يأهلا وسهلا سلفا ببلدكم التاني وان شاء الله بتمضوا عطلة هنية عندنا

أخواتي لكل المهتمات ببشرتهن وبمكياجهم وشعرهم في عندنا بالشام وبالتحديد
بمنطقة الزبداني صالون صاحبته لبنانية وهي خبييييييرة بتنظيف البشرة
ومشاكلها واسمها مدام رأفت
واسم صالونها (صالون أماني)
بصراحة أنا جربت عندها القص والهاي لايت ويابنات كل اللي بيشوفني بيقول لي
وين مساويتيه؟يعني ماشاء الله شغلها كتيير حلو وخبرة كتير بالوان الصبغة
فمثلا اذا وحدة بدها لون أحمر بتخلط كل درجات الأحمر ومابتكتفي بلون واحد(هيك
هي خبرتني لما سألتها عن لون شعر بنتها)


وكان في وحدة عم تعمل تنظيف بشرة عندها ولو ماشفت وجهها قبل التنظيف
وبعده كيف صار لما تشجعت وخبرتكم

وطبعا الصالون في مكياج واللي بتمكيج هي بنت صاحبة الصالون ومكياجها كمان رووووووووعة

وغير هذا كله استقبالها لزبائنها كتير حلو يعني بتفكر الوحدة منا أنها جاية
تعمل زيارة لأختها


و حبيت من خلال هذا المنتدى أن أقدم لكن الافادة والمساعدة ولو مالمست الافادة
بيدي وبعيني ماخبرتكم وبيقولوا اسأل مجرب


صحيح اللي بدها عنوانها مفصلا ورقمها ياريت تبعتلي عالخاص ومن عيوني









مرحبا لووووووول

اهلين باهل الشام
بس ممكن تقولي لي كيف اسعارها؟ يعني تنظيف البشره بكم؟ وبكم الصبغه وبكم القص؟>>>طبعا بالليره مو الريال
الشي الثاني وين مكانها بالزبداني بالضبط قولي لي بالتحديد وين يعني ايش جنبها؟>>مو هي الي عند البريد؟
تسوي فتله ولا لا؟ لان الزبداني مافي احد يسوي فتله ابددددددددا

شكرا
ارسلي لي رقمها ومكانها بالضبطططططططط يعني في المحطة ولا فوق ولا عند سمر اذا تعرفيها لأني دايم اتعامل معها
واسعارها بحدود كم
>>>>>> ,وياك أكون او لا أكووووون >>>>
اشكرك اختي

انا من سنتين كنت في الزبداني

وعندي البطاقات الاماكن الي استفدت منها مخبيتها للحاجه

ومن ضمنها بطاقة حلاق اماني كانت فاتحه جديد وموزعه البطاقات

وهي في بناء دقدوق

بإذن الله اذا الله كتب لي زيارة الزبداني نمر عليها

جزيتي كل خير



الأخوات: شوكولاتة-ايميه-أم عزان:
شكرا لمروركم ويبدو أن صالون أماني معروف من الكل وصحيح عنوانه هو: زبداني
خلف البريد \ مواجه محطة القطار \ بناء دقدوق
بس أمانة خبروني كيف لقيتو تعاملها معكم ؟ أنا بصراحة عجبتني كتير وبما أنها معروفة عندكم فأكيد عاجبتكم أنتو كمان
وللأخوات اللي سالوا عن أسعارها أنا بصراحة أخت مني 3500 ليرة بس وبصراحة غير صالونات بتاخذ أكتر والنتيجة مابتكوني راضية عنها
وبالنسبة لتنظيف البشرة فأظن انها بتاخذ لترطيب البشرة حوالي 2500 ليرة


الساعة الآن 11:27 .