الله يوفقك ويسعدك ويرزقك يارب انت ونحن قادر كريم
تسلمي على سماحتك وطيبه قلبك لما اتاخرت في الدرس um -momina ومنوره لانك اول من رد وتابع واوعدك وانا تحت امرك ومن عيوني الزرقا اقصد عيوني وارمه ان الدرس القادم بجيب برنامج الميتا تريدر واشرحه وهو دخول في الفوركس بطريقه عليه وليست نظريه مع العلم بان الكلام الي شرحته فوق ده من الاساسيات يعني لازم نعرف مواعيد البورصات وما هي البورصات واهميتها وابشري

ـــــــــــــــ ــــ


هلا هلا انسانه حساسه وما لكي الا الي يرضيكي يا شيخه حندخل في التقيل مع العلم اني مسوي ريجيم بس ولا يهمك تحت امرك بعمل للريجيم فريز واحاول ندخل كلنا عمليا في التقيل وربنا يسهل ونقدر بس نشرح نظري ايضا اختي لانه ضروري القراءه


ـــــــــــــــ ــــــ

هلا وغلا و1000 هلا قليله عليكي اختي flame4me دايما بحس اني ما بقدر اوفيكي حقك انت و اختنا العزيزه um -momina من احساسي بمتابعتكم الدائمه منوره ومعطره وان شاء الله برنامج الميتاتريدر في الطريق


ـــــــــــــــ ـــــــــــــــ ــ

اختنا غنوه تحت امرك يا فندم تسلمي اختي على المرور وربي يقدرنا ونستطيع نكمل وربي يعلم اما بدات الموضوع كنت فاضي اما الحين ومن حوالي شهر وانا مش عارف اتلايم على الماوس والكيبورد بس من عيوني حكمل واتقدم وكفايه خلاص نتندم
[frame="7 100"]السلام عليكم ورحمه الله وبركاته

اخواتي العزاز اللزاز منورين ويارب دايما متجمعين في الخير يا وجوه الخير

نظرا لان كثير من الاعضاء طلبوا الدخول فورا في التقيل والجد والتحليلات مع ان النظري لا يمكن تجاهله طبعا اخواتي ولكن سندخل اليوم على برنامج الميتا تريدر وممكن بعد كده نرجع نشرح نظري شويا تاني علشان نفهم اكثر والله من ورا القصد


المهم خلونا نبدا و ندخل فى بيئه الفوركس العمليه و بعد كده ابقى انت احكم ...... تقدر تدخل فى الفوركس و لا لاء ؟؟؟؟؟

اول حاجه انت علشان مثلا تتاجر فى اى بضاعه لازم يكون فى مكان تتاجر فيه ....... احنا بقى فى الفوركس ...

البضاعه هى العملات المختلفه و المكان اللى هنتاجر فيه هو برنامج التداول .

و طبعا كل شركه لها برنامج التداول الخاص بها و لكن انا اخترت برنامج و اسمه ال MetaTrader لسهوله استخدامه عن

البرامج الاخرى .... و ده اللينك بتاع البرنامج :

http://www.metaquotes.net/files/mt4setup.exe

نيجى بقى لشرح برنامج التداول من الالف الى الياء ( يعنى بالتفصيل الممل )
----------------------------------
- بعد ما تنزل البرنامج ... اضغط عليه و ابدا عمليه التصطيب ( اعتقد انى ده مش عايزه شرح )

بعد ما تخلص التصطيب هتظهرلك الصورد ديه :

[img]http://***or.com/imagehost/show.php/20012/two.jpg[/img]


1- نوع العمله تبع الحساب ..... يعنى بالدولار او الين او الفرنك السويسرى
2 نظام الهامش المستخدم ...... نظام الهامش 1:100 او 1:200 او 1:1

1:100 معناها ان على كل 1 (الف مثلا بالنسبه للحساب العادي) تدفعه انت للشركه كتامين لهم بيعطوك ضعفه 100 مره

يعني الالف تاخد 100 الف تلعب بيهم في الفوركس

وهو نفس الحال في 1 : 200 يبقى بيعطوك على 1 (1000) الي تدفعه للشركه كتامين لهم بيعطوك ضعفه 200 مره للعب بها في الفوركس يعني على الالف في الحساب العادي بيعطوك 200 الف

وهو هو الحال في 1 : 400 يبقى 400 ضعف الي تدفعه لهم وياخذوه منك كتامين لهم يعني بياخدوا الف كتامين للمبلغ 400 الف الي حتلعب بيهم في الفوركس


