كيفكم بنوتات وحريمات ..
طبعا هذا الموضوع مثل مانتو شايفين لنا احنا ذوات الشعر المصبوغ
والي اكيد اغلبنا تضرر شعرها من الصبغه ..
واكيد دامنا من هالفئه فإحنا من عشاق تغيير اللوك والستايل
وطبعا كل شيء له ثمنه ..
وثمن هالشيء شعورناا الي راح فيها .. والي تقصف .. والي تساقط .. والي والي ..
وطبعــــــا ..
بما اننا نمتلك شعر مصبوغ .. فمو كل شيء يناسبنااا
وانا نزلت هالموضوع لأني دوورت ودووورت ودوورت واغلب الخلطات الموجوده ماتناسب شعورنا
الي هي
الشعور الملونه
الموضوع هذا خاص فينا بس
والباقين غير مسموح بالدخول
خخخ لا طبعا امزح حياكن كلكن
..
نبي يابنات كل وحده ( صابغه شعرها )
وجربت خلطات ماسكات حمامات زيت فيتامينات امبولات اي شيء تجي وتكتب تجربتها هنا سواءا سلبيه او ايجابيه
ولازم تقولنا
1) لون الصبغه ايش ؟
2) متى صبغتيها ؟
3) وش مشكله شعرك ؟
4) واخيرااا تجربتها ..
وراح ابتدي بنفسي ..
الاسم : hazin
لون الصبغه : غلريلي اشقر رمادي واشقر ثلجي
شعري الاساسي
اسود
متى صبغتها : 4 ايام
مشكله شعري : للحين ماصار شي والحمدلله خايفه يطيح :06:
وانا حاطه جدول براسي ناويه اجربه بإذن الله
والي حابه تمشيء معايه فيه حياها والي حابه تحط جدول من عندها كمان حياهاا
وان شاء الله هالموضوع بيكون شامل لأي تجارب وخلطات نافعه او ضاره
..
وقبل الختام .. حابه اقولكم معلومات للعنايه بالشعر المصبوغ ماكنت عارفتها وعشان محد يكرر الاخطاء
1 ) لازم قبل ماتصبغين شعرك يكون مو نظيف بمعنى اخر مزيت لأن هالشيء يخفف من ضرر الصبغه بسبب وجود الاتربه والدهون فتحمي الشعره شوي
وكمااااااااان .....لمن تصبغين شعرك ماتغسلينه بالشامبو لمده 48 ساعه
وتكتفين بعد ماتصبغينه بغسله بالبلسم
( سواءا اللي يجي مع الصبغه أو اي بلسم تفضلينه وينصح بالبلسم الخاص بالشعر المصبوغ )
2) انتبهي تحطين اي ماسكات او خلطات او زيوت لحد مايمر اسبوعين على الاقل من الصبغه
عشان ماتنزل معاك
وخاصه الي شعورهم ناعمه
وبعضهم يقولون خليه شهر بدون اي خلطات او زيوت واكتفي بالبسلم عشان مايجف
3) البلسم لا تحطينه عالفروة وحاولي تبعدينه عن الجذور .. لأنه يسبب تساقط وهو الغرض الوحيد منه ترطيب الشعره فأنتي ركزي على الاطراف وخلي مسافه 5 سم او اقل عن الجذور ..
4) مقوله الزيت يغمق الصبغه خاطئه والصحيح انه ينزلها
بمعنى لو شعرك كان اسود وصبغتيه لون فاتح وحطيتي زيت قبل ماتثبت الصبغه بتنزل الصبغه الفاتحه او تخف فيبين اغمق
ولو العكس شعرك كان فاتح وصبغتي غامق وبرضو زيتيه قبل لا تثبت تنزل الصبغه الغامقه بيفتح اللون او بالأصح ( يشهب )
5) الأطراف غالبا ماتتقصف اول شيء بالشعر والصبغات اهم العوامل المؤديه للتقصف
عشان كذا .. قصي الاطراف بإستمرار .. وأفضل شيء قصيها كل شهر في الايام البيض
( اذا ماقصيتي الاطراف المتقصفه .. يتمدد التقصف لأعلى ..يعني لازم تقصينها )
6) نصيحه من القلب :ق1: ====> للقلب
اذا بتحطين اي كان على شعرك سواءا صبغه ..خلطه..امبولات
لا تنسين ( بسم الله الذي لايضر مع اسمه شيء في الارض ولا في السماء وهو السميع العليم ) 3 مرات
واذا سويتي خلطه زيوت او اي شيء اقري عليها
( الفاتحه + اول 5 ايات من البقره + ايه الكرسي +اخر ايتين من البقره + المعوذات ثلاث مرات )
<< وهالشيء مهم للي جتهم عين بشعورهم قبل استخدام اي خلطه
ولو الخلطه كميتها كبيره يكفي تقولينها مره وحده اول ماتسوينها
بإنتظااااار تجاااربكم للعنايه بالشعر المصبوووووووغ .. والحفاظ على (حيويه اللون ) < سارقه الكلمه من شامبو
ولا تنسوون اهم شيء نبي نركز عليه
ايقــــــــــــــــــاف التساااااااااااااااااقط
وتكثييييييييف الشعررررررررررررررررررر
بدووون مايتغير لون الصبغه او يتأثر
بإنتظاركم
الموضوع منقول بس بتجربتي وابي مساعدتكم
