بنات ماتتخيلون شكثر انا رفله بلمطبخ بنات انا وحيده امي والله حتى قلاص الماي مااجيبه لحالي يجيبولي اياه بنات مااعرف شي البيض يالله اسوي والله العظيم اخوي يعلمني الطبخ بنات تخيلو مااعرف اسوي الشاي الورق النثري مو اللبتون لا الثاني مااعرف تكفون ساعدوني مااعرف شلون بتزوج وانا جذي
اليوم سويت قهوة المارس المره الاولى شميت ريحت حرق وقطيتها والمره الثانيه سويتها بس المارس عيا يذوب معي تكفون علموني شلون يذوب الله يوفقها ويجزيها خير اللي تساعدني
يعني ماااعرف اسوي شي بروحي لازم احد يساعدني مااعرف حتى اقص السلطه حالتي كسييفه بلمطبخ تكفون شوفولي حل
19-04-1426 هـ, 04:19 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي اللي يدخل عالم حواء ما يكون ارفل لانه كله دروس نافعه ان جيتي للطبخ ما شاء الله موسوعه اقسام منوعه انتي خذي الطبق اللي بتسوينه وطبقيه بحذافيره وبينجح لان اطباق عالم حواء كلها ناجحه بأذن الله وبعدين اطلبي مساعدة امك وطبقي معها وان شاء الله تكوني ست بيت ناجحه
19-04-1426 هـ, 04:07 مساءً
 
اختي ... مادري شجايل انصحج..بس دشي المطبخ ولاتضهري ابدا منه واكيييد اكيد رح تتعلمي شي................. ونعم النصيحه...

مع بنات المنتدى "الله يخليهم مافي وصفه ماعطونا يها"..
19-04-1426 هـ, 11:03 مساءً
 
ينقل لاطباق عالم حواء
20-04-1426 هـ, 01:35 صباحاً
 
اختي
مافي بنت انولدت وهي تعرف تطبخ
كلنا كنا مانعرف شي بالطبخ ولانعرف نفرق بين البصل والبطاطا
بس مع التعليم والممارسه صرنا نعرف بالطبخ واموره والحمدلله
انتي ابدأي بالاشياء البسيطة جداً والسهله تعلميها وطبقيها وحتى لو فشلتي
لاتيأسي كرري التجربة لين توصلين للي تبينه
بعدين ابتدي بالثقيل وان شاءالله بتصيرين طباخه ماهره وانتي الي راح تكتبين لنا وصفات
طبخاتك بعالم حواء
تحياااتي
20-04-1426 هـ, 02:22 صباحاً
 


الساعة الآن 10:24 .