ويسمى الزياده في النسبه اللفرج بالانجليزي او الرافع المالي يعني بيرفعوا المال الي بيعطوه لك من 100 مره ضعف الي 200 مره الى 400 مره وهي اكبر نسبه


وشركات الوساطه عند فتح الحساب العادي بيعطوك مزايا من 50 مره ضعف الى 400 مره ضعف اموالك اما الحساب المصغر فاعلى شئ هو 200 مره ضعف يعني 1 : 200 في كل شركات الوساطه

ومزايا موضوع 1 : 200 او 1 : 400 عن 1 : 100

1- كمثال

هو انك لو حتفتح بنظام 1 : 100 يعني على كل 1000 تامين بيعطوك 100 الف طيب لو حبيت تفتح عقدين مش عقد واحد يعني حتدفع 2000 كتامين (1000 × عقدين) علشان تاخد 200 الف يعني النسبه بقت 2 : 200

اما في حاله ان اللفرج 1 : 200 بياخدوا منك فقط 1000 تامين ويعطوك 200 الف فورا تلعب بيهم

وفي حاله 1 : 400 تعطيهم 1000 تامين يعطوك 400 الف


2- هو ان 1 : 200 كانك فاتح عقدين على طول يعني ما تتعب حالك وتفتح عقدين ولو 1 : 400 كانك فاتح اربع عقود مره واحده

3 _ نسبه النجاح فيهم عاليه جدا ان كسبت فستكسب يا 200 مره ضعف يا 400 مره ضعف يعني لو كان سعر اليورو / دولار مثلا 1.2550

وانت اشتريته على هذا السعر بنظام لفرج 1 : 100 مثلا والسعر زاد الى 1.2580 فنطرح السعر الجديد من السعر الي اشترينا به يعني نطرح 1.2580 - 1.2550 = 30 نقطه مكسب فمكسبنا 30 نقطه اي 300 دولار (لان النقطه ب 10 دولار في الحساب العادي)

ممكن نعيد نفس الخطوه بس لو كنا دخلنا بنظام 1 : 200 ونفس السعر الي اشترينا به والي وصلنا له فنجد اننا كسبنا اكتر وهو 30 نقطه × مرتين لاننا بدل ضاعفنا السعر 100 مره بقى 200 مره يبقى الربح 60 نقطه اي 600 دولار في الحساب العادي

ولو طبقناها في 1 : 400 مع نفس الاسعار حنلاقي المكسب اكبر واكبر 30 × 4 =120 نقطه اي 1200 دولار في الحساب العادي في الصفقه الواحده

دي المزايا

اما العيوب فطبعا في سوق الفوركس تضع الخساره قبل المكسب فنفس المثالي اخدناه فوق ولكن نعكسه اي خسرنا 30 نقطه التي كنا كسبناها في المثال السابق

فلو خسرنا 30 نقطه في نظام 1: 100 يبقى خسارتنا 30 نقطه اي 300 دولار

اما في حاله اننا 1 : 200 يبقى خسارتنا اكبر وهي 60 نقطه اي 600 دولار

وفي الحاله الثالثه وهي 1 : 400 فالخساره اكبر واكبر وهي 120 نقطه اي 1200 دولار


ودي عيبها الوحيد فمثل ما تقدر تضاعف المكسب في حاله المكسب ايضا بتضاعف الخساره في حاله الخساره

مثال لو معاك في حسابك 3000 دولار وحسابك عادي يعني ليس مصغر

وفتحت عقد واحد فقط ب 1000 دولار

وكان المتبقي في حسابك 2000 دولار يعني 200 نقطه لان النقطه ب 10 دولار
ده بالنسبه لنظام اللفرج 1 : 100


والخلاصه عند نزول زوج العمله نقطه واحده قي شاشه التداول امامك ينزل معه رصيدك نقطه واحده فقط

وان صعد نقطه واحد صعدت معاه نقطه فقط ايضا يعني العلاقه بينهم متكافئه واحد لواحد ويكون امامك 200 نقطه لتقفل الصفقه وتعتبر فاتح عقد واحد
ـــــــــــــ

طيب في حاله 1 : 200 في نفس المثال

رصيدك 3000 دولار وحسابك عادي يعني ليس مصغر

وفتحت عقد واحد ب 1000 دولار

وكان المتبقي في حسابك 2000 دولار يعني 200 نقطه

فعندما ينزل السعر نقطه في شاشه التداول تخصم منك نقطتين من حسابك اي الضعف واما تزيد نقطه في شاشه التداول تزيد عندك نقطتين وهكذا فيكون لديك فقط 100 نقطه لتقفل الصفقه والعياذ بالله وتعتبر فاتح عقدين ولكن بتامين واحد واسمه عقد ولكن هما عقدين

