Analysis Services
  • «
  • 1
  • 2
  • >
  • »


بسم الله الرحمن الرحيــمـ..

اليوم بعض النآس طلبوآ مني أسوي أكل.. لكني ماقدرت.. فـ سويت تشيز كيكـ عشان بس أكون سويت شي..

أول شي.. التشيز كيك لها أنوآع وأشكآل.. وكل حد لهـ وصفتهـ.. حد يسوي لها بيض ويحطها بالفرن.. وحد يسوي الخلطة بالكريما بدل الجبن!!

ومقآدير الخلطة مالتي مش وليدة اللحظة.. كم قد جربت وجربت حتى ضبطت عليي هالمقادير بالضبط..وأقدر أسويها من غير لا أطعم الخلطة حتى.. وأضمن أنها بتطلع مثل ما أنا أريد..

بلا كلآم زيآدة..

وبسمـ الله نبدآ..

المقآديــر..

المقآدير اللي بذكرها لكمية وحدة.. وتكفي صحنين صغآر.. أو صحن كبيـر..

بس أنا أساسا سويت كميتين..لذلكـ ضاعفت الكميـة..

ظرف دريم ويب..علبتين قشطة..
21 حبـة جبنة كيري..بسكوت دايجستف..
زبدة..ليمونة..سكــر..شوكلآتة هيرشي أو أي نوع آخـر,, انا كانت عندي أمريكآنا



--------------------------------------------------

الطريقـــة..

نطحن البسكوت بالكمية اللي تنآسبنآ..مش بآودر مررة.. خليه شوية خشن..


--------------------------------------------------

نذوب الزبدة..ونخلطها مع البسكوت..حتى نحس أنهـ تمآسكـ.. ولا تزيدين الزبدة..لأنه بعدين مابيطلع حلوو..


--------------------------------------------------

وهذا شكل البسكوت بعد ماخلطت الزبدة..ولاحظوا اللون كيف تغير..


--------------------------------------------------

نرص البسكوت بإستوآآء في بآيركس..أو قآلب كيك من اللي ينفتح..وندخه في فرن حآآآر لمدة 5 دقآئق..بس عشآن يتمآسك البسكوت أكثـر.. وبعدها دخلي البآيركس للفريزر..


--------------------------------------------------

نجي للخلطة.. وهي أسآس العمل كلهـ.. إذا ضبطت قمرتي.. ولو ماضبطت حآولي من جديد..


اخلطي 21 حبة كيري.. وعلبتين قشطة.. وظرف دريم ويب.. و3 إلى 4 ملاعق أكل سكـر..(يمكن إستبدآل السكـر بالحليب المحلى..بس أنا ما أحسه يطلع حلوو..)

ابرشي الليمونة بأصغر فتحآت في المبرشة..وحطي شوية من البرش في الخليط.. واعصري الليمونة وصبي عصيرها في الخليط..

اخلطي الخليط كلهـ مع بعضه بالخلآط.. صعب تخلطينه باليد.. لأن الجبن مابيتجانس بالسآهل..

واخلطي حتى تروح تكتلات الجبن ويصير خليط كريمي متجآنس..


--------------------------------------------------

طلعي البآيركس من الفريزر..وحطي عليه طبقة سميكة من الخلطة..ورجعي دخليهـ في الفريزر..



--------------------------------------------------

بالإمكآن تخليه في الفريزر الوقت اللي تحبين..إذا كنتي بتقدمينها في نفس اليوم حطيها في الفريزر.. وإذا بتقدمينها ثاني يوم.. حطيها في الثلاجة وخليهآ تآخذ رآحتها..

--------------------------------------------------

في أثنــآآء ماهي في الفريزر.. سويت الطبقة الأخيرة من التشيز كيكـ..

الأوريوو.. وبالإمكآن استبدآله بأي شي ثآني..

--------------------------------------------------

طلعي الكريمآ من بسكوت الأوريوو (
مايبيعون أوريو بدون كريمآآ لاه؟؟).. وبعدهآ اطحنيهـ.. خليه مجرش.. مش بآودر..



--------------------------------------------------

طلعي الصحون من الفريزر.. ورشي عليها الأوريوو..


--------------------------------------------------

وبعدين أنا أضفت جوز الهند المحلى فوق الأوريوو.. وبعدين حطيت في صحن صووص التوفي.. وصحن ثآني صووص الشوكلآتة..




--------------------------------------------------

والصحن الثالث.. خلطت شوية مربآآ بالشوكة..عشان يسهل فرشهآ فوق خليط الجبن..


--------------------------------------------------

وهذي الصحنين وقت الفطـــوور..
ولا تنسوووا جربووها


وبالعافيه

..


وهاذي تجربتي وانتظر ردودكم الحلوووه
19-09-1432 هـ, 02:16 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لكن ووين الصوور؟؟ كانوو
معروضين عندي
19-09-1432 هـ, 02:20 صباحاً
 
من كلامك باين حلو
بس بعد ننتظر الصور ياعسل
19-09-1432 هـ, 02:28 صباحاً
 
19-09-1432 هـ, 03:16 مساءً
 
يسلمووووا
19-09-1432 هـ, 03:54 مساءً
 


الساعة الآن 11:44 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