السلام عليكم ورحمه الله و بركاته


اسفه على التاخير بس الموقع جدا زحمه و بطى

لكل من طلب طريقه الهريس


الطريقه جدا سهله وبدون بهارات و مافي اي زفر انا سويتها المره هذي على الدجاج لان الوالد تتعب معدته من اللحم
اول شي اسويه اني من الليل اغسل الهريس كويس و احط عليه مويه حاره و اغطيه لين ثاني يوم
في قدر احط مويه بمقدار لكل كاس هريس كاس و ثلاث ارباع مويه انا استخدمت دجاجه وحده حجم 900 ل 3 كاسات هريس
اخلي المويه تفوح واضيف لها الدجاج و اخليه على نار عاليه و ابد اشيل الريم عشان اتخلص من الزفر بعدها اضيف شرايح البصل و شرائح الطماط انا استخدمت 4 بصلات و 3 طماطم وسط واخليه يغلي مع الدجاج لمده ثلث ساعه و اذا طلع اي ريم ارجع اشيله
اصفي الهريس من المويه و اضيفه الى القدر و يكون ارتفاع المويه عن الهريس تقريبا 5 اصابع = بحدود 6 سم واخليه على نار عاليه لمده نص ساعه
طبعا القدر مايكون على النار مباشره تحطين بينهم حديده اللي زي الصاج عشان تتوزع الحراره
بعد نص ساعه اوطي على النارمره و اغطي الهريس كويس بالقصدير وانساه تقريبا ساعتين بعدها اشيل الدجاج خارج القدر و اشيل العظام منه و ارجعه للقدر و احرك القدر و ارجع اغطيه وبعد ساعه ارجع احرك القدر واذا كان في مويه زايده بتكون على السطح اشيلها وارجع اغطي و ارجع مره ثانيه بعد ساعه و ابدء اضربها لمده ربع ساعه بالمضربه وارجعها على الفرن مره ثانيه و احط الملح و اغطيها مره مره كويس لمده نص ساعه واذا في مويه زايده اشيلها من السطح واضربها بالمضربه الضرب النهائي واقدمها بالاواني الخاصه
طبعا على الوجه احط السمن انا استخدم سمنه الكرسي الذهبي اسيحها على نار متوسطه مع حبتين تمر و 5 حبات هيل تعطي طعم روعه بس اهم شي تنتبهين ماتحترق


و العافيه على قلوبكم
يعطيك العافية
9lK05257
يعطيك العافية


الساعة الآن 11:14 .