ـــــــــــــــ ـــ

ونفس الحال ل 1 : 400

رصيدك 3000 دولار وحسابك عادي يعني ليس مصغر

وفتحت عقد واحد ب 1000 دولار

وكان المتبقي في حسابك 2000 دولار يعني 200 نقطه

فعندما ينزل السعر في شاشه التداول نقطه واحده ينزل السعر عندك اربع نقاط وان زاد السعر في شاشه التداول نقطه يزيد عندك اربع نقاط اي لديك حوالي 50 نقطه اذا خسرتهم تقفل الصفقه والعياذ بالله وكانك فاتح اربع عقود بتامين واحد وهو 1000 دولار ويسمى عقد واحد مع انه اربع عقود

ـــــــــــــــ ـــــــ

طبعا بعض الشركات بتعملها علشان يخسروا الانسان بسرعه وهما الي كسبانين لما تقفل الصفقه وتفتح صفقه تانيه

ولازم تمضي على اقرار اولا طبعا لو عايز تغير نظام 1 : 100 الي نظام 1 : 200 او 1 : 400

ولا انصح بها ابدا لانها بتاكل الفلوس اكل وتلاقي المبلغ بيطير في ثواني لان 50 نقطه بتكون بسيطه جدا وسهله الكسر غير 200 نقطه

بالطبع ال 200 مش سهله انه ينزل بقوه ال 200 غير لو فيه خبر قوي واكيد بنكون عارفينوا قبلها ولكن ال 50 ممكن تسهى منك

الشاشه شويا وترجع تلاقي المبلغ طار فكل حركه بسيطه بيطير ضعف المبلغ او اربع اضعافه

والله الموفق وربي يقدرني واقدر اكون اخ لكم ويوفقنا جميعا لما فيه الخير يارب العالمين


[img]http://***or.com/imagehost/show.php/20014/wwwwwww.jpg[/img]

بعد الضغط على finish تظهرلك ال interface لبرنامج ال Meta Trader

[img]http://***or.com/imagehost/show.php/20013/vvvvvv.jpg[/img]

نشرح بقى شويه حاجات كده اساسيه فى البرنامج

[img]http://***or.com/imagehost/show.php/19922/wwwwwwwww.jpg[/img]

1- الايقونه التى تظهر ال Market Watch ...... قائمه باسعار العرض و الطلب على العملات المختلفه اي سعر البيع (العرض) والطلب (الشراء)لهذا الزوج من العمله فوق هذا وذاك فهي مؤشر لطلوع او هبوط زوج العمله في هذه اللحظه واللون الاحمر يعني نزول و اللون الاخضر يعني طلوع وتحت هذا الامر يوجد اعلى سعر في اليوم واقل سعر في اليوم

2- الايقونه التى تظهر ال Navigator ........ و هى قائمه التى تستخدم فى اختيار المؤشرات

3- الايقونه التى تظهر الTerminal ........ و هى قائمه بمعلومات عن حسابك ..... يعنى مثلا فيه كام رصيد فى حسابك ...... لو فتحت صفقه تظهر هنا و الربح و الخساره للصفقات المفتوحه

4- هى قائمه تختار منها المده الزمنيه لعرض الشارت الخاص بالعمله

5- هى قائمه تختار منها نوع الشارت المستخدم يعنى بار او شموع يابانيه او عادى ( خطى)

[img]http://***or.com/imagehost/show.php/19932/12345678999999.jpg[/img]

1- يظهر الرسم البيانى على هيئه بارات Bar Chart

[img]http://***or.com/imagehost/show.php/20016/99999.jpg[/img]

2- يظهر الرسم البيانى على هيئه الشموع اليابانيه Candle Chart

[img]http://***or.com/imagehost/show.php/20018/123456789.jpg[/img]

3- يظهر الرسم البيانى على هيئه خط عادى Line Chart


[img]http://***or.com/imagehost/show.php/20015/wwwwwwwwwwwwwwwwwwwwwwwwwwwwww wwwww.jpg[/img]

اما بالنسبه للفترة الزمنيه اللى هتظهر بيها الشارت فهى تختلف من شخص الى اخر ..... فاذا اردت مثلا فتح صفقه و اقفالها فى نفس اليوم يبقى شغلك على شارت ال 15 و ال 5 دقايق و ممكن شارت الساعه او النصف ساعه ............. لكن اذا اردت فتح صفقه و اقفالها فى مده تتجاوز الايام يبقى شغلك مثلا على شارت الDialy او الاربع ساعات .


