السلام عليكم ورحمة الله وبركآته

ودي أسألكم يا حبيبآت



العائله الكبيره المكونه مثلاً من 10 نفر أو 14 . . في بيت واحد

وش تسوون لهم فطور ؟

صعبه تكشخون السفره بالأطباق وانواع الحلا والحركات اللي تسوينها لـ 4 أنفار أو 5

أنا أعرفه وحده ما شاء الله , الله يذكرها بالخير كان عددهم بالبيت 16 , أب و أم وأخوان وأخوات وعمام ما شاء الله

ويجتمعون بسفره وحده

لو هي مره بالإسبوع عاادي

بس اللي يطبخون يومي وش يسوون . . تعببببببببببب

وخصوصاً اللي يتشرطون رجالهم سفرة عاااامره ولا يرضون بالمعقول



و اللي ساكن معهم عمهم وأخوانهم وحريمهم

ودي أعرف نوعية الأطباق اللي يطبخونها كيف تكون !
14-09-1432 هـ, 08:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حنا بكره عندنا الفطور وراح يجونا خمس بيوت حريم ورجال صغار وكبار يمكن فوق 30 واحد وحنا طريقتنا كل يوم نفطر بببيت نروح لبيوت خوالي من الساعه اربع العصر مانرجع الا بعد مانتسحر الساعه 3 الفجر وهم كذا بيجونا بكره كذا
طبعا ناوين نسوي لفائف الدجاج وفطاير الجبنه المالحه بالطماطم والبقدونس وسمبوسه فقط مع العصاير والقهوه على الفطور الاول والفطور الثاني نوعين شوربه وكريم كارميل وبس
لكن حنا نكثر الكميات و الحريم اللي يجونا يساعدوني انا وامي واختي من العصر وهم معنا بالمطبخ وحتى السحور يشتغلون معنا بالمطبخ
لان كلنا اهل وقرايب هذا طبعنا وطريقتنا
14-09-1432 هـ, 08:27 مساءً
 
الله يكتب لك الاجر يارب
شوفي شي سهل يعني يكون صينيه ويتقطع مثل حلا القهوه الي في صياني ويتقطع صغير هذا ماشاء الله يعطي منظر وكثير الصياني المالحه
وابعدي عن الاشياء الي تتسوا حبه حبه
واشتري من الخبز المفرود الصغير الجاهز واحشيه لبنه وخيار اوفلافل او دجاج او الصامولي الصغار احشيها تونه او سوي حشوه دجاج مقطع مثل الكودو
ان شاء الله افدتك
14-09-1432 هـ, 08:30 مساءً
 
8 8 8
ماشاء الله عليكم اختي مزيونه
اهم شي الجمعه والوناسه مو الاكل الواجد
14-09-1432 هـ, 08:31 مساءً
 
شوربه ورز ودحاج بكميات كبيره وحلويات وكريمه ومهلبيه وجلي وممكن صينيتين مكرونه وسمبوسات طبعا العدد كبير والفطاير كمان وهكذا كل يوم وحاولي تشكلين بس كثري العدد
14-09-1432 هـ, 08:51 مساءً
 


الساعة الآن 05:21 .