@--- Rosaleen

@--- Rosaleen @rosaleen_1

عضوة نشيطة

إلى بنات الامارات..لو سمحتو أبي مساعدتكم..

ساعدوني

السلام عليكم و رحمة الله و بركته

شلونكم يا بنات؟

أقول حبيباتي...بغيت أسأل عن أحلى الأماكن في كل من دبي و العين و الشارجة يبيعون فيها فساتين سهرة جاهزة و حلوة....تدرون مثل مالت المصممين....

و أقمشة حلوة و تكون مليانة كمان مثل مالت المصممين...

و الأماكن اللي يبيعون و يأجرون فساتين أفراح حلوة... أنا سمعت عن شارع الرقة.

يقولون الشارجة أحلى و أرخص...فهل هذا صحيح؟؟؟


آسفة على كثرة الاسئلة....بس ما اللي غيركم

و يا ريت يا بنات اتدلوني على كلللللللللللللللللللللل الأماكن الموجودة.....

و مشكورة
7
1K

يلزم عليك تسجيل الدخول أولًا لكتابة تعليق.

تسجيل دخول

شجون الروح
شجون الروح
عزيزتي صحيح كلامج ,,, ان في الشارجة ارخص ... لكن اذا تبين نصيحتي خذي من دبي ... لان اذا في الشارجة ارخص لكن الموديل ما راح يكون اللي انتي تبينه ... لكن في دبي صحيح انه غالي شوي بس الموديلات احلى وجديدة ... لكن انتي وذكائج اذا تقدرين اترخصين ثمن الفستان ....
بخصوص القطع :
في الشارجة : سوق السور وهذا جريب من السوق المركزي اللي في الشارجة اسألي وراح يدلونج عليه ...
في دبي : مركز البستان والمنال وبرجمان والغرير وغيرهم من المراكز

بخصوص الفساتين الجاهزة
في الشارجة مركز ميغا مول محل اسمه جوليا دوماني مقابل محل مكياجي
في دبي مثل ما قالولج شارع الرقة ... مركز دبي للتسوق اللي مقابل السي تي سنتر ... وما انصحج اتسيرين السي تي لانج ما راح تلقين الشئ اللي انتي تبينه واذا قالولج في فساتين سهرة في السي تي تراه عبارة عن فساتين الاجانب بسيط وايد وغالي وايد في نفس الوقت ...
في دبي في البستان ،،، عند المكتبة والله ما اذكر اسم المكتبة بس مافي غيره

انشاء الله اني افدتج عزيزتي
وبالتوفيق ان شاء الله
@--- Rosaleen
@--- Rosaleen
مشكوووووووووووووووووووووووووووووووورررررة اختي شجون الروح.....والله ما قصرت و ما راح أنسى مساعدتج....

بس حبيبتي الأشياء اللي في الشارجة أحلاهم في الأماكن اللي ذكرتيها و لا في غير أماكن بعد؟؟
شو رايج بمركز سارة و صحارى؟

و حبيبتي كيف بالنسبة للعين و عجمان في قطع و فساتين حلوة؟؟ و لا أحلاهم في دبي و الشارجة بس؟؟
نبراس اليقين
نبراس اليقين
مرحبا بج يا الغاليه
شوفي في الشارجه في شارع جمال عبد الناصر في محلات للفساتين الاعراس
شجون الروح
شجون الروح
أهلين عزيزتي @--- Rosaleen
والله بخصوص عجمان انا اللي اعرفه عندهم دزاينات حلوة حق الخوار لكن بخصوص الفساتين والله ما عندي فكرة ...

وعن العين انا سرت بس مركز العين مول وعندهم محلات حق القطع والفساتين ... لكن يقولون في بوظبي وايد اشياء حلوة عندهم لكن وين بالضبط هذا اللي ما اعرفه وتقدرين تسألين بنات بوظبي وان شاء الله راح يردون عليج ...

وبخصوص مركز سارة ،،، عندهم محلين او ثلاث يبيعون فيها القطع ... لكن عن الفساتين ما اظن ...

ملاحظة حبيبتي : يوم بتسيرين تشترين قطعة نزلي السعر الى النص وشوي شوي ارتفعي لكن مب وايد ... مثال : انا يوم اخذ قطع من البستان يقولي 1200 او اكثر تعرفين شو اقوله ابيه بـ 400 هو في البداية يستغرب لكن اذا شافج انج مصرة بيقولج شوي زيدي انتي زيدي لكن لا تتعدين الـ 600 وشوفي اذا ما عطاج ما اكون انا شجون .. وبالتوفيق انشاء لله
ضاع اسمي
ضاع اسمي
في ميغا مول ومركز البستان والمنال