Analysis Services
انا عن نفسي ما ازود الدقيق مرره يعني اخليها تلصق شوي بس يعني ما اكثر الدقيق تنشف وتقسى واذا عجنتها وهي تلصق احد بيدي زيت واخليها تخمر وبعدين اشتغل فيها واذا خرجتها من الفرن اوهي في الصينيه احط فوقها فوطه مطبخ نظيفه وفوقها سفره وان شاء الله بتدعين لي جربيها بكره وتقولي لي كيف طلعت معك
19-09-1432 هـ, 11:41 مساءً
 
انا اقولك عجينتي
خذي ملعقتين خميره وذوبيها بربع كاس ماء عادي مو حار
واضيفي عليها بيضه+4م حليب بودره+ فنجان قهوه سكر+ وربع فنجان زيت+وذره ملح
اخلطيهم كووويس واضيفي كاسين دقيق واعجني واذا صارت لينه مرره اضيفي ملعقتين دقيق
واعجنيها مزبووووط وغطيها بكيس ساعه او اقل
وقبل تبدين بالشغل شغلي الفرن من تحت
وبعد ماتخلص فطايرك غطيها بالقصدير طوااالي

وصدقيني كنها قطنه رووووووووعه

موووفقه
20-09-1432 هـ, 12:51 صباحاً
 
لاتكثري عليها الزيت وعلى طول لما تطلعيها من الفرن حطيها في حافظه وان شاء الله تستوي معاك موفقه
20-09-1432 هـ, 01:10 صباحاً
 
هذي طريقة عجينتي ومعتمدتها انا وخواتي

اول شي انا اعجن بلبن او زبادي يعطي للعجينه طراوه

كأس لبن بحرارة الغرفه ولو كان بارد زيدي عليه مويه مغليه لين يكون دافي تقريبا ربع كأس مويه

ولو كان اللبن بحرارة الغرفه زيدي عليه ربع كاس مويه فاتره

ملعقة خميره ونص ملعقه بكنج بودر وفنجال سكر وربع علبة الحليب المركز حق الشاهي و ذرة ملح و فنجال زيت ونقط من الخل علشان الخميره ماتطلع ريحته

اعجنيها بدقيق الكويت لين تتكون معك عجينه متماسكه ولو تلصق باليد بلي يدك بالزيت واعجني فيها لين تدوخ سر من اسرار طراوة العجين كثر العجن

اتركيها تخمر تقريبا نص ساعه بالوقت هذا الحراره مرتفعه فما يحتاج وقت طويل للتخمير

بعد تشكيل الفطاير وحشوتها لاتدخلينها الفرن مباشر لا اتركيها اقل شي 5 دقايق مغطيه بسماط لاتتركينها مكشوفه

ودخليها فرن محتمي لاتدخلينها الفرن وهو بارد لا لازم يكون مشغل قبل

اذا طلعتيها من الفرن خليها مكشوفه شوي يمكن 5 دقايق بعدين غطيها بالسماط
20-09-1432 هـ, 04:03 صباحاً
 
انا اعملها بدون مقادير..
اظن انها تشابه مقاديركم..
بس اضيف ..
لو تبدلون كمية الزيت بالزبدة راح تطلع جناااان باذن الله
والطحين الكويتي يعطيها طراوه
وكثرة عجنها يعطيها فرصه للانتفاخ الحلو
وبس
وبالهناء والعافية
20-09-1432 هـ, 07:48 صباحاً
 


الساعة الآن 03:34 .