Analysis Services
مثل ما قالوا الاخوات ،، لو تقدرين الصبح ،، وعندي لك زبونه،، موظفة وعندها بنت عمرها 10 شهور ،، وتبغى مكان تحط بنتها فيه

ما ادري عن وضعك ،،، لكن بالليل ، سهل يلقون احد يحطون عيالهم عنده ، اما الصبح صعب ،،


مثلا وسط الاسبوع تخلينه صباحي ،، ونهاية الاسبوع والاجازات مسائي مثلا


بيني وبينك ، انا ولسى ما جاني عيال ، شاغلتني هالفكرة مرررررررة شلون اسوي بوظيفتي ، لاني ما ابغى شغالة ولا ابغى حضانة ، خووووووووووووووافة انا مرة ، غير اني متأخرة بالحمل ،، بيصير عندي فوبيا


بتتعبين من كثر الاقتراحات ، وكل وحده بتقولك وجهة نظرها ،، لكن في النهاية القرار لك ،، انتي شوفي اللي يناسبك ويريحك

بالنسبة لصور بيتك ،، ما يحتاج تصورينه ، يكفي صورة المجلس بس ، واذا انتي ما بعد جهزتيه فالصورة ما تفيد بشي

انتي قولي كم مساحته ،، وهل الانارة زينه ،، المكيف زين ،، التهوية كيف ، ما يصير مكتوم مهمة النقطة هذي

واذا جهزتيه باغراض الحضانة من العاب واسرة وغيره على قولك ، وقتها تكون الصورة مفيدة


واذا تذكرت شي بقولك <<<<< ما تنعطى وجه
19-09-1432 هـ, 12:58 صباحاً
 
يا قلبي بالعكس مشروعك حلو بس مشكلة الشعب السعودي مو اي بيت يدخلونه بزارينهم هاذي وجهة نظري فقط لكن لا تعتمدينها
انا ممكن لو تسويها اختي و لا صديقتي و لا جارتي و انا اعرفها اوك ما فيه مشكله
بس كذا لوحده ما اعرفها بافكر فيها كثير قبل او احط معها خدامتي و البيبي هاذي اوك لاني ما اعتمد عل الخدامه مع الطفل بالحاله
بالعكس مشروعك مرره جنان و نزلي صورة الغرفه
و احسن لك تاخذينها بالساعه اما اللي عندها مثلا دوام و كل يوم بتحط بزرها عندك بعد صعبه بالساعه خذي منها بالشهر انه تمسكينه كل صبح كل يوم و خلاص
يعني نفس العميله ايش نوع خدمتها يحدد وشلون تعاملينها بالساعه و لا لا
و الله يوفقك يا رب
19-09-1432 هـ, 02:24 صباحاً
 
موفقه
19-09-1432 هـ, 03:17 صباحاً
 
الله يوفقك عزيزتي

انا اشوف
اغلب اللي بيجيبون عيال عندك هم اقاربك ،
لأنو مستحيل ناس من بعيد مايعرفونك يحطون عيالهم ويمشون ،، انا مثلاً مستحيل احط عيالي عند احد واروح عنهم ،
وبما انو اقاربك راح تستحين منهم ، تطلبين فلوس صح ولا لا !!!!

فكرة المشروع حلوة
بس ماندري اذا ناجح او لا !
ناجح من ناحية اقاربك وجيرانك ، لأنهم يعرفونك وعيالهم متعودين عليك و وجهك مألوف عندهم بالعكس راح ينبسطوا
بس البعيد ،، ماتوقع !!!
بنتي لو تشوف احد غريب على طول تبكي ، كيف لو ابتعد عنها واروح مشوار ، والله لاتسوي حفلة !
حتى الأطفال اللي حوووولي دايم تحت امهاتهم ، لو يروحون بيت احد غريب ويشوفون ناس اول مره يشوفونهم ، من الطبيعي انو الطفل يبكي ومايبغى الا امه

وانا رايي من راي اخواتك ،، اذا عندك وقت فراغك فكري لك مشروع ثاني ،،


مدري احس انو المشروع صعب تنفيذه
لو تعطي دروس خصوصية لأطفال الأبتدائي يكون افضل ، ،، وهذا رايي ياختي

الله يوفقك ويرزقك الذرية الصالحة
19-09-1432 هـ, 03:35 صباحاً
 
الله يرزقني و يرزقك و يرزق كل محروم الذرية الطيبة الصالحة المعافاة عاجلا غير آجل

فكرة حلوة و مشروع ناجح ***** الله أنا و الله فكرت فيها بس زوجي ما رضى قال أولاد الناس مسؤولية و ما أبغى مشاكل لو لا قدر الله مرض الطفل و هو عندك

على كل حال بالتوفيق
19-09-1432 هـ, 07:53 صباحاً
 


الساعة الآن 03:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