[img]http://***or.com/imagehost/show.php/19931/10.jpg[/img]


يعنى مثلا هنا اخترنا شارت الساعه و اشتغلنا عليه


[img]http://***or.com/imagehost/show.php/19930/11.jpg[/img]

نبتدى بقى الشرح ...... هو احنا كل ده لسه مشرحناش ؟؟؟
نشرح بقى حاجه حاجه

[img]http://***or.com/imagehost/show.php/19929/12.jpg[/img]

ديه قايمه ال Market Watch و فيها الاتى :
1- Symbol : و اللى تحتها ده انواع العملات المختلفه ...... و ديه اختصارات العملات
USD : US Dollar
CHF : Swiss Franc
GBP : Great Britain Pound
Eur : Euro
JPY : Japanese Yen
AUD : Australian Dollar
CAD : Canadian Dollar
- Bid : و هى تعنى سعر البيع ( العرض )
- Ask : و هى تعنى سعر الشراء ( الطلب )


[img]http://***or.com/imagehost/show.php/19928/13.jpg[/img]

- Ticket : و هى رقم الصفقه التى فتحت

- Time : و هى وقت و تاريخ فتح الصفقه

- Type : و هى نوع الصفقه ( بيع ام شراء )

- Lots : وهى تعنى حجم العقود التى استخدمتها فى الصفقه

- Symbol : و هى العمله التى تتاجر بها

- Price : و هو السعر الذى فتحت به الصفقه

- S/L : و هى اختصارا لكلمه Stop Loss .... يعنى مثلا لو فتحت صفقه شراء لانك متوقع ان السعر سوف يرتفع و اشتريت مثلا عند سعر198.00 ...... و تركت الصفقه مفتوحه الى ان يصل السعر مثلا الى 198.20 لكى تغلق الصفقه و تجنى الارباح ...... و لكن انعكس اتجاه السوق و بدلا من الصعود بدا فى الهبوط .... ففى هذه الحاله نضع ما يسمى ال Stop Loss و هو مثلا اقفال الصفقه عند 197.90 اذا انخفض السعر و الخروج منها بخساره عشر نقاط وهذا لحمايه رصيدك .

- T\P : و هى اختصارا لكلمه Take Profit .... يعنى مثلا لو فتحت صفقه شراء لانك متوقع ان السعر سوف يرتفع و اشتريت مثلا عند سعر198.00 ...... و تركت الصفقه مفتوحه ... لن تغلق الصفقه الا اذا اغلقتها انت بنفسك ..... فنستخدم ال Take Profit عند مثلا 198.20 ..... فاذا ارتفع السعر ووصل لهذا السعر اغلقت اتوماتيك .

- Price : وهو سعر العمله الحالى

- Comm : تعني Options commission يعني العموله وهي تؤخذ على الحساب الاسلامي وقدرها 3 دولار للحساب العادي الكبير و1 دولار على الحساب المصغر .. فعند فتح حساب في الشركه (حساب حقيقي طبعا بعد معرفتنا بالفوركس) سيسالونا في اول مره نفتح حساب حقيقي هل عايزه حساب اسلامي ولا عادي فلو قولت حساب اسلامي تملا استماره لها شقين اولا تعفيك من الربا عند تبيت (اي ترك الصفقه مفتوحه لتاني يوم) فيمنعك الحساب الاسلامي من اخذ فوائد الربويه او دفع ضريبه التبيت .. والشق التاني وهو انها تفرض عليك مثل ما قولت فوق ان 3 دولار على العقد الواحد في الحساب العادي ( وعذرا لابد من فهم ان ال 3 دولار على العقد الواحد وليس على الصفقه ---- فمنا من يفتح صفقه بعقد واحد ومنا من يفتح صفقه
بعقدين ومنا من يفتح بعشره عقود ---- فلو فرضنا اننا فتحنا صفقه بعقدين يبقى العموله 3 دولار × عقدين = 6 دولار ولو استمر فتح الصفقه لمده سنه فلا ندفع غير العموله وهي 3 دولار على العقد الواحد وهذه ميزه لو استمرينا في فتح الصفقه وهي خاسره والعياذ بالله ولم نقفلها لمده ايام فلا يوجد علينا عمولات غير ال 3 دولار على العقد الواحد غير الحساب الغير اسلامي يكون عليك فوائد

- Swap : التسويات ودي مالهاش دعوه بينا وننساها لاننا لن نتعامل بها

- Profit : و هى تعنى المكسب اذا كان الرقم اللى تحتها موجب .... اما اذا كان سالب فهذا يعنى خساره .

