انا متضايقه ابغى اخت تنورني وتعلمني

انا اخت لك واكبر منك اسمعي نصيحتي امه خليها تقول الي تقول لاتردين عليها الابكلمة ان شاءالله
وبطيبك راح تكسبينها وترى الحريم الكبار اغلبهم كذا واما اخواته لا حاولي اذا قالوا شي ماعجبك وضحي وجه نظرك
لهم لاكن باسلوبك انتي يعني من غير رفع صوت وفي الاخير كل شخص وطبعه ولا يصح الا الصحيح موفقه يارب

مو لازم تقولين ان هذا من فلوسك طنشي اللبسي انتي وبنتك وتكشخو وزيني بيتك وعطيهم ركبة لا تبررين وتشرحين لهم كل وضع يضايقهم بقريح انتي لاتغلطين ولا تخلين احد يغلط عليك واحلى شي الخصران اللي يقطع مصرانهم

ماني اكبر منك بس برد على كلامك
شوفي قلبي هذا اول حاجه غلطانه مئه في المئه تبيعين ذهبك وزوجك ماعنده شيمه هذا اول حاجه
لانه لو عنده ذرة احساس ما خلاك تبيعين الذهب وتحطين في البيت
الذهب خليه لزمن ماتدروين وش راح يكون في المستقبل بس راح يكونو ذخر لكم
وبعدين منتي ملزومه تتعبين نفسيتك على حساب ام زوجك ولا اهله بعمرهم
انتي انسانه محترمه وبنت حلال ومتربيه تربيه سنعه عامليهم بلمثل لجل يحسون بالقهر وطنشي عطيهم طاف خليهم هم والطوفه وحده
ومن جهة بنتك هذي بنتك وانتي حره فيها تأكلنها ماتأكاينها ماحد له خص
ماراح يكونو ارحم علي بنتك أكثر منك
فأقول مشي امورك واللي يدقق لك بكلمه منا ولا منك ردي بلمثل لاكن لاترفعين ضغطك ولا تبكين

والله ياحبيبتي الموضوع بسيط لا تحطين بخاطرك ،، ولاتلومين ام زوجك اذا قالت أكلي بنتك
ترى كل الجدات كذا من حبهم وخوفهم على احفادهم لان هالايام صايرين الاطفال مزاجيين بقوووه في الاكل
وهذا مو من صالحهم ان الام تطاوعهم المفروض وقت الوجبه وجبه والطفل لازم ياكل عشان الصحه والنمو
خاصة ان كثير من الاطفال عنده سوء تغذيه وفقر دم وكله بسبب ان مافيه حزم في موضوع الاكل ،
انا ماقول الطفل لازم ياكل الاخضر واليابس لا خطأ ، لكن لابد ينوع بالاكل ومايفوت اي وجبه من الوجبات الرئيسيه ،
وكلناااااا اذا شفنا اطفال كذا نقول لامهاتهم اكلوا اولادكم ،
يعني انتي لاتشيلين بخاطرك ترى الموضوع بسيط مايحتاج زعل ..

اما بالنسبه للتغيرات في بيتك كان قلتي لهم اثناء السوالف ان التغييرات كانت عليك
انك انتي جمعتي ( بدون ماتقولين بعت ذهبي يعني مافيه داعي للتفاصيل ) مجرد بشكل عام ..
ومافيها شي ، بالعكس عشان على قولتك يدرون انك ماكلفتي زوجك فوق طاقته
وعشان يكونون على بينه فقط ..


وبعدين يا اختي العلاقه بين الزوجه وام الزوج لازم تكون علاقه طيبه ، ولابد تحرصين
على جمال هذه العلاقه ، ترى كثير من الناس ينتقد يعني مش لانها ام الزوج خلاص !!
حتى امهاتنا ينتقدونا ونتقبل كلامهم ، وحتى الصديقات وممكن اخواتك وممكن ناس تعرفينهم
ينتقدونك من باب النقاش والكلام اخذ وعطى ، يعني انتي لاتاخذين الموضوع بحساسيه وسوء ظن
وتقولين هي تنتقدني لانها ماتحبني !
لاصدقيني هي تعاملك على سجيتها مثل ماتعامل بناتها وخواتها والمجتمع حولها ،
فانتي خلي صدرك رحب وخليك مرحه ، وتقبلي الانتقادات ، ولو عندك مبررات قوليها بأدب ولطافه ،
يعني المسأله ماهي عداوه عشان تقولين ماعرف ارد وماعرف اطول صوتي ومدري ايش ،
بالعكس هذي قلة ادب ولاتصدقين اي وحده تقولك علي صوتك وردي ومن هالكلام ،
بالعكس انتي لازم تكونين حلقة وصل بين زوجك وامه ، يعني تجملين العلاقه
وتعينين زوجك على برها والاحسان إليها ،
ودائما حطي امك في هالموقف وافرضي ان اخوك هو مكان زوجك ،
وزوجة اخوك مكانك .. كيف كنتي تتمنين انها تعامل امك ؟!
اكيد تتمنين ان يكون صدرها وسيع وطيبه وتاخذ الامور ببساطه ،
حنا اولى بالنصيحه لذلك لازم نطبق على انفسنا ..


الله يسعدك وترى مو ضروري تسمعين مدح من الناس ، انتي غيرتي بيتك وانتي مقتنعه بالنتيجه
هذا يكفي لانك انتي اللي بتسكنين في البيت ، فلازم يعجبك انتي وزوجك .

عودي نفسك انك ماتنتظرين مدح من احد ولاتزعلين اذا ماسمعتي كلمه مدح من احد
تقبلي الناس على شخصياتهم وطباعهم بكذا ترتاحين ..
اذا مدحوا جزاهم الله خير ، واذا مامدحوا معذوورين ..