نصيحه لاتبذرين وانا اختك مو عشان عزيمه تسوين كل مالد وطاب الصايم دايممايحب يكثر اكل فبحسب الافراد اللي بيجونك كل ماكان عددهم كثير كثري وحاولي انك تسوين الاصناف اللي تجلس لليوم الثاني عشان تخلينها فطور لكم تستفيدين بدل ماتنرمي


سوي الاشياء المعتاده اللي الكل لازم يشوفها عالسفره
مثلا
الشوربه شي اساسي
السنبوسه حطي كذا نوع مثلا لحمه وجبنه وخضار ودجاج وخلي كل نوع لوحده
سوي معجنات بنفس العجينه مثلا بيتزا وكرسون وخليه
سوي مكرونه نوعين بشميل وعاديه باللحمه اذا عندك
ونوعين حلا خفيف بعد الفطور عالقهوه
وانتي وشطارتك في توزيع السفره
واذا عجبك جدولي ذا ابشري بالوصفات راسليني عالخاص ومالك الامايرضيك
حاسه فيك والله وفي ربكتك
واذا ماعجبك لاتنسيني من دعواتك بفرج همي الله يفرج همك لاني بحاجة دعوت كل عضوه
21-09-1432 هـ, 11:06 صباحاً
 
21-09-1432 هـ, 11:31 صباحاً
 
للااااااااااااااااااا
مرتبكه كذا ما ينفع
اول شيئ يالغاليه يكون بيتك نظيف على الاخر ومطبخك كمان واعزمي لك وحده تحبينها وتعرفي انها تساعدك وتمونين عليها
وابدئي من يوم الاربعاء
خططي ثم نفذي
اول شيئ
نوعين مقليات سمبوسه مثلا وسبرينغ رول المهم نوعين
ونوعين معجنات اما خليه نحل وبيتزا
اونوع واحد فطائر مشكله مع البيتزا والخ

ونوع واحد سلطه اما فتوش او تبوله او خيار بلبن ونعناع فقط نوع واحد
وشوربه شوفان
ونوع مكرونه ما انصحك بالبشاميل بتحوسك بالمواعين وتزيد من ارتباكك خاصه لو انك مبتدئه لكن ممكن تسلقي مكرونه وتكشنين على جنب لحم مفروم وجزر وفلفل بارد وشوي حار ومعجون طماطم ومويه واذا استوى اللحم تضيفيه على المكرونه المسلوقه تخلطيه تصبيه في الصينيه مع رشه كزبره وجبن شيدر ويتقدم بالصينيه
وهم يغرفون حسب رغبتهم هي والشوربه بطريقه البوفيه
والحلى كريم كراميل واي نوع يتقدم في كاسات يعني مو صينيه حلى كذا افضل ونظف واريح لك ماترتبكين
وحلى للقهوه بعد ما يقومون يجلسون على القهوه اما بسبوسه او كنافه او بلح الشام
مع بقيه الفطائر والسنبوسه تكون مرتبه

ومويه وعصيرات وتمر
من الليل تجهزي التمر والمواعين حقت التقديم
وتلفي الملاعق والشوكوملاعق الحلى بالمناديل والخ
وتجهزين من الليل
مرقه اللحم اللي بتسوين فيها شوربه الشوفان وتدخليها الثلاجه
والعصيرات والحلى والحشوات حقت السنمبوسه
وتبدين شغلك من الظهر تحشين السبرينغ رول
والسمبوسه
وتعجنين الفطائر وتحشيها
واخبزيها على الساعه 4
وحطي المرق على النار حق الشوربه
وابدئي حضري سفره الرجال والحريم
اهم شيئ تكون السفره انيقه ومرتبه والاكل لذيذ وما تكون السفره زحمه ومشوهه
بس نصيحتي لك من الليل خلصي اغلب شغلك عشان تتذوقي الملح لانو مع الربكه اخاف تعتفسين
وخلي معاك ورقه وقلم وش اللي سويتيه وش اللي باقي ماسويتيه تتيسر ان شاء الله
والله يوفقك وتعدي على خير
21-09-1432 هـ, 12:24 مساءً
 
اهم شي باقي معك وقت سوي كل شي قبل يوم الخميس تجهيز مسبق عشان ماتختبصين وعليك بالصحون البلاستيك اذا ماعندك شغاله وبالتوووووووووووووفيق
21-09-1432 هـ, 03:20 مساءً
 
رتبي وقتك ونظفي بيتك وافرشي سفرتك قبل والعصير والحلى والحشوات من الليل
21-09-1432 هـ, 03:36 مساءً
 


الساعة الآن 12:23 .