- Balance : و هى قيمه رصيدك قبل فتاح العمليه ويقل او يزيد بعد اقفال الصفقه المفتوحه ولكن طول ما الصفقه شغاله لا يتحرك ولا يمكن السحب منه الا عند قفل الصفقه لمعرفه هل انت كسبان ان شاء الله ام والعياذ بالله خسران

- Equity : و هى قيمه رصيدك اثناء الصفقات المفتوحه

- free margin : وهى المتبقى من رصيدك والي يمكن استخدامه كتامين لدخول في عقد جديد

- Account History : و هى قائمه بالصفقات التى اجريتها

--------------------------------------------
طريقه فتح الشارت لاى عمله
---------------------------------------------
File
New Chart
و بعد كده اختيار العمله المراد المتاجره بها

بعد ما فتحنا الشارت و بقى كله تمام ....... عايزين بقى نفتح صفقه بالضغط على ايقونه New Order


[img]http://***or.com/imagehost/show.php/19927/14.jpg[/img]

هتظهر الصوره التاليه

[img]http://***or.com/imagehost/show.php/19926/15.jpg[/img]

- لاختيار العمله المراد المتاجره بها

2- عدد العقود التى تريد فتح الصفقه بها

3- Stop Loss : مشروح فوق

4- Take Profit : مشروح فوق

5- اى تعليق تحب تضيفه على الصفقه

6- Type : و فى اختياران

:::: خلينا فى الاختيار الاول ::::::

7- تشترى العمله على السعر الموضح امامك

8- تبيع العمله على السعر الموضح امامك

9- ديه تقريبا و الله اعلم انى مثلا لو السعر تحركاته سريعه و انت فتحت صفقه على سعر 198.50 و فى اثناء اتمام عمليه فتح الصفقه يكون السعر قد تغير ... فتلغى الصفقه و يسالك الوسيط اذا كنت تريد فتح نفس الصفقه بالسعر الجديد ام لا ................ و هذه الخاصيه لكى يقوم بفتح الصفقه بنفس السعر الحالى او فى حدود كام نقطه اعلى او ادنى السعر الحالى .

10- Tick Chart : و هى يعنى الرسم البيانى للعمله بس يفرق عن الساعه و الدقيقه فى انه ليس محدد بمده زمنيه و لكن يحسب كل تغير فى السعر

ملحوظه مهمه : اذا فتحت صفقه شراء على سعر مثلا 198.51 .... ففعليا انت اشتريت العمله بسعر 198.59 ...... اذا فتحت صفقه بيع على سعر مثلا 198.51 .... ففعليا انت اشتريت العمله بسعر 198.43 ..... و هذا ما يسمى بال Spread اى فرق النقاط بين العرض و الطلب

نيجى بقى للاختيار الثانى فى خانه ال Type و اللى هو Pending Order

[img]http://***or.com/imagehost/show.php/19923/wwwwwwwwe.jpg[/img]

و ال Pending Order تعنى مثلا :
السعر الحالى للعمله 198.00 ... فاذا اردت فتح صفقه شراء عندما يصل السعر الى 198.50 تضع هذه الاوامر و هو ما يسمى بالشراء الالى او البيع الالى ....... و الاوامر ديه من وجهه نظرى مفيده جد
ا
:::: متوقع ان السعر يوصل لنقطه معينه ... حط الاوامر الاليه و سيب الجهاز و سيبها هى تشتغل لما يوصل السعر للنقطه المحدده ::::

ملحوظه : لما تفتح برنامج التداول مش هتلاقيه شغال لانى يومى السبت و الاحد اجازه .......

و ميعاد افتتاح السوق حسب توقيت القاهرة والسعوديه يبقى يوم االاحد الساعه 9 مساء و ميعاد الاغلاق يوم الجمعه الساعه 11 مساء
وبين الجمعهبعد الساعه 11 الى يوم الاحد وقبل الساعه 9 تكون الفوركس اجازه
بس خلاص الدرس خلص .... و اتمنى انى انتوا تستفيدوا منه ... و اى سؤال متترددوش و اسالي
حتى و لو كان السؤال بسيط

والموضوع منقول من صديق حبيبي جدا(بعد استاذانه) مع الاضافه مني عليه والحمد لله وربي يسعدنا ويكسبنا جميعا[/frame]
لو سمحت لازم يكون الشخص ملم باللغه النكليزيه عشان يتعلم
مع تحيــــــــــ ـمنيرا ـــــــــــــــ ـــــــات
موضوع جدا جدا رائع
وجهد تشكر علييه جزيل الشكر

بس عندي سؤال ايش الفرق بين الديمو والحساب الحقيقي؟


وربنا يعطيك الف عافية


الساعة الآن 11:32 .