السلام عليكم



بنات ابغه طريقة عجينه حلوه للبيتزا تكون خفيفه مثل الخبزه ابغه اسوي بيتزا فطيره زي المطاعم وابغه عجينتها خفيفه مثل المطاعم يارب فهمتوني )ماتعرف تشرح ههههههههههه

لاتقولولي عجينة الربع ساعه والعجاين المشهوره وربي جربتها مشكلتها تجي منفووووووشه كانها كيكه ماتجي خفيفه
وطلب ثاني اقترحو علي طبق مكرونه غير الباشميل ومكرونة البيتزا بيجوني ضيوف وودي اسوي طبق مكرونه حلو وموعارفه
والله يسعد ويوفق كل من تساعدني والي ماعندها اجابه ترفع الموضوع بالاستغفار
16-09-1432 هـ, 07:27 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عجينة البيتزا فاهمه عليكي قصدك زي بيتزا ( الفرن ) او بالاصح زي عجينة المناقيش ،، بس ما عرف واللهة،،

وبخصوص المكرونه انا احبها واتفنن فيها وبديكي طريقه ~~>>

دجاج مسلوق ومفتفت - جزر مبشور - فلفل رومي شرايح - بصل مقطع صغير - ثوم مدقوق

احمسي البصل لما يشقر وحطي عليه الجزر والفلفل الرومي بعدين الثوم (عشان ما ينحرق ويطلع لاذع) بعدين قلبي لما يذبلوا بعدين الدجاج وقلبي وحطي مكعب ماجي وفلفل اسود وشويية كمون وقلبي كويس وآخر شي حطي صلصه وشوي مويه مغليه عشان يثقل زي الصوص بعدين حطي مكرونتك المفضله بعد ماتسلقيها وقلبي لما يتجانسو ،، وقدميها ،، وربي طعممممه بشكل ..

او اعملي مكرونة بولونيز اللي هيه الحمرا باللحم المفروم بس ضيفي للحم جزر مبشور وبعد ماتحطيها في طبق التقديم رشي عليها جبنة مبشوره النوع اللي تحبيه ،، وربي ادماان وتغيير عن البشمل وكذا ،،،



مووفقه ياقمر ،،
16-09-1432 هـ, 07:36 صباحاً
 
اسلقي مكرونه
ثم حطيه بصينية
قطعي صدور دجاج التقطيع اللي تحبيه ثم قلقليه مع بصل وزيت حطي عليه ملح وبهاراتك ثم حطي عليه خضار مفرزنه جاهزه اللي هي جزر مكعبات وبازلا وذرة اذا ما عندك انت قطعي جزر وحطي بازلاء وذرة المهم خليه على النار الى ان تنضج بعدين حطي عليه فص ثوم مهروس وعلى طول شيليه من النار علشان لا يروح طعم الثوم
بعدين حطيها فوق المكرونه
ووزعي فوق الدجاج والخضار جبنه مزريلا
بعدين سوي الخلطة التالية
شوي كتشب
شوي صويا صوص
شوي ملح
شوي بهاراتك اللي تحبينها
شوي سكر نص ملعقة شاي
غطا خل ابيض
شوي توابل ايطالية ( تجي جاهزة بعلبة من السوبر ماركت مكونه من زعتر واوريغانو وريحان الخ)
اذا عندك بابريكا
ملعقة اكل زيت زيتون اذا مافيه زيت عادي
واخلطيهم
وصبي الخلطة على الوجة
وبعدين حطيه في الفرن من فوق وتحت مدة قصيرة الى ان تدفا الصينية و تذوب الجبنه
انتبهي لا تخلي الجبنة تحمر مجرد تذوب
لذيذة
السر في التوابل الايطالية ضروري تكون في الطبق
دعواتك
16-09-1432 هـ, 07:51 صباحاً
 
حبيبتي لا سويتي العجينه أيا كان نوع أو أسم العجينه أقسميها بعدد كاسات الدقيق _ مثلا _ عدد كاسات الدقيق 3 كاسات لما تخمر عجينتك تقسمينها 3 كور وكل كورة تفردينها على قد صينيه وسط ويا حبذا دائريه حتى تكون ألذ
و المكرونه ألذيذه بالنسبه ليه باللبن واللحمه المفرومه
المقادير:2بصله مقطعه تقطيعا صغيرا
1 علبة مكرونه إسباجيتي
1 علبة لبن كبيره
نصف كيلو مفروم
ملح ـ فلفل أسود ـ ثوم - نعناع ناشف

الطر يـقـــــــــــــــــــه :
أولا : نضع المفروم في الصينيه ونضع عليه البصل وقليل من الملح والفلفل الأسود ونقلبه حتى يستوي ونضعه جانبا
ثانيا : نضع المكرونه في القدر مع القليل من الزيت والماجي والماء حتى تستوي
ثالثا: نضع اللبن مع القليل من الثوم والملح والفلفل الأسود ونقلبه حتى يتجانس ونظيف اللحمه والمكرونه والنعناع الناشف وتطهى قليلا على النار
وأخيرا : نحضر الصحن المراد وضع الطعام به ونضع المكرونه ونزينه بالقليل من الكزبره .
ومكرونة القشطه بالجبنه المبشوره
وهذي الأكله بالنسبه ليه ما تتعبني أحب أسويها لا فلست من أغلب المقادير في المطبخ
مقاديرها مكرونه إسباغتي مسلوقه , وكشنته طماطم محذقه أي مكثره الماجي والبهارات شوي و3ملاعق صلصل ويكون ملحها شوي زايد
, وعلبتين قشطه تخلط مع بعض المكرونه والكشنه والقشطه وتصب في صينيه ويرش عليها جبنه مبشوره مزوريلا أو كرفت أي نوع وتنحط في الفرن مدة ربع ساعه أو لين تحمر الوجه .... بالهنا والعافيه
16-09-1432 هـ, 08:16 صباحاً
 
بالنسبه للبيتزا .. سويها بعجينة اسمها عجينة الصاج رهيبه مره

أما المكرونه .. خذي هذي وادعي لي

http://forum.hawaaworld.com/showthread.php?t=2688270
16-09-1432 هـ, 08:53 صباحاً
 


الساعة الآن 06:20 .