وين اروح دبي والا تركيا والا اي مكان حلو ورخيص

في عيد الاضحى دبي يكون جوها حلو والسكن عندك شقق فندقيه رخيصه حلوه ونظيفه ومحافظه شوفي موقع عرب لينك او بوكنج وغيرها مثل روز قاردن وفندق ابيس يمدحونه سواء ابيس البرشاء او غيره تقريبا ب250 ريال

اما تركيا المواصلات غاليه والاكل والجو طبعآ خيال وراح يكون في توقيتكم بااااااارد مره

دول اوربيه ماعندي فكره بس في اعتقادي نااار الاسعار

روحى الاردن نفس اسعارنا فى الرياض والجوا مرة حلو

up

أنا من اهل الشمال والأردن ملييييييت منها

والله العظيم كتب لك رد طويل يمكن طول جدي الله يرحمه بس يوم ارسلت الرد الا ويقطع المنتدى حسبي الله عليه


والحين بعيد بس مو زي الرد الاول كل شيء كتبته لك طويل مره


المهم
الميزانيه تكفي لدبي واستخيري وتوكلي على الله وروحوا لها والله ان 13 الف بتكفيكم من 7الى 9ايام اذا كان السكن بحدود 400الى 450 بالليلة

وممكن تدخلين على بوكينغ وتختارين الفندق اللي بحدودميزانيتك وتحددين المنطقه اللي تبين والافضل لك وللميزانيه المتوسطه حي البرشاء فنادق كثيرررره مررره ومشهوره ومنها 5 ومنها 4 ومنها 3نجوم وال3نجوم حلوه اكثرها

وبيناسبك السعر فيه الهوليدي ان بالصفا على شارع الشيخ زايد وفي فنادق 5نجوم في الجي بي ار على شاطئ الجميرا او جميرا بيتش ريزدني بس كلها فنادق 5ستارز مثل ريتز كارلتون وشيراتون جميرا وهيلتون جميرا ولو رويال ميراج ولو رويال مريديان و موفنبيك وفندق امواج روتانا وفندق الواحه واتلانتس جزيرة النخله هذا قريب من الجميرا او الجي بي ار وفندق برج العرب و ايضا يوجد ابراج فيها مقاهي واسواق خارجيه حوطها اشجار و سلالم تقع في الجي بي ار وحلو الجلسه فيها المطله لكن بالحر تجيك سخونه وحراره بسبتها لكن حلوه بالشتويه


نرجع للفنادق عندك 5نجوم في قلب دبي وهو حي ديره وحي ديره فيه الزين وفيه الشين وفيه رجال الاعمال وفيه العمال يعني خليطي لكن هو قديم ويتجدد والى الآن العالم فيه لكن انا اعتبره قديم من يوم كنت صغيره اتذكره واشهر شيء فيه من المولات الحديثه لكن تعتبر اقدم المولات والى الآن حلوه وتتحدث مثل سيتي سنتر وبعدين حمر عين والريف مول والفنادق اللي حول السيتي سنتر حلوه مره وفخمه مثل سوفتيل وشيراتون وكوبثورن ومريديان وحياه ريجنسي وبارك حياه لكن كل الفنادق هذي احس انها قدمت مع انها للحني غاليه و5نجوم
الا كوبثورن اذا تبين حي ديره وما انصحك في الحي لأن زحممه واحس يناسب زياره يومي بس عشان تروحين للسوق الشعبي في شارع نايف وعشان سيتي سنتر وهذا حي حلو وفخم


بس اذا تبينه عندك فندق كوبثورن اسلامي وحلو ومافيه بار ولا مشروبات روحيه


عندك الحي الثاني بعد متوسط لاو قدي ولاجديد وفيه الخليط ويتحدث ويتجدد كل شيء في دبي يتجدد لكن اقصد الفنادق اللي فيه

بر دبي هذا مو بر لا بس اسمه بر وهو حي هادي بس مو حلو حلو عادي وفيه فنادق كثير بس اكثرها قديمه ويكون كلها اجانب وفيه عرب بس قليل

والفرق بين حي ديره وحي بردبي والكرامه والاحياء الاخرى ان ديره يقع قلب دبي ودبي ديره وبر دبي قلب دبي النابض لكن يفصل بينهم قناة مائيه جايه من البحر زي الشرم يسمونها (خور دبي تفصل بين حي ديره وحي بردبي والاحياء الثانيه )حي ديره قريب من المطار والراشديه والشارقه

والحي الثاني اللي هو بر دبي يقع على الجهه الثانيه من الخور وفيه ايضا على امتداده شارع خالد بن الوليد والى ان توصلين شريان دبي بعد قلبها وشريان دبي هو شارع الشيخ زايد هنا تحصلين كل الاحياء على شارع واحد مثل الملك فهد عندنا بالرياض
يقع عليه الابراج كلها ابراج الامارات _وبرجمان سنتر وهو مول رائع ومتوسط الحداثه _ وفندق روز ريحانه وكلما اتجهتي نحوجنوب دبي باتجاه ابوظبي كلما شفتي التطور يكون اكثر لأن حي ديره هو اول حي وفيه الخليط من الجديد والقديم ويقع شمال دبي وكلمااتجهتي نحو الجنوبوعبرتي الجسر على الخور ومشيتي على الشيخ زايد كلما شفتي الاماكن الاكثر تطورا

على اني اذا قلت الاكثر تطورا اظلم دبي لأن كلها متطوره

المهم باتجاه الجنوب وانتي جايه من ديره يجيك خو ردبي وعليه الحدايق والجسور ثم شارع زعبيل اللي فيه اكبر ديقه بالشرق الاوسط واجمل حديقه ولازم تزورونها حديقة زعبيل او زعبيل بارك وقريبه من شارع عودميثاء وفيه فندق ال5نجوم رافلز وهو على شكل هرم وبنفس الفندق مول اسمه وافي سيتي , اما اذا بديتي بشارع الشيخ زايد وهو شارع طوووويل سواء كنتي بالمترو او بالسياره لكن بالمترو بتعرفين كل منطقه تمشين عليها من خلال الشاشه والصوت بتمرين ايضا بعد ابراج الامارات المركز المالي ثم المركز التجاري وبعده محطة دبي مول وبرج خليفه وطقته بنفس الخليج التجاري لكن الخليج التجاري له محطة مترو لحاله ودبي مول له محطة مترو خاصه توصلك للمول نفسه وايضا فندق المنزل جوار برج خليفه بس قديم لكن 4نجوم وفندق رمادا داون تاون خليفه بعد قديم شوي بس حليو للي يبغون فندق يكون ارخص وقريب من برج خليفه لك ما انصح فيه وفندق روز ريحانه وفندق دوست ثاني التايلندي وفندق متروبوليتان قديم شوي وفنادق كثير وايضا مزايا سنتر على شارع الشيخ زايد ومخارج للجميرا و بعد محطة الخليج التجاري بنك نور الاسلامي وبعدها مدينة دبي للانترنت وايضا الميديا سيتي مدينة الاعلام وبعدها مول الامارات وهذا اللي اقولك بحي البرشاء وبنفس مول الامارات فيه فندق كيمبنسكي فندق فخم وملكي في دبي 5ستارز وبعد محطة مول الامارات محطة شرف دي جي ايضا هذي في البرشاء وبعد هذي الحطة محطة مارينا دبي او مرسى دبي تنزلين فيها اذا بغيتي المارينا او الجي بي ار او احد فنادق المارينا وتكون المارينا ع اليمين اذا نزلتي من المترو بالمحطة حقة المارينا تعبرون جسر المحطة عشان تنزلون بالمارينا ونفس الشيء اللي بعده محطة نخيل وهذي ايضا بالمارينا ولها جسر على اليمين اذا بغيتي المارينا وتنزلك وتركبين لها من مركز تسوق مارنيا مول وبعده محطة مترو نخيل هاربر اند تاور وبعده محطة مترو ابن بطوطه مول اذا بغيتي تروحين له ويبقى محطة وحده وهي جبل علي بالبوابات حقتها وهذي مختصه بالمصانع منطقة جبل علي

اذا بغيتي تتجهين لشمال دبي بالمترو يعني نحو ديره أو سيتي سنتر أو حمر عين وأنتي ساكنه بالجنوب روحوا مع قطار المتوجه الى الراشديه واذا وصلتوا المحطه اللي تبون انزلوا

واذا انتو ساكنين بالوسط او في ديره وتبون تروحون ابن بطوطه او مارينا مول او امارات مول تروحون باتجاه منطقة جبل علي

وبتعرفون له اذا ركبتوا فيه


والغرض من بربرتي عليك عن المترو ومحطاته هو اختيارك للسكن اذا تحبين شيء معين مثلا سوق معين او تبين تختصرين المشاوير اختاري الحي اللي يناسب تفضيلاتك وعشان كذا لازم تكونين فاهمه خريطة مواقع الاشياء المهمه

دب يحلوه مره ومناسبه لكم وبتدعين لي وجوها الحين بدأ شوي يزين بعد لو تأخرون روحتكم اكثر بيزين الجو اكثر

بس في مهرجان التسوق شهر فبراير تكون باره وبنفس الوقت غاليه جدا


روحوا قبل عيد الاضحى





شوفي راسليني والله ما ابي الا دعواتك حاسه فيك اذا تبيني اسوي لك جدول وارتب لك الرحله واقول لك عن الحى الاماكن في دبي والميزانيه وخارطة الرحله والتوجيهات وكل شيء بس مقابل دعواتك لي في هالاواخر المباركه

ادعي لي براحة البال والسعاده وتحقيق الامنيات


ان شاء الله تروحين وتنبسطين