زوجي خلاني في بيت اهلي عشان قلت عبايات خواتك.......وانا عبايتي........ معي حق او لا؟

السلام عليكم ورحمة الله وبركاته


انا انسانه بحيرة من امري.... اعتبروها فضفضه
ولاخاب من استشار ......من تساعدني جزاها الله كل الخير

قبل فترة صار لي مشكله مع زوجي هو الغلطان فيها...ولم تصالحنا كان لي شروط لصلح وزوجي وافق عليها ومن ضمنها مايتدخل بعبايتي انا شخص كبير وعارفه مصلحة نفسي ولا بيوم ارضا الغلط على نفسي وهو وافق على هذا الشرط وباقي الشروط وحلف لي على المصحف انه ماراح يتدخل وقبل لا اقول ايش هي المشكلة احب ابين لكم
(عبايتي عباره عن حجاب يشابه حجاب اخواتنا في مصر يسمونه حجاب كويتي ونقابي جدا ضيق وفوقه مثل الخمار يعني ما افتح عيوني الا اذا حبيت انزل من درج وهكذا وبحضور رجال حوال اتستر بشكل كااااامل حتى عيوني اغطيها)

ندخل بالمشكله....زوجي كلمة حبيب قليله بحقه ولكن للاسف على قولتهم الزين مايكمل
مجرد مايشوف اهله الامور تتغير ويبدا ويأمر وينهى والنفس تشيييييين مره وينسى ان عنده شي اسمه حرمة وهالشي للاسف اغلب الرجال مثل كذا
قبل 4 ايام ابوه تعب واتنوم بالمستشفى وعلى طول حنا بمدينة ثانية لفيت ملابس تكفي يومين ومشينا وزوجي اكد انه بس يومين نتطمن على ابوه ونرجع
واول ما ضمن اننا راح نقابل اهله اذا وصلنا ...بدا اللسان يلعلع نصحته عن الدخان وقلت شف وش سوا الدخان بأبوك بسم الله هب بي مالك دخل وهدد انه يرجع لدخان وطول صوته
وصلنا لاهله اكلمه عشان بنزل الاغراض والاخ ينفخ علي ماله نفس يكلمني قلت خير
والله الشاهد رحت وزرت ابوه وتطمنت عليه ووقت الزياره بالليل برضوا رجعت وزرت ابوه لانه مريض وفيه الاجر وداريته ولكن الاخ كأن ابوه ماهو تعبان ...طلعوا من المستشفى مع خواته وعادي قرروا يروحون يتمشون وياكلون ايس كريم
لما شفت ان هم وهم عياله ماهمهم قلت لزوجي ابي اروح لاهلي اتسحر عندهم(مع العلم من دخلت رمضان لاتسحرت ولا افطرت عندهم) ويالله وافق
وحنا بالسيارة خواته 3 وثنتين منهم وحده لابسه تحت العباية بطلون والثانية عبايتها كلف ذهبية وتطريز والثالثة فاتحه النقاب
وانا عبايتي سااااااااده مافيها الخرزه وجدا عاديه
المهم قام يدفدف فيني قدام الخدامه وعيالهم الصغار ويقول امشي امشي قلة ادب هذي عباة؟؟!!!
قلت لاتدف واذكر ربك
قام قال هذا نقاب تطلعين فيه؟؟!! امشي لا اكسر وجهك...طنشت طنشت وهو يجدع من هذا الكلام مع العلم ان عبايتي ونقابي من شهرين وانا اللبسهم وهو على علم وهو اصلا اللي شراهم لي واللحين صاروا مايعجبونه ونس حلفه على المصحف
اخر شي بساعة غضب قلت لا تتفلسف علي رح شف خواتك فاتحين نقاباتهم والا انا نقابي مسكر
مسكني وشرشحني وهدد انه راح يقصقص عبايتي ونقابي.... وبالسيارة مسك وسادة كان يستند عليها وطقني فيها قدام خواته
ولما وصلت عند اهلي صبرت الى ما هدا واتصلت عشان نتفاهم واعاتبه على طول سكر السماعة بوجهي وتركني 3 ايام عند اهلي لا اتصل ولا ارسل
ارسلت له البارح رسالة شوق وعتب
رد وش تبين؟؟
قلت : ههههههه طيب سلم او قل اي شي
قال: انتي فاضيه وتوك تتذكريني....الخ
مسكت اعصابي وقلت انا مشتاقه لك ومن هذا الكلام
قال: بكرا راح ارجع لمدينتنا وشنطتك راح اجدعاها عليك عشان تتأدبين
وقلت له وليش ماقلت لي انا اخر من يعلم وعلى اساس يومين ونرجع واخر شي نكبني جيت انا وبنتي حتى ملابس مامعنا واللحين جالسه لا مصروف والملابس اللبس ملابس خواتي:06:
وارسلت له وسكر الجوال


بجد انا مقهوووووورة
لو انتم بمكاني وش تسووون؟
ومن الغلطان فينا؟؟؟؟