يوفقك
14-04-1426 هـ, 12:25 مساءً
 
اختي العزيزة / كبرياء أنثى

بصراحة فكرت في هذا المشروع لكن إمكانياتي المادية لا تسمح لي بذلك
ايضا حاولت انا ابدأ من البيت لكن للأسف ما صار عندي زبائن لان اللي أعرفهم من أقارب او صديقات يبغون اسوي لهم الملابس ببلاش مع اني قلت لهم ان التنورة العادية بـ 15 ريال والبلوزة بـ 20 لكنهم استكثروها مني كون اني قريبتهم او صديقتهم

شاكرة لك مرورك وجزاك الله خير
14-04-1426 هـ, 02:36 مساءً
 
ممكن انك تتفقين مع مشغل نسائي وتعرضين عليهم عملك
والعمل عن طريق المنزل وشوي شوي راح يكون لك دخل
او انك تكونين مندوبة وهذي ما يبقالها شي تعرضين الكتلوج والاسعار محددة
ان شاء الله تلقين حل مناسب
تحياتي
14-04-1426 هـ, 07:33 مساءً
 
ام عبدالله انتي من وين؟
15-04-1426 هـ, 01:40 صباحاً
 


الساعة الآن 08:27